完整藏文原文 · 德格版页 当前仅加载第 38 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་ཤིན་ཏུ་ཉུང་། །བསྐལ་པ་རབ་ཞི་བློ་གྲོས་འོད། །སངས་རྒྱས་སྟོང་རྣམས་བྱུང་བས་རྣམ་པར་བརྒྱན། །རྒྱལ་བའི་དང་པོ་རྡོ་རྗེ་གཙུག །གཉིས་པ་ཆགས་མེད་སྟོབས་མངའི་མཚན་ལྡན་པ། །རྒྱལ་བ་ཆོས་ཉིད་
D44.038.0110a01.01གཟུགས་བརྙན་དང་། །ཕྱོགས་རྣམས་ཀུན་ཏུ་སྒྲོན་མ་གསལ་བའི་བདག །རྒྱལ་བ་ལྔ་པ་ཐུགས་རྗེའི་འོད། །རྒྱལ་བ་དྲུག་པ་བརྟུལ་ཞུགས་རྒྱ་མཚོའོ། །བདེ་གཤེགས་བཟོད་འཁོར་སྒྲོན་མ་དང་། །བརྒྱད་པ་ཆོས་ཀྱི་དཀྱིལ་འཁོར་སྣང་བ་སྟེ། །
D44.038.0110a02.01སྣང་བ་རྒྱ་མཚོས་བརྒྱན་པ་དང་། །དེ་དག་ཐ་མ་ཞི་བའི་རྒྱལ་པོའོ། །བཅུ་པོ་དེ་ལ་སོགས་པ་དག །མི་ཡི་དམ་པ་དེ་ཀུན་ཁོ་མོས་མཆོད། །ཆོས་ཉིད་ནམ་མཁའ་མཉམ་པ་འདི། །རང་བཞིན་ཡོངས་སུ་ཀུན་ནས་དག་པ་སྟེ། །དེ་ལ་གནས་ཤིང་
D44.038.0110a03.01ཞིང་གི་རྣམས། །འབྱམ་ཀླས་ཀུན་ཏུ་སྤྱོད་སྤྱད་མ་དག་གོ །དེ་ཡི་འོག་ཏུ་མདངས་དགའ་བའི། །ཞིང་གི་སྤོས་སྒྲོན་སྤྲིན་གྱི་དཔལ་ཞེས་བྱ། །ཀུན་ནས་ཉོན་མོངས་ཡོངས་སུ་དག །དེ་ཡི་བསྐལ་པ་ལེགས་པར་བྱུང་ཞེས་བྱ། །རྒྱལ་བ་བྱེ་བ་
D44.038.0110a04.01དེ་ཚེ་བྱུང་། །དེ་དག་ཀུན་གྱི་དེ་ཚེའི་བསྐལ་པ་བརྒྱན། །མགོན་པོ་དེ་དག་ཆོས་གསུང་བ། །ཁོ་མོས་དྲན་པའི་སྟོབས་ཀྱིས་ཡོངས་སུ་བཟུང་། །རྒྱལ་བའི་དང་པོ་གྲགས་ཡངས་ཏེ། །ཆོས་ཀྱི་རྒྱ་མཚོ་ཤུགས་དྲག་དཔལ་གྱི་རྒྱལ། །ཆོས་དབང་
D44.038.0110a05.01རྒྱལ་པོ་ཡོན་ཏན་སྤྲིན། །ཆོས་ཀྱི་དཔལ་དང་ལྷ་ཡི་ཅོད་པན་ནོ། །ཡེ་ཤེས་འོད་འཕྲོ་གཟི་བརྗིད་དཔལ། །རྐང་གཉིས་དམ་པ་བདུན་པ་དེ་ཡིན་ནོ། །རྒྱལ་བ་བརྒྱད་པ་ནམ་མཁའི་དབྱིངས། །དགུ་པ་ཀུན་ཏུ་འབྱུང་བའི་སྒྲོན་མ་སྟེ། །དེ་དག་
D44.038.0110a06.01ཐ་མའི་སངས་རྒྱས་ནི། །མཛོད་སྤུའི་དཔལ་གྱི་འོད་ཀྱི་བློ་གྲོས་ཏེ། །རྒྱལ་བ་མི་མཆོག་དེ་དག་ལ། །མཆོད་པ་བྱས་ནས་ཆགས་མེད་དེ་མ་སྦྱངས། །དེ་ཡི་འོག་མ་རྒྱན་རབ་ཅན། །རིན་ཆེན་སྣ་ཚོགས་ཀུན་ཏུ་གནས་པ་སྟེ། །འཇིག་རྟེན་
D44.038.0110a07.01