完整藏文原文 · 德格版页 当前仅加载第 38 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་ན་བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བ་ཡིན་པ་དང་། ཇི་ལྟར་ན་འཇིག་རྟེན་རྣམས་ལ་སྣང་བར་བྱེད་པར་འགྱུར་བ་དང་། ཇི་ལྟར་ན་ཕྱི་མའི་མཐའི་བསྐལ་པའི་མུར་ཐུག་པར་བྱང་ཆུབ་སེམས་དཔའི་སྤྱོད་པ་སྤྱད་པས་{མྱི་,མི་}སྐྱོ་བར་འགྱུར་བ་དྲིས་ཤིག །དེ་
D44.038.0201b01.01ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཚན་མོའི་ལྷ་མོ་འགྲོ་བ་ཐམས་ཅད་བསྲུང་བའི་སྨོན་ལམ་ལ་བརྩོན་པའི་འོད་ཀྱི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། མཚན་མོའི་ལྷ་མོ་འགྲོ་བ་ཐམས་ཅད་བསྲུང་བའི་སྨོན་ལམ་ལ་བརྩོན་པའི་འོད་ལ་ལན་བརྒྱ་སྟོང་དུ་མར་གཡས་
D44.038.0201b02.01ཕྱོགས་སུ་བསྐོར་བ་བྱས་ནས། ཐལ་མོ་སྦྱར་ཏེ་ཕྱིར་ལྟ་ཞིང་མཚན་མོའི་ལྷ་མོ་འགྲོ་བ་ཐམས་ཅད་བསྲུང་བའི་སྨོན་ལམ་ལ་བརྩོན་པའི་འོད་ཀྱི་དྲུང་ནས་སོང་ངོ་།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་གསུམ་པ།
D44.038.0201b03.01དེ་ནས་ཚོང་དཔོན་གྱི་བུ་ནོར་{བཟངས་,བཟང་}མཚན་མོའི་ལྷ་མོ་འགྲོ་བ་ཐམས་ཅད་བསྲུང་བའི་སྨོན་ལམ་ལ་བརྩོན་པའི་འོད་ཀྱི་གདམས་ངག་དེ་རྗེས་སུ་དྲན་པར་བྱེད་ཅིང་། བྱང་ཆུབ་སེམས་དཔའི་རྣམ་པར་ཐར་པ་སེམས་ཅན་ཐམས་ཅད་ཡོངས་སུ་སྨྱིན་པར་བྱ་བས་བསམ་པ་ཅི་ལྟ་བ་བཞིན་
D44.038.0201b04.01དུ་དགེ་བའི་རྩ་བ་ལ་ཡང་དག་པར་བསྐུལ་བ་དེ་ལ་ཡོངས་སུ་བསྒོམ་པ་དང་། ཁོང་དུ་ཆུད་པར་བྱ་བ་དང་། རྒྱ་ཆེར་བྱེད་ཅིང་མཐར་གྱིས་ལུམ་བི་ནིའི་ནགས་ཚལ་གང་ན་བ་དེར་ཕྱིན་ཏེ། ལུམ་པི་ནིའི་ནགས་ཚལ་ལ་གཡས་ཕྱོགས་སུ་བསྐོར་བ་བྱས་ནས། ལུམ་བི་
D44.038.0201b05.01ནིའི་ནགས་ཚལ་གྱི་ལྷ་མོ་གཟི་བརྗིད་ཀྱི་དཀྱིལ་འཁོར་བཟང་པོས་དགའ་བའི་དཔལ་ཡོངས་སུ་ཚོལ་ཚོལ་བ་ལས། ལུམ་བི་ནིའི་ནགས་ཚལ་གྱི་ལྷ་མོ་གཟི་བརྗིད་ཀྱི་དཀྱིལ་འཁོར་བཟང་པོས་དགའ་བའི་དཔལ་ལུམ་བི་ནིའི་ནགས་ཚལ་ན་རིན་པོ་ཆེའི་ཤིང་གི་ཡལ་ག་ཐམས་
D44.038.0201b06.01ཅད་ཀྱི་དཀྱིལ་འཁོར་གྱི་ཁྱིམ་བརྩེགས་པ་ཞིག་ན། སེངྒེའི་ཁྲི་རིན་པོ་ཆེའི་པདྨོའི་སྙིང་པོ་ཅན་ཞིག་ལ་འདུག་ཅིང་། ནགས་ཚལ་གྱི་ལྷ་མོ་ཁྲག་ཁྲིག་བརྒྱ་སྟོང་ཕྲག་ཉི་ཤུའི་འཁོར་གྱིས་ཀུན་ནས་བསྐོར་ཏེ། མདུན་དུ་བྱས་ནས་ཆོས་བསྟན་ཏེ། བྱང་ཆུབ་སེམས་དཔའ་
D44.038.0201b07.01