完整藏文原文 · 德格版页 当前仅加载第 38 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། ཐོག་མ་དངོས་པོ་མེད་པ་ལ་རབ་ཏུ་གནས་ཏེ། མངོན་པར་འདུ་བྱ་བ་{མྱེད་,མེད་}པའི་རྫུ་འཕྲུལ་ཐོབ་པའི་རྐྱེན་གཅིག་ནས་གཅིག་ཏུ་བརྒྱུད་ཅིང་འདབ་ཆག་པ་དང་། རྫུ་འཕྲུལ་ཆེན་པོའི་རྣམ་པར་གནོན་པས།
D44.038.0105b01.01ཕྱོགས་རྒྱས་པ་འགེངས་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་རྣམ་པར་ཐར་པ་ཐོབ་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་རྣམ་པར་ཐར་པ་རྒྱ་མཚོའི་ཚུལ་
D44.038.0105b02.01བསམ་གྱིས་{མྱི་,མི་}ཁྱབ་པ་ལ་འཇུག་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་ཏིང་འཛིན་གྱི་རྣམ་པར་འཕྲུལ་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་རྣམ་པར་གནོན་པ་
D44.038.0105b03.01གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་ཡོངས་སུ་གནོན་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་དང་། བྱང་ཆུབ་སེམས་དཔའི་མིང་དུ་བྱ་བ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་
D44.038.0105b04.01དང་། བྱང་ཆུབ་སེམས་དཔའི་ལམ་ལ་འཇུག་པ་གཅིག་ནས་གཅིག་ཏུ་བརྒྱུད་ཅིང་འདབ་ཆགས་པ་ནས། མཚན་མོའི་ལྷ་མོ་རབ་ཏུ་དགའ་བའི་མིག་འགྲོ་བར་རྣམ་པར་སྣང་བའི་བྱང་ཆུབ་སེམས་དཔའི་ཡེ་ཤེས་ཤིན་ཏུ་ཕྲ་བ་གཅིག་ནས་གཅིག་ཏུ་
D44.038.0105b05.01བརྒྱུད་ཅིང་འདབ་ཆགས་པ་ཇི་སྙེད་པ་དེ་དག་ཐམས་ཅད་དེའི་བ་སྤུའི་སྒོ་ཐམས་ཅད་ནས་སྤྲུལ་པའི་ལུས་ཀྱི་སྤྲིན་དུ་མངོན་པར་འཐོན་ཏོ། །སེམས་ཅན་རྣམས་ལ་ཆོས་འཆད་པ་དང་། ཡང་དག་པར་སྟོན་པ་དང་། གསལ་བར་བྱེད་པ་དང་། ཡོངས་
D44.038.0105b06.01སུ་སྟོན་པ་དང་། རྗེས་སུ་རྗོད་པ་དང་། རབ་ཏུ་འབྱེད་པ་དང་། ཤིན་ཏུ་རྒྱ་ཆེར་བྱེད་པ་དང་། འགྲང་བ་དང་། ངེས་པར་སྟོན་པ་དང་། རྣམ་པར་རིག་པར་བྱེད་པ་དང་། ཉེ་བར་བསྒྲུབ་པ་མཐོང་སྟེ། ལ་ལ་ལ་ནི་རླུང་གི་དཀྱིལ་འཁོར་ཤིན་ཏུ་འཁྲུགས་
D44.038.0105b07.01