完整藏文原文 · 德格版页 当前仅加载第 38 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སྨྲས་པ་དང་། དེ་དག་གིས་སྨྲས་པ། བཙོན་འདི་རྣམས་ནི་རྒྱལ་པོའི་ཕྱག་མཛོད་རྐུ་བ། རྒྱལ་པོའི་སྐུ་ལ་དར་བ། བཙུན་མོའི་འཁོར་དུ་ཞུགས་པ་ལས་བཟུང་བ་ཤ་སྟག་སྟེ། དེ་དག་ནི་མི་དགུམ་དུའང་མི་རུང་། དེ་དག་གི་ཆད་པ་ནི་
D44.038.0192a01.01དགུམ་པས་འབྲ་བར་བས་ཏེ། མ་ལགས་ནའང་བཙོན་རར་གུམ་ན་ཆད་པ་འབྲ་ལགས་གྲང་། དེ་དག་གི་མགོན་སུ་བགྱིད་པ་དེའང་རྒྱལ་པོའི་ཞལ་སྔར་གློ་བ་རིང་ངོ་། །དེ་ནས་རྒྱལ་པོའི་བུ་རྣམ་པར་རྒྱལ་བ་སྙིང་རྗེ་ཆེན་པོས་མི་བཟོད་ཅེས་ནས་བློན་པོ་དེ་དག་ལ་
D44.038.0192a02.01སྨྲས་པ། ཁྱོད་ཀྱིས་ཇི་སྐད་དུ་སྨྲས་པ། དེ་ལྟར་ཡང་རུང་སྟེ། ངས་ཁོང་ཏ་འདི་དག་གི་དོན་དུ་སྡུག་བསྔལ་ཉམས་སུ་བླངས་པ་ཐམས་ཅད་ཀྱང་བཟོད་པར་བྱ་ན་དེ་དག་ལ་ཁྱོད་ཀྱིས་ཅི་བྱ། དེ་ང་ལ་གྱིས་ཏེ་ཉེས་པ་ཅན་དེ་དག་ཁྱེ་ཤིག །ངས་དེ་རྣམས་བཙོན་ར་ནས་
D44.038.0192a03.01དགྲོལ་བའི་དོན་དུ་མི་བདེ་བ་ཐམས་ཅད་ཉམས་སུ་བླངས་ཏེ། ལུས་དང་སྲོག་ཡོངས་སུ་དོར་བར་བྱའོ། །དེ་ཅིའི་ཕྱིར་ཞེ་ན། གལ་ཏེ་ངས་སེམས་ཅན་འདི་རྣམས་ཙམ་ཞིག་ཀྱང་བཙོན་ར་ནས་དགྲོལ་བར་མ་ནུས་ན་ཁམས་གསུམ་པའི་བཙོན་ར་ན་འཁོད་པའི་སེམས་
D44.038.0192a04.01ཅན་སྲེད་པའི་ཞགས་པས་གླགས་པ། མ་རིག་པའི་ཐིབས་པོ་ན་འཁོད་པ། གཏི་མུག་གི་མུན་པར་བཙུད་པ། ཕོངས་པའི་སྡུག་བསྔལ་གྱིས་མནར་བ་ངན་སོང་གི་རྒྱུད་ཟབས་སུ་རིང་ཞིང་འབྱུང་བར་དཀའ་བར་ཆུད་པ། དབྱིབས་མི་སྡུག་ལ་མདོག་མི་སྡུག་
D44.038.0192a05.01པ་དང་ལྡན་པ། དབང་པོའི་སྦྱོར་བ་ཐམས་ཅད་དང་བྲལ་བ། ནོར་བའི་ཡིད་དང་ལྡན་པ། འབྱུང་བ་མི་མཐོང་བ་སྣང་བ་མེད་པ་ཁམས་གསུམ་པ་ལ་མངོན་པར་ཞེན་པ། བསོད་ནམས་དང་། ཡེ་ཤེས་ཀྱི་ཚོགས་{མྱེད་,མེད་}པ། ཡེ་ཤེས་ཀྱི་སྐྱེ་མཆེད་དང་
D44.038.0192a06.01སྐོལ་བ་ཉོན་མོངས་པ་སྣ་ཚོགས་ཀྱིས་སེམས་དྲི་མ་ཅན་དུ་གྱུར་པ། སྡུག་བསྔལ་གྱི་ཤིང་ཐགས་ཀྱིས་འཁོར་བ་དང་། བདུད་ཀྱི་དབང་དུ་གྱུར་པ། སྐྱེ་བ་དང་རྒ་བ་དང་། ན་བ་དང་། འཆི་བ་དང་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་ཡིད་{མྱི་,མི་}
D44.038.0192a07.01