完整藏文原文 · 德格版页 当前仅加载第 38 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཆགས་པ་མེད་པའི་ངང་ཚུལ་ཅན། སྒྲིབ་པ་མེད་པར་ཡེ་ཤེས་ཀྱི་དཀྱིལ་འཁོར་རྣམ་པར་དག་པ། ཐོགས་པ་མེད་པའི་ཡེ་ཤེས་ཀྱི་སྤྱོད་ཡུལ་དང་། ཡུལ་དུ་ལྡན་པ། ཀུན་གྱི་གཞིའི་གནས་ཐམས་ཅད་ལ་མི་གནས་པར། སྲིད་པའི་ཀུན་གཞི་དང་གནས་ཐམས་ཅད་དུ་རྒྱུ་བ་རྣམས་
D44.038.0048b01.01ཀྱི་སྤྱོད་པ་ཆེ་ཤེས་པའམ། ཡོན་ཏན་བརྗོད་པའམ། ཚུལ་ཁྲིམས་ཀྱི་སྤྱོད་པ་རྣམ་པར་དག་པའི་སྒོ་ཡོངས་སུ་སྨོས་པའམ། ཁ་ན་མ་ཐོ་བ་མེད་པའི་སྤྱོད་པ་བརྗོད་པའམ། གནོད་པར་སྤྱོད་པ་མེད་པའི་ལུས་དང་ངག་དང་ཡིད་ཀྱི་རྒྱུད་བསྟན་པར་ནུས་རེ་སྐན། །སོང་རིགས་ཀྱི་བུ་ལྷོ་ཕྱོགས་
D44.038.0048b02.01ཀྱི་རྒྱུད་འདི་ཉིད་ན། གྲོང་ཁྱེར་ཁང་པ་བརྩེགས་པ་ཞེས་བྱ་བ་ཡོད་དེ། དེ་ན་མཉན་པ་དཔའ་བོ་ཞེས་བྱ་བ་འདུག་གིས་དེའི་དྲུང་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བྱ་བ་དང་། ཇི་ལྟར་ནན་ཏན་དུ་བྱ་བ་དྲིས་ཤིག །དེ་ནས་ཚོང་
D44.038.0048b03.01དཔོན་གྱི་བུ་ནོར་{བཟངས་ཀྱིས,བཟང་གིས}། སྤོས་འཚོང་གི་ཚོང་དཔོན་ལོངས་སྤྱོད་ཨུད་པ་ལའི་རྐང་པ་གཉིས་ལ་སྤྱི་བོས་ཕྱག་འཚལ་ནས། སྤོས་འཚོང་གི་ཚོང་དཔོན་ལོངས་སྤྱོད་ཨུཏ་པ་ལ་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། ཡང་དང་ཡང་བལྟས་ཏེ།
D44.038.0048b04.01སྤོས་འཚོང་གི་ཚོང་དཔོན་ལོངས་སྤྱོད་ཨུཏ་པ་ལའི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}གྲོང་ཁྱེར་ཁང་པ་བརྩེགས་པར་འགྲོ་བའི་ལམ་དུ་འཇུག་པའི་ཚེ། ལམ་གྱི་གྱེན་ཐུར་དང་། ལམ་མཉམ་པ་དང་། ལམ་གྱི་ཐག་ཐུག་དང་། ལམ་རྡུལ་ཡོད་པ་
D44.038.0048b05.01དང་། ལམ་རྡུལ་མེད་པ་དང་། ལམ་བདེ་བ་དང་། ལམ་མི་བདེ་བ་དང་། ལམ་དོག་པ་དང་། ལམ་བགེགས་མེད་པ་དང་། ལམ་འཁྱུག་པ་དང་། ལམ་འཁྱུག་པ་མེད་པ་ལ་རྣམ་པར་དཔྱད་དེ་བལྟས་ནས་འདི་སྙམ་དུ་བསམས་སོ། །འདི་ལྟར་བདག་དགེ་བའི་བཤེས་གཉེན་དེའི་
D44.038.0048b06.01དྲུང་དུ་འགྲོ་བ་འདི་ནི། བྱང་ཆུབ་སེམས་དཔའི་ལམ་གྱི་ནན་ཏན་གྱི་རྒྱུར་འགྱུར་རོ། །ཕ་རོལ་ཏུ་ཕྱིན་པའི་ལམ་གྱི་ནན་ཏན་གྱི་རྒྱུར་འགྱུར་རོ། །སེམས་ཅན་ལ་ཕན་གདགས་པའི་ལམ་གྱི་རྒྱུར་འགྱུར་རོ། །སེམས་ཅན་ཐམས་ཅད་བྱམས་སྡང་དང་། མཐོན་དམན་དུ་གྱུར་
D44.038.0048b07.01