完整藏文原文 · 德格版页 当前仅加载第 38 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
{སྩོགས་,སོགས་}པ་འཇིག་རྟེན་གྱི་ཐ་མ་ལག་ཐམས་ཅད་ཀྱི་རྒྱུས་ཁོང་དུ་ཆུད་པར་བྱ་བ་དང་། འཇིག་རྟེན་ལས་འདས་པའི་ཆོས་རྣམ་པར་ཕྱེ་བ་ཐམས་ཅད་བརྗོད་ཅིང་བསྟན་པ་དང་། ཁོང་དུ་ཆུད་པར་བྱ་བ་དང་། ཡང་དག་པ་ཉིད་རྗེས་སུ་རིག་པར་བྱ་བའི་
D44.038.0276a01.01རྒྱུས་ལ་སྒྲིབ་པ་འམ། ཐེ་ཙོམ་མམ། ཡིད་གཉིས་སམ། ནེམ་ནུར་རམ། ཚམ་ཚོམ་མམ། མགོ་རྨོངས་པའམ། འཁོར་བའམ། {མྱི་,མི་}བདེ་བའམ། སྒྱིད་ལུག་པའམ། {མྱི་,མི་}ཤེས་པའམ། ཁོང་དུ་མི་ཆུད་པ་{མྱེད་,མེད་}པ་དེ་དག་གི་སྤྱོད་པ་ཤེས་པ་འམ། ཡོན་
D44.038.0276a02.01ཏན་བརྗོད་པར་ནུས་རེ་སྐན། །སོང་རིགས་ཀྱི་བུ་ཡུལ་མ་ག་ངྷ་འདི་ཉིད་ཀྱི་ལྗོངས་དག་པ་ཞེས་བྱ་བའི་གྲོང་ཁྱེར་འཚོ་བ་ཞེས་བྱ་བ་ན་དགེ་བསྙེན་མ་བཟང་མོའི་མཆོག་ཅེས་བྱ་བ་འདུག་གིས་དེའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་
D44.038.0276a03.01བསླབ་པར་བྱ་བ་དང་། ཇི་ལྟར་ནན་ཏན་ཏུ་བྱ་བ་དྲིས་ཤིག །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཚོང་དཔོན་གྱི་བུ་བཟོ་མངོན་པར་ཤེས་པའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། ཚོང་དཔོན་གྱི་བུ་བཟོ་མངོན་པར་ཤེས་པ་ལ་ལན་བརྒྱ་སྟོང་དུ་མར་གཡས་ཕྱོགས་སུ་
D44.038.0276a04.01བསྐོར་བ་བྱས་ནས་ཡང་དང་ཡང་བལྟས་ཏེ། ཚོང་དཔོན་གྱི་བུ་བཟོ་མངོན་པར་ཤེས་པའི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}ལྗོངས་དག་པའི་གྲོང་ཁྱེར་འཚོ་བ་གང་ན་བ་དང་། དགེ་བསྙེན་མ་བཟང་མོའི་མཆོག་གང་ན་བ་དེར་སོང་སྟེ་ཕྱིན་ནས། དགེ་
D44.038.0276a05.01བསྙེན་མ་བཟང་མོའི་མཆོག་གི་རྐང་པ་གཉིས་ལ་སྤྱི་བོས་ཕྱག་འཚལ་ནས། དགེ་བསྙེན་མ་བཟང་མོའི་མཆོག་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ཏེ། དགེ་བསྙེན་མ་བཟང་མོའི་མཆོག་གི་མདུན་དུ་འདུག་ནས་ཐལ་མོ་སྦྱར་ཏེ། འདི་སྐད་ཅེས་སྨྲས་སོ། །
D44.038.0276a06.01འཕགས་མ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་ནན་ཏན་ཏུ་བགྱི་བ་མ་འཚལ་ཏེ། འཕགས་མ་ནི་བྱང་ཆུབ་སེམས་
D44.038.0276a07.01