完整藏文原文 · 德格版页 当前仅加载第 38 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་ཐམས་ཅད་ལ་གཡས་ཕྱོགས་སུ་བསྐོར་བ་བྱས་ཏེ། ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}སྤྱི་བོའི་གཙུག་ཏུ་ཤར་ནས། སྤྱི་བོའི་གཙུག་མན་ཆད་བ་སྤུའི་བུ་ག་ཐམས་ཅད་དུ་ཞུགས་ཏེ་ལུས་ཀུན་ཏུ་ཁྱབ་པར་གྱུར་ཏོ། །དེ་ལྟར་ལྷ་མོ་དེ་དག་གི་འོད་གཟེར་གྱིས། ཚོང་དཔོན་
D44.038.0258b01.01གྱི་བུ་ནོར་{བཟངས་,བཟང་}ལ་ཕོག་མ་ཐག་ཏུ་དེའི་མོད་ལ་མུན་པ་ཐམས་ཅད་དང་། མི་གནས་པའི་མིག་རྡུལ་དང་བྲལ་བའི་འོད་སྣང་བ་ཞེས་བྱ་བ་ཐོབ་པར་གྱུར་ཏོ། །སེམས་ཅན་གྱི་རང་བཞིན་ཁོང་དུ་ཆུད་པར་བྱེད་པའི་མིག་རབ་རིབ་དང་བྲལ་བ་ཞེས་བྱ་བ་ཐོབ་པར་གྱུར་ཏོ། །
D44.038.0258b02.01ཆོས་ཐམས་ཅད་ཀྱི་རང་བཞིན་གྱི་དཀྱིལ་འཁོར་ལ་རྣམ་པར་ལྟ་བའི་{མྱིག་,མིག་}རྡུལ་དང་བྲལ་བས་དབང་བསྒྱུར་བ་ཞེས་བྱ་བ་ཐོབ་པར་གྱུར་ཏོ། །ཞིང་ཐམས་ཅད་ལ་རྣམ་པར་ལྟ་བའི་{མྱིག་,མིག་}རྣམ་པར་དག་པ་ལ་དབང་བསྒྱུར་བ་ཞེས་བྱ་བ་ཐོབ་པར་གྱུར་ཏོ། །དེ་བཞིན་
D44.038.0258b03.01གཤེགས་པ་ཐམས་ཅད་ཀྱི་ཆོས་ཀྱི་སྐུ་ལ་རྣམ་པར་ལྟ་བའི་མིག་རྣམ་པར་སྣང་བ་ཞེས་བྱ་བ་ཐོབ་པར་གྱུར་ཏོ། །དེ་བཞིན་གཤེགས་པའི་གཟུགས་ཀྱི་སྐུ་ཡོངས་སུ་གྲུབ་པ་རྣམ་པར་ཕྱེ་བ་བསམ་གྱིས་མི་ཁྱབ་པ་ལ་རྣམ་པར་ལྟ་བའི་མིག་རྣམ་པར་དག་པའི་བློ་གྲོས་
D44.038.0258b04.01ཤེས་བྱ་བ་ཐོབ་པར་གྱུར་ཏོ། །ཞིང་རྒྱ་མཚོ་འབྱམ་ཀླས་པ་ཐམས་ཅད་ཀྱི་འཇིག་རྟེན་གྱི་ཁམས་འབྱུང་བ་དང་། འཇིག་པ་རྣམ་པར་ཕྱེ་བ་ལ་རྣམ་པར་ལྟ་བའི་མིག་ཆགས་པ་མེད་པའི་འོད་ཅེས་བྱ་བ་ཐོབ་པར་གྱུར་ཏོ། །དེ་བཞིན་གཤེགས་པ་
D44.038.0258b05.01ཐམས་ཅད་ཀྱི་ཆོས་ཀྱི་འཁོར་ལོའི་མདོ་སྡེའི་ཚུལ་མངོན་པར་བསྒྲུབ་པའི་ཕྱོགས་ལ་རྣམ་པར་ལྟ་བའི་མིག་ཀུན་ཏུ་སྣང་བ་ཞེས་བྱ་བ་ཐོབ་པར་གྱུར་ཏོ། །སངས་རྒྱས་ཀྱི་རྣམ་པར་འཕྲུལ་པ་དང་། སེམས་ཅན་འདུལ་བའི་བྱིན་གྱི་རླབས་ལ་རྣམ་
D44.038.0258b06.01པར་ལྟ་བའི་{མྱིག་,མིག་}ཀུན་ནས་ཡུལ་དུ་འགྱུར་བ་ཞེས་བྱ་བ་ཐོབ་པར་གྱུར་ཏོ། །སངས་རྒྱས་ཀྱི་ཞིང་ཐམས་ཅད་དུ་བྱུང་བའི་སངས་རྒྱས་སྐྱེས་པ་ལ་རྣམ་པར་ལྟ་བའི་མིག་ཀུན་ཏུ་ལྟ་བ་ཞེས་བྱ་བ་ཐོབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་
D44.038.0258b07.01