完整藏文原文 · 德格版页 当前仅加载第 38 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་པ་ཡིན་ནོ། །རིགས་ཀྱི་བུ་ཁོ་མོ་ནི་བྱང་ཆུབ་སེམས་དཔའི་རྣམ་པར་ཐར་པ། བསམ་གཏན་ཞི་བའི་བདེ་བས་ཀུན་ཏུ་རྣམ་པར་གནོན་པ་ཐོབ་པ་སྟེ། རིགས་ཀྱི་བུ་ཁོ་མོ་ནི་དེའི་མཐུས། དུས་གསུམ་དུ་གཤེགས་པའི་དེ་བཞིན་གཤེགས་
D44.038.0092b01.01པ་ཐམས་ཅད་ཀྱང་མཐོང་སྟེ། དེ་བཞིན་གཤེགས་པ་དེ་དག་གི་སངས་རྒྱས་ཀྱི་ཞིང་ཡོངས་སུ་དག་པ་ལའང་འཇུག་གོ །འཁོར་གྱི་དཀྱིལ་འཁོར་རྒྱ་མཚོ་དང་། ཏིང་ངེ་འཛིན་མཐའ་དང་དབུས་མེད་པའི་རྣམ་པར་འཕྲུལ་བ་རྒྱ་མཚོ་དང་།
D44.038.0092b02.01སྔོན་གྱི་ཚུལ་རྒྱ་མཚོ་དང་། མཚན་རྒྱ་མཚོ་ལ་འང་འཇུག་གོ །དེ་བཞིན་གཤེགས་པ་དེ་དག་གི་ཆོས་ཀྱི་འཁོར་ལོ་རབ་ཏུ་འཁོར་བ་རྣམ་པ་ཐ་དད་པ་ལའང་འཇུག་གོ །དེ་བཞིན་གཤེགས་པའི་སྐུ་ཚེའི་ཚད་སྣ་ཚོགས་དང་། དབྱངས་
D44.038.0092b03.01ཀྱི་ཡན་ལག་རྣམ་པ་ཐ་དད་པ་དང་། དེ་བཞིན་གཤེགས་པ་དེ་དག་གི་ཆོས་ཀྱི་དབྱིངས་མཐའ་དང་དབུས་མེད་པའི་སྐུའང་འཇུག་སྟེ། དེ་བཞིན་གཤེགས་པ་དེ་དག་ལ་དངོས་པོར་མངོན་པར་ཞེན་པའང་མེད་དོ། །དེ་ཅིའི་ཕྱིར་ཞེ་ན། འཇིག་
D44.038.0092b04.01རྟེན་གྱི་ཁམས་ཐམས་ཅད་དུ་བཞུད་པ་འགགས་པའི་ཕྱིར། དེ་བཞིན་གཤེགས་པ་དེ་དག་ནི་བཞུད་པ་མེད་པའོ། །རང་བཞིན་གྱིས་བྱུང་བ་མེད་པས་ན། དེ་བཞིན་གཤེགས་པ་དེ་དག་ནི་བྱོན་པ་མེད་པའོ། །མི་སྐྱེ་བའི་ཆོས་ཉིད་དང་།
D44.038.0092b05.01མཉམ་པའི་སྐུ་མངའ་བའི་ཕྱིར། དེ་བཞིན་གཤེགས་པ་དེ་དག་ནི་མ་སྐྱེས་པའོ། །མི་སྐྱེ་བའི་མཚན་ཉིད་དང་ལྡན་པའི་ཕྱིར། དེ་བཞིན་གཤེགས་པ་དེ་དག་ནི་མ་འགགས་པའོ། །སྒྱུ་མའི་རྣམ་པ་ལྟ་བུར་མཐོང་ཞིང་རྣམ་པར་དམིགས་
D44.038.0092b06.01པའི་ཕྱིར། དེ་བཞིན་གཤེགས་པ་དེ་དག་ནི་མི་བདེན་པ་མ་ཡིན་པའོ། །འགྲོ་བ་ཐམས་ཅད་ཀྱི་དོན་དུ་བྱུང་བའི་ཕྱིར། དེ་བཞིན་གཤེགས་པ་དེ་དག་ནི་{བརྫུན་,རྫུན་}པ་མ་ཡིན་པའོ། །ཤི་འཕོ་དང་སྐྱེ་བ་ལས་རྣམ་པར་འདས་པའི་ཕྱིར། དེ་བཞིན་
D44.038.0092b07.01