完整藏文原文 · 德格版页 当前仅加载第 38 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡོག་པ་དང་། སེམས་ཅན་ཐམས་ཅད་ཀྱི་བདེ་བ་འགྲུབ་པ་དང་། སེམས་ཅན་ཐམས་ཅད་ཁ་ན་མ་ཐོ་བ་མེད་པའི་ལས་ལ་ནན་ཏན་ཏུ་བྱེད་པས་དགའ་བ་དམ་པ་ཉམས་སུ་ཚོར་བར་འགྱུར་རོ། །ནམ་སེམས་ཅན་དེ་དག་ལས་དང་ཉོན་མོངས་པ་རྣམ་པ་སྣ་ཚོགས་{མྱི་,མི་}
D44.038.0220b01.01བདེ་བའི་སྦྱོར་བས་སེམས་རྣམ་པར་འཁྲུགས་ཤིང་ངན་སོང་དུ་ལྟུང་བར་འགྱུར་བའམ། བདེ་བའི་རྒྱུད་ན་གནས་ཀྱང་ལུས་དང་སེམས་ཀྱི་སྡུག་བསྔལ་དང་ཡིད་{མྱི་,མི་}བདེ་བ་སྣ་ཚོགས་ཉམས་སུ་མྱོང་བར་གྱུར་ཅིང་། མི་དགའ་བར་གནས་པ་དེའི་ཚེ། བྱང་ཆུབ་སེམས་
D44.038.0220b02.01དཔའ་རྣམས་ཀྱང་ཤིན་ཏུ་ཡིད་མི་བདེ་བར་འགྱུར་རོ། །ལྷ་མོ་འདི་ལྟ་སྟེ། དཔེར་ན། མི་ཤིན་ཏུ་ངང་གིས་བྱམས་པ་ཞིག་ལ་བུ་གཅིག་པ་སྡུག་ཅིང་ཡིད་དུ་འོང་བ་ཞིག་བདོག་པར་གྱུར་ལ། དེའི་ཡན་ལག་དང་ཉིང་ལག་བཅད་པ་ཞིག་མཐོང་ན་ཤིན་ཏུ་ངང་གིས་
D44.038.0220b03.01བྱམས་པའི་ཕྱིར་རབ་ཏུ་ཡིད་མི་བདེ་ཞིང་{མྱི་,མི་}དགའ་བར་འགྱུར་རོ། །ལྷ་མོ་དེ་བཞིན་དུ་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་འང་སེམས་ཅན་རྣམས་ལས་དང་ཉོན་མོངས་པའི་དབང་གིས་ངན་སོང་གསུམ་གྱི་རྒྱུད་དུ་ལྷུང་བ་ཞིག་
D44.038.0220b04.01མཐོང་ན་རབ་ཏུ་མི་དགའ་ལ་ཤིན་ཏུ་ཉམས་མི་བདེ་བར་འགྱུར་རོ། །གང་གི་ཚེ་སེམས་ཅན་རྣམས་ལུས་དང་ངག་དང་ཡིད་ཀྱིས་ལེགས་པར་སྤྱད་པ་ཡང་དག་པར་ལེན་པའི་རྒྱུས་ལུས་ཞིག་ནས་བདེ་བའི་རྒྱུད་མཐོ་རིས་ཀྱི་འཇིག་རྟེན་དུ་སྐྱེ་བར་གྱུར་ཏམ།
D44.038.0220b05.01ལྷ་དང་མིའི་ལམ་གྱི་རྒྱུད་དུ་ལུས་དང་སེམས་ཀྱི་བདེ་བ་ཉམས་སུ་མྱོང་བ་ཞིག་ཏུ་གྱུར་ན། དེའི་ཚེ་བྱང་ཆུབ་སེམས་དཔའ་ཤིན་ཏུ་བདེ་བ་དང་ལྡན་ཞིང་། ཉམས་བདེ་བ་དང་ཡིད་དགའ་བ་དང་། རབ་ཏུ་སྤྲོ་བ་དང་། དགའ་བའི་ཡིད་ཉམས་སུ་བདེ་བ་དང་ལྡན་
D44.038.0220b06.01པར་འགྱུར་རོ། །ལྷ་མོ་བྱང་ཆུབ་སེམས་དཔའ་རྣམས་ནི་བདག་གི་དོན་གྱི་ཕྱིར་ཐམས་ཅད་མཁྱེན་པ་ཉིད་དུ་སྨོན་ཅིང་དོན་དུ་གཉེར་བ་མ་ཡིན་ཏེ། འཁོར་བའི་དགའ་བ་དང་། བདེ་བ་སྣ་ཚོགས་ཉམས་སུ་མྱོང་བར་བྱ་བའི་ཕྱིར་མ་ཡིན། འདོད་པའི་
D44.038.0220b07.01