完整藏文原文 · 德格版页 当前仅加载第 38 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རང་བཞིན་ངེས་པར་རྟོགས་པའི་བཟོད་པ་ཇི་སྙེད་ཅིག་ཡོད་པ་དང་། ཐམས་ཅད་མཁྱེན་པ་ཉིད་དུ་རྩོམ་ཞིང་སྦྱོར་བའི་བརྩོན་འགྲུས་ཇི་སྙེད་ཅིག་ཡོད་པ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་སྒྲུབ་པའི་བརྩོན་འགྲུས་ཇི་
D44.038.0102a01.01སྙེད་ཅིག་ཡོད་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་སྤྱོད་པ་ཇི་སྙེད་པ་ཐམས་ཅད་དང་། བསམ་གཏན་གྱི་ཕ་རོལ་ཏུ་ཕྱིན་པའི་ཚོགས་དང་། བསམ་གཏན་གྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བསམ་གཏན་གྱི་ཕ་རོལ་ཏུ་ཕྱིན་
D44.038.0102a02.01པའི་བསྒྲུབ་པ་རྣམ་པར་དག་པའི་སྤྱོད་པ་ཇི་སྙེད་ཅིག་ཡོད་པ་དང་། བྱང་ཆུབ་སེམས་དཔའི་ཏིང་ངེ་འཛིན་རབ་ཏུ་ཐོབ་པས། རྣམ་པར་འཕྲུལ་བ་ཇི་སྙེད་ཅིག་ཡོད་པ་དང་། ཏིང་ངེ་འཛིན་གྱི་སྒོ་རྒྱ་མཚོ་ལ་འཇུག་པ་ཇི་སྙེད་ཅིག་ཡོད་པ་དང་། བསམ་གཏན་
D44.038.0102a03.01གྱི་ཕ་རོལ་ཏུ་ཕྱིན་པའི་སྤྱོད་པ་ཇི་སྙེད་པ་ཐམས་ཅད་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་ཚོགས་ཇི་སྙེད་པ་དང་། བྱང་ཆུབ་སེམས་དཔའི་ཤེས་རབ་ཆེན་པོའི་ཉི་མའི་དཀྱིལ་འཁོར་རྣམ་པར་སྦྱང་བའི་ཚུལ་ཇི་སྙེད་ཅིག་ཡོད་པ་དང་། ཤེས་རབ་ཆེན་
D44.038.0102a04.01པོའི་སྤྲིན་ཡོངས་སུ་འདུ་བའི་ཚུལ་ཇི་སྙེད་ཅིག་ཡོད་པ་དང་། ཤེས་རབ་ཀྱི་གཏེར་ཆེན་པོའི་ཚོགས་ཇི་སྙེད་ཅིག་ཡོད་པ་དང་། ཤེས་རབ་ཀྱི་རྒྱ་མཚོ་ཆེན་པོ་ལ་རྣམ་པར་དཔྱད་པའི་ཚུལ་དང་། སྦྱོར་བ་ཇི་སྙེད་པ་ཐམས་ཅད་དང་། ཐབས་ཆེན་པོ་ལ་
D44.038.0102a05.01མཁས་པའི་ཚུལ་གྱི་སྦྱོར་བ་ཇི་སྙེད་ཅིག་ཡོད་པ་དང་། ཐབས་ཆེན་པོ་ལ་མཁས་པ་ཡོངས་སུ་དག་བར་བྱ་བ་དང་ལྡན་པའི་སྔོན་གྱི་སྦྱོར་བ་ཇི་སྙེད་པ་ཐམས་ཅད་དང་། བྱང་ཆུབ་སེམས་དཔའི་སྨོན་ལམ་གྱི་ཕ་རོལ་ཏུ་ཕྱིན་པའི་ལུས་ཇི་སྙེད་ཅིག་ཡོད་པ་དང་
D44.038.0102a06.01སྨོན་ལམ་ཆེན་པོའི་ཕ་རོལ་ཏུ་ཕྱིན་པ་ཡོངས་སུ་གྲུབ་པ་ཇི་སྙེད་ཅིག་ཡོད་པ་དང་། སྨོན་ལམ་ཆེན་པོའི་ཕ་རོལ་ཏུ་ཕྱིན་པའི་སྤྱོད་པ་ཇི་སྙེད་ཅིག་ཡོད་པ་དང་། སྨོན་ལམ་ཆེན་པོའི་ཕ་རོལ་ཏུ་ཕྱིན་པ་དང་ལྡན་པའི་སྔོན་གྱི། སྦྱོར་བ་ཇི་སྙེད་པ་
D44.038.0102a07.01