完整藏文原文 · 德格版页 当前仅加载第 38 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་རང་བཞིན་ངེས་པར་རྟོགས་པ་ནམ་མཁའི་སྤྱོད་ཡུལ་དང་ལྡན་པ། མོས་པ་ཡངས་པའི་ལམ་གྱིས་རྣམ་པར་དག་པ། འཁོར་བའི་རྒྱུན་ལས་ཕྱིར་ཕྱོགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྒྱ་མཚོ་ལ་མངོན་པར་མོས་
D44.038.0164a01.01པ་ཆོས་ཀྱི་གྲོང་ཁྱེར་དུ་འགྲོ་བར་གཅིག་ཏུ་ཆད་པ། དེ་བཞིན་གཤེགས་པའི་ཡུལ་ཡོངས་སུ་གནོན་པའི་བརྩོན་འགྲུས་ཅན། སངས་རྒྱས་ཀྱི་སའི་རྒྱུད་རྣམ་པར་གནོན་པ་ཐམས་ཅད་མཁྱེན་པའི་སྟོབས་ཡོངས་སུ་རྫོགས་པར་བྱ་བ་ལ་མངོན་པར་མོས་པ། སྟོབས་བཅུ་རབ་
D44.038.0164a02.01ཏུ་ཐོབ་པར་བྱ་བའི་མཐར་ཐུག་པ་རྣམས་ཀྱིས་བསོད་ནམས་དང་ཡེ་ཤེས་ཀྱི་ཚོགས་ཡངས་པས་ཉེ་བར་བརྟེན་པའི་སེམས་དང་། བསམ་པ་རྣམ་པར་དག་པ་དང་མ་ཞུམ་པ་དང་། ཉོན་མོངས་པ་མེད་པ་དང་། མ་ཡོ་བ་དང་། མ་ཉམས་པ་དང་། མ་འཆུམས་པ་དང་།
D44.038.0164a03.01མུན་པ་མེད་པའི་སེམས་དང་། ཡེ་ཤེས་ཀྱི་སྣང་བ་ཀུན་ཏུ་སྣང་བས་སྣང་བར་འགྱུར་བའི་སེམས་དང་། སེམས་ཅན་ཐམས་ཅད་ལ་ཕན་པ་དང་། བདེ་བར་བྱ་བར་ཤིན་ཏུ་འདུན་པའི་སེམས་དང་། བདུད་ཀྱི་འཁོར་དང་། ཉོན་མོངས་པ་ཐམས་ཅད་ཀྱིས་མི་ཐུབ་པའི་
D44.038.0164a04.01སེམས་དང་། ཐམས་ཅད་མཁྱེན་པ་ཉིད་ཀྱི་ཡེ་ཤེས་ཐོབ་པར་བྱ་བར་སྐབས་ཕྱེ་བའི་སེམས་ཀྱིས་ཁོང་དུ་ཆུད་པ་དང་། འཇུག་པ་དང་། ཡིད་ཆེས་པར་བྱ་བ་དང་། གཟུང་བ་དང་རྗེས་སུ་འབྲང་བར་བྱ་བ་འམ། ཤེས་པར་བྱ་བར་ནུས་སོ། །དེ་ཅིའི་ཕྱིར་ཞེ་ན། རིགས་ཀྱི་བུ་གནས་
D44.038.0164a05.01འདི་ནི་དེ་བཞིན་གཤེགས་པའི་ཡེ་ཤེས་ཀྱི་ཡུལ་ཏེ། བྱང་ཆུབ་སེམས་དཔའ་ཐམས་ཅད་ཀྱིས་ཀྱང་ཡོངས་སུ་མ་ནོན་ན། སེམས་ཅན་གཞན་ཐམས་ཅད་ཀྱིས་ལྟ་ཅི་ཞིག་སྨོས། འོན་ཀྱང་སེམས་ཅན་ཅང་ཤེས་རྣམས་ཀྱི་བསམ་པ་ཕུན་སུམ་ཚོགས་པ་རྣམ་པར་དག་
D44.038.0164a06.01པར་བྱ་བ་དང་། དགེ་བའི་རྩ་བ་ལ་སྤྱོད་པའི་སེམས་ཅན་རྣམས་ཀྱི་ལྷག་པའི་བསམ་པ་དབང་དུ་འགྱུར་བར་བྱ་བ་དང་། ཁྱོད་ཀྱིས་བསམ་པ་ཐག་པ་ནས་ཡོངས་སུ་དྲིས་པའི་ལུང་བསྟན་པའི་ཆོས་ཉིད་རབ་ཏུ་འབྱུང་བ་ཐོབ་པར་བྱ་བའི་ཕྱིར་དེ་བཞིན་གཤེགས་པའི་བྱིན་གྱི་
D44.038.0164a07.01