完整藏文原文 · 德格版页 当前仅加载第 38 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ། གཟུགས་བརྙན་ལྟར་རྣམ་པར་རྟོག་པ་མེད་པའི་ལུས་དང་ལྡན་པ། རྨི་ལམ་དང་མཉམ་པར་རྣམ་པར་རྒྱུ་བའི་ལུས་དང་ལྡན་པ་མེ་ལོང་གི་དཀྱིལ་འཁོར་ལྟར་འཕོ་བ་མེད་པའི་ལུས་དང་ལྡན་པ། །ཕྱོགས་མེད་པ་ལྟར་རབ་ཏུ་ཞི་བར་ཁོང་དུ་ཆུད་པའི་ལུས་
D44.038.0256a01.01དང་ལྡན་པ། ཕྱོགས་ཀུན་ཏུ་རྒྱས་པར་འགེངས་པའི་ལུས་དང་ལྡན་པ། དུས་གསུམ་དུ་ཐ་མི་དད་པའི་ལུས་དང་ལྡན་པ། ལུས་མེད་པའི་སེམས་ཀྱི་ལུས་རྣམ་པར་མི་རྟོག་པའི་ལུས་དང་ལྡན་པ། འཇིག་རྟེན་ཐམས་ཅད་ཀྱི་{མྱིག་,མིག་}གི་ལམ་ལས་ཡོངས་སུ་འདས་པའི་ལུས་དང་
D44.038.0256a02.01ལྡན་པ། ཀུན་ཏུ་བཟང་པོའི་{མྱིག་,མིག་}གི་རྒྱུད་ཀྱིས་རྣམ་པར་ཤེས་པར་བྱ་བས་འདུལ་བའི་ལུས་དང་ལྡན་པ། ཆགས་པ་མེད་པས། ནམ་མཁའི་སྤྱོད་ཡུལ་དང་ལྡན་པ་རྣམས་མཐོང་བར་བྱ་བའམ། བསྙེན་བཀུར་བར་བྱ་བའམ། མངོན་གསུམ་དུ་ཕྲད་པར་
D44.038.0256a03.01བྱ་བའམ། འགྲོགས་པར་བྱ་བ་འམ། མཚན་མ་གཟུང་བར་བྱ་བ་འམ། དབྱངས་ཀྱི་དཀྱིལ་འཁོར་རྣམ་པར་རིག་པར་ཤེས་པར་བྱ་བའམ། ཚིག་གི་རྒྱུད་ཡོངས་སུ་ཤེས་པར་བྱ་བའམ། གདམས་ངག་ཡོངས་སུ་གཟུང་བར་བྱ་བར་ཐབས་ཇི་ལྟ་བུ་ཞིག་ཏུ་
D44.038.0256a04.01ནུས་པར་འགྱུར་སྙམ་ནས། དེ་ལྟར་སེམས་ཤིང་ཡིད་ལ་བྱེད་པ་ལ་བརྩོན་པར་གནས་པའི་ཚེ། གྲོང་ཁྱེར་གྱི་ལྷ་མོ་རིན་ཆེན་མིག་ཅེས་བྱ་བ་ནམ་མཁའི་ལྷ་མོའི་ཚོགས་ཀྱིས་ཡོངས་སུ་བསྐོར་བ་ཞིག་གིས། བདག་གི་ལུས་རྒྱན་སྣ་ཚོགས་ཀྱིས་ཡོངས་སུ་
D44.038.0256a05.01བརྒྱན་པ། བདག་གི་ལུས་རྒྱན་གྱིས་རྣམ་པར་ཀླུབས་པར་ནམ་མཁའ་ལ་འདུག་པར་ཉེ་བར་བསྟན་ནས། ལྷ་རྫས་ཀྱི་མེ་ཏོག་རྣམ་པ་དང་། ཁ་དོག་དུ་མ་ཅན་སྙིམ་པ་ནས་མངོན་པར་གཏོར་ཏེ། ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་
D44.038.0256a06.01ཀྱི་བུ་ཁྱོད་ཀྱིས་འཁོར་བའི་ཡུལ་ལ་དགའ་བར་མི་གནས་པས་སེམས་ཀྱི་གྲོང་ཁྱེར་ཡོངས་སུ་བསྲུང་བ་ལ་བརྩོན་པར་གྱིས་ཤིག །རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པའི་སྟོབས་བཅུ་ལ་དམིགས་པས་སེམས་ཀྱི་གྲོང་ཁྱེར་བརྒྱན་པ་ལ་བརྩོན་པར་གྱིས་ཤིག །
D44.038.0256a07.01