完整藏文原文 · 德格版页 当前仅加载第 38 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཡོངས་སུ་སྟོན་པ་དང་། ཆོས་ལ་མོས་ཤིང་དགའ་བ་ལ་སེམས་ཅན་རབ་ཏུ་དགོད་པ་དང་། མཐར་གྱིས་བསམ་གཏན་དང་། ཏིང་ངེ་འཛིན་དང་སྙོམས་པར་འཇུག་པའི་སྒོ་མངོན་པར་བསྒྲུབ་པ་དང་། སེམས་
D44.038.0099a01.01ཅན་ཐམས་ཅད་ཀྱི་ཉོན་མོངས་པ་ཐམས་ཅད་རྣམ་པར་གསལ་བ་ལ་ངེས་པར་རྟོགས་པའི་སེམས་ཡོངས་སུ་རྗོད་པ་དང་། བྱང་ཆུབ་སེམས་དཔའི་ཏིང་ངེ་འཛིན་རྒྱ་མཚོའི་རྣམ་པར་འཕྲུལ་པ་ཐམས་ཅད་ཡོངས་སུ་སྟོན་པ་དང་། བྱང་ཆུབ་སེམས་དཔའི་
D44.038.0099a02.01མངོན་པར་ཤེས་པ་དང་། རྣམ་པར་འཕྲུལ་པ་དང་། ཁྱུ་མཆོག་གི་མཐུ་ཕྱུང་བ་ཡོངས་སུ་སྟོན་པ་བྱེད་ཅིང་། སེམས་ཅན་རྣམས་ཀྱི་དགའ་བ་ཡོངས་སུ་བསྐྱེད་པ་དང་། སྤྲོ་བ་འཕེལ་བར་བྱ་བ་དང་། ཉམས་བདེ་བ་ཡོངས་སུ་བསྐྱེད་པ་དང་། ཡིད་
D44.038.0099a03.01མི་བདེ་བ་བཟློག་པ་དང་། སེམས་སྐྱོན་མེད་པ་ཡོངས་སུ་བསྒྲུབ་པ་དང་། སེམས་ཅན་ལས་སུ་རུང་བར་བྱ་བ་དང་། བསམ་པ་རྣམ་པར་སྦྱང་བ་དང་། དབང་པོ་གསལ་བར་བྱ་བ་དང་། ལུས་ཀྱི་བདེ་བ་ཡོངས་སུ་བསྐྱེད་པ་དང་། ཆོས་ལ་དགའ་བའི་
D44.038.0099a04.01ཤུགས་རྣམ་པར་འཕེལ་བར་བྱ་བ་བྱེད་ཅིང་། སེམས་ཅན་རྣམས་ཡོངས་སུ་སྨིན་པར་བྱེད་པ་མཐོང་ངོ་། །བ་སྤུའི་སྒ་ཐམས་ཅད་ནས། སྐྱེ་བ་ཐམས་ཅད་དང་འདྲ་བའི་ལུས་ཀྱི་སྤྲིན་སྣ་ཚོགས་འཐོན་ཏེ། ཞིང་ཐམས་ཅད་ཀྱི་ཁོངས་སུ་ཆུད་པའི་སེམས་
D44.038.0099a05.01ཅན་ཐམས་ཅད་ཀྱི་ཡིད་བཞིན་དུ་བསྟན་པའི་ཕྱིར་དགེ་བའི་བཤེས་གཉེན་གྱི་གན་དུ་འགྲོ་བས་སྐྱོ་བ་མེད་པ་ཡོངས་སུ་སྟོན་པ་དང་། སློབ་དཔོན་དང་། བླ་མ་དང་། དགེ་བའི་བཤེས་གཉེན་ལ་རིམ་གྲོར་བྱ་བ་དང་། བསྙེན་བཀུར་བས་སྐྱོ་བ་མེད་པ་
D44.038.0099a06.01ཡོངས་སུ་སྟོན་པ་དང་། དེ་བཞིན་གཤེགས་པ་ཐམས་ཅད་ཆོས་ཀྱི་འཁོར་ལོ་འཁོར་བ་ཡང་དག་པར་བླང་ཞིང་ཡོངས་སུ་བཟུང་བས་སྐྱོ་བ་མེད་པའི་བརྩོན་འགྲུས་ཡོངས་སུ་སྟོན་པ་དང་། སངས་རྒྱས་རྒྱ་མཚོ་ཐམས་ཅད་ཁོང་དུ་ཆུད་པར་བྱ་བའི་ཚུལ་ཡང་
D44.038.0099a07.01