完整藏文原文 · 德格版页 当前仅加载第 38 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལས་ལ་ཡང་དག་པར་སྤྱད་པར་སེམས་པའི་སེམས་དང་ལྡན་པ། བྱང་ཆུབ་སེམས་དཔའི་ཏིང་ངེ་འཛིན་གྱི་ཚུལ་རྒྱ་མཚོ་ཐམས་ཅད་ཡོངས་སུ་དག་པར་བྱ་བ་མངོན་དུ་བྱ་བའི་སེམས་དང་ལྡན་པ་བྱང་ཆུབ་སེམས་དཔའི་ཡོན་ཏན་ཐམས་ཅད་ལ་ནན་ཏན་དུ་བྱ་བས་
D44.038.0204a01.01ཡོངས་སུ་གྲུབ་པར་བྱ་བའི་སེམས་དང་ལྡན་པ། བྱང་ཆུབ་སེམས་དཔའི་ལམ་གྱི་རྒྱན་ཐམས་ཅད་མངོན་པར་བསྒྲུབ་པའི་སེམས་དང་ལྡན་པ། ཐམས་ཅད་མཁྱེན་པ་ཉིད་དུ་{དམྱིགས་,དམིགས་}པའི་ཚོགས་རྒྱ་ཆེན་པོ་ཡོངས་སུ་བསྒྲུབ་པ་བསྐལ་པའི་{མྱེ་,མེ་}འབར་བས་ཀྱང་། རྒྱུན་
D44.038.0204a02.01མི་གཅད་པར་བརྩོན་པར་བྱ་བའི་སེམས་དང་ལྡན་པ། འགྲོ་བ་ཐམས་ཅད་ཡོངས་སུ་སྨྱིན་པར་བྱ་བ་དང་། གདུལ་བ་ལ་རབ་ཏུ་ཞུགས་པས། བྱང་ཆུབ་སེམས་དཔའི་སྤྱོད་པ་ཀུན་ཏུ་བཟང་པོ་མངོན་པར་བསྒྲུབ་པའི་སེམས་དང་ལྡན་པ། ཡོངས་སུ་སྤྱོད་པའི་ཚུལ་ཐམས་ཅད་ལ་རབ་ཏུ་
D44.038.0204a03.01ཞུགས་པ་ནི་བྱང་ཆུབ་སེམས་དཔའི་ཡོན་ཏན་ཡོངས་སུ་རྫོགས་པར་བྱ་བ་ལ་དངོས་པོ་ཐམས་ཅད་རྣམ་པར་བསྒོམ་པས་དངོས་པོ་{མྱེད་,མེད་}པའི་ཚུལ་ལ་ཞུགས་པའི་སེམས་དང་ལྡན་པ་ཡིན་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་སྐྱེ་བ་གསུམ་པ་ཆོས་ཀྱི་ཚུལ་ལ་ངེས་
D44.038.0204a04.01པར་རྟོགས་པས་གཞག་པའི་སྦྱོར་བའི་ཚུལ་མངོན་དུ་གྱུར་བ་འབྱུང་བའི་སྙིང་པོ་ཞེས་བྱ་བའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའི་སྐྱེ་བ་བཞི་པ་དུས་གསུམ་སྣང་བར་བྱ་བའི་ལྷག་པའི་བསམ་པ་རྣམ་པར་དག་པའི་སྙིང་པོ་ཞེས་བྱ་བ་གང་ཞེ་ན། རིགས་ཀྱི་བུ་འདི་ལ་
D44.038.0204a05.01བྱང་ཆུབ་སེམས་དཔའི་ལྷག་པའི་བསམ་པའི་དབྱིངས་ལ་གྱ་ནོམ་པར་ཡོངས་སུ་དག་པ་ཡིན། སངས་རྒྱས་ཀྱི་བྱང་ཆུབ་ལ་སྣང་བ་རབ་ཏུ་ཐོབ་པ་ཡིན། བྱང་ཆུབ་སེམས་དཔའི་ཚུལ་རྒྱ་མཚོ་ལ་རབ་ཏུ་ཞུགས་པ་ཡིན། བསམ་པ་བརྟན་པ་རྡོ་རྗེའི་ཁམས་ལྟ་བུས་
D44.038.0204a06.01ཡོངས་སུ་ཟིན་པའི་སེམས་དང་ལྡན་པས་ཤིན་ཏུ་བརྟན་པ་ཡིན། སྲིད་པའི་ལམ་གྱི་རྒྱུད་དུ་སྐྱེ་བ་ལས་ཕྱིན་ཕྱོགས་སུ་ཕྱོགས་པ་ཡིན། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡོངས་སུ་གྲུབ་པར་བྱ་བ་ལ་མངོན་དུ་གྱུར་པ་ཡིན། བྱང་ཆུབ་སེམས་
D44.038.0204a07.01