完整藏文原文 · 德格版页 当前仅加载第 38 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་མཚན་མོའི་ལྷ་མོ་གྲོང་ཁྱེར་ཐམས་ཅད་བསྲུང་བ་འབྱུང་བའི་གཟི་བརྗིད་དཔལ་གྱིས་དེའི་ཚེ་བྱང་ཆུབ་སེམས་དཔའི་རྣམ་པར་ཐར་པ་ས་ཡིད་དུ་འོང་བ་དང་། རྣམ་པར་འཕྲུལ་པ་ཟབ་མོ་ལ་འཇུག་པ་འདི་ཉིད་བརྣན་ཏེ། བསྟན་པའི་ཕྱིར་ཚོང་དཔོན་གྱི་བུ་ནོར་{བཟངས་,བཟང་}ལ་ཚིགས་སུ་
D44.038.0157b01.01བཅད་དེ་སྨྲས་པ། རྣམ་ཐར་གང་གིས་དུས་གསུམ་རྒྱལ་བ་མ་ལུས་དང་། །ཆོས་དབྱིངས་ཀུན་དུ་འབྱམ་ཀླས་མཐའ་དང་དབུས་མེད་པ། །ཤེས་བྱེད་མཚན་ཉིད་ཀུན་གྱི་གཞིར་ཐུག་རྟོགས་པ་ཡི། །རྒྱལ་སྲས་རྣམས་ཀྱི་རྣམ་ཐར་ཟབ་ཅིང་བལྟ་བར་དཀའ། །ཚོགས་
D44.038.0157b02.01ལས་བྱུང་བའི་རྣམ་ཐར་ཚུལ་ནི་མཐའ་ཡས་ཏེ། །ཆོས་ཉིད་ཐོས་པས་ཚད་མེད་བསམ་དུ་མེད་པ་ཡིན། །ཡོངས་སུ་འཕེལ་ཞིང་ཀུན་ཏུ་ཆགས་མེད་ཤུགས་དྲག་པར། །དུས་གསུམ་བྱམས་པའི་ཚུལ་གྱི་ལམ་ལ་འཇུག་པར་གྱིས། །འདི་ལྟར་སངས་རྒྱས་ཞིང་རྒྱུད་རྡུལ་
D44.038.0157b03.01ཕྲན་རབ་སྙེད་ཀྱི། བསྐལ་པ་འདས་པའི་སྔ་རོལ་སྔོན་གྱི་ཞིང་བྱུང་བ། །འཇིག་རྟེན་ཁམས་ནི་ཆོས་འོད་སྤྲིན་གྱི་གྲོང་ཁྱེར་དཔལ། །བསྐུལ་པ་འབྱུང་བ་དྲི་མེད་མདོག་ཏུ་འོད་ཆེན་ནོ། །བསྐལ་པ་དེ་གཅིག་རྒྱལ་བའི་གདུང་ནི་རྒྱུན་མ་ཆད། །སངས་རྒྱས་རི་རབ་རྡུལ་ཕྲན་རབ་སྙེད་
D44.038.0157b04.01བྱུང་བར་གྱུར། །བདེ་གཤེགས་ཆོས་ཀྱི་རྒྱ་མཚོ་འོད་དབྱངས་རྒྱལ་པོ་ནི། །ཐོག་མར་བྱུང་སྟེ་དེ་དག་བསྐལ་པ་དང་པོ་བ། །རྒྱལ་བ་ཆོས་སྤྲིན་གྲོང་ཁྱེར་འོད་སྣང་རྒྱལ་པོ་ནི། །བདེ་གཤེགས་དེ་དག་ཀུན་གྱི་ཐ་མར་འཇིག་རྟེན་བྱུང་། །དེ་དག་ཀུན་གྱི་སྤྱན་སྔར་ཕྱིན་ཏེ་
D44.038.0157b05.01ཁོ་མོས་མཆོད། །དེ་དག་ཀུན་ལས་ཆོས་ཀྱང་དགའ་བ་ཆེན་པོས་ཐོས། །ཁོ་མོས་ཐོག་མར་མཐོང་བ་གསེར་མདོག་འོད་མངའ་བ། །རྒྱ་མཚོའི་ཆོས་འོད་སྒྲོག་པའི་གསུང་གི་རྒྱལ་པོ་སྟེ། །མཚན་རབ་སུམ་ཅུ་གཉིས་ཀྱིས་ཡོངས་བརྒྱན་རི་བོ་འདྲ། །མཐོང་ནས་
D44.038.0157b06.01བདག་ནི་བདེ་གཤེགས་འགྱུར་སྙམ་བློ་གྲོས་གྱུར། །དེ་བཞིན་གཤེགས་པ་དེ་ནི་ཁོ་མོས་མཐོང་མོད་ལ། །ཐམས་ཅད་མཁྱེན་ཉིད་འབྱམ་ཀླས་འབྱུང་བའི་རྒྱུ་རྐྱེན་ཀྱིས། །མཁའ་དབྱིངས་རྣམ་ཡངས་དེ་བཞིན་ཉིད་ཀྱི་རང་བཞིན་ཅན། །རྒྱལ་བའི་སེམས་ཀྱི་དང་པོ་
D44.038.0157b07.01