完整藏文原文 · 德格版页 当前仅加载第 38 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཀུན་ནས་ཡོག་པ། ནོར་བུ་རིན་པོ་ཆེ་སྣ་ཚོགས་གྲངས་{མྱེད་,མེད་}པས་རབ་ཏུ་བརྒྱན་པའི་བ་གམ་གྱི་རྒྱན་དང་ལྡན་པ། ཨ་སྨ་གར་བྷ་ལས་བྱས་པའི་རྫིང་ཆུ་བསིལ་བས་གང་བ་དང་ལྡན་པ། རིན་པོ་ཆེ་སྣ་ཚོགས་ཀྱི་ཤིང་གིས་འཁོར་བར་འདུག་པ་
D44.038.0026a01.01མཐོང་ངོ་། །དེའི་འཁོར་བུད་{མྱེད་,མེད་}བཟང་ཞིང་མཛེས་ལ་བལྟ་ན་སྡུག་པ། ཁ་དོག་རྒྱས་པ། བཟང་བའི་ཕུལ་དུ་བྱ་བ་དང་ལྡན་པ། སྒྱུ་རྩལ་ཐམས་ཅད་ཀྱི་ཚུལ་ལ་མཁས་པ་སྔོན་དུ་ལྡང་བ། ཕྱི་ནས་ཉལ་བ་བྱམས་པའི་སེམས་དང་ལྡན་པ། ཅི་བསྒོ་བ་བཞིན་དུ་བྱེད་ཅིང་། ངག་ཉན་པ་
D44.038.0026a02.01བྱེ་བ་ཕྲག་བཅུ་ཡང་འཁོད་པར་མཐོང་ངོ་། །དེ་ནས་རྒྱལ་པོ་མྱེས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཇི་སྙམ་དུ་སེམས། ཅིག་སྡིག་པ་བྱེད་པ་རྣམས་ལ་ལས་ཀྱི་རྣམ་པར་སྨིན་པ་མངོན་པར་གྲུབ་པ་འདི་ལྟ་བུ་ཡོད་དམ། ལུས་ཕུན་སུམ་ཚོགས་པ་འདི་ལྟ་བུ་
D44.038.0026a03.01ཡོད་དམ། འཁོར་ཕུན་སུམ་ཚོགས་པ་འདི་ལྟ་བུ་ཡོད་དམ། སྐྱིད་པ་ཆེན་པོ་ཕུན་སུམ་ཚོགས་པ་འདི་ལྟ་བུ་ཡོད་དམ། དབང་ཕྱུག་དང་དབང་ཆེན་པོ་ཐོབ་པ་ཕུན་སུམ་ཚོགས་པ་འདི་ལྟ་བུ་ཡོད་དམ། སྨྲས་པ་འཕགས་པ་དེ་ལྟ་བུ་ནི་མ་མཆིས་སོ། །དེས་སྨྲས་པ། རིགས་ཀྱི་
D44.038.0026a04.01བུ་ང་ནི་བྱང་ཆུབ་སེམས་དཔའི་རྣམ་པར་ཐར་པ། སྒྱུ་མའི་རྣམ་པ་ཐོབ་པ་སྟེ། རིགས་ཀྱི་བུ་ངའི་ཡུལ་ན་གནས་པའི་སེམས་ཅན་འདི་དག་ཀྱང་ཕལ་ཆེར་སྲོག་གཅོད་པ་བྱེད་པ། མ་བྱིན་པར་ལེན་པ། འདོད་པས་ལོག་པར་གཡེམ་པ། {བརྫུན་,རྫུན་}དུ་སྨྲ་བ། ཕྲ་མ་ཅན་ཚིག་བརླང་བོར་སྨྲ་བ།
D44.038.0026a05.01བྱུང་རྒྱལ་དུ་བརྗོད་པ། ཆགས་སེམས་དང་ལྡན་པ། གནོད་སེམས་ཅན། ལོག་པར་ལྟ་བ། སྡིག་པའི་ལས་བྱེད་པ། ཁྲོ་ཞིང་གཏུམ་པ། བབ་རྒྱལ་ཅན། མི་དགེ་བའི་ལས་ཀྱི་བྱ་བ་སྣ་ཚོགས་དང་ལྡན་པ་དག་སྟེ། དེ་དག་ནི་རྣམ་པ་གཞན་གྱིས་སྡིག་པའི་སྤྱོད་པ་ལས་བཟློག་
D44.038.0026a06.01པ་དང་། དགག་པ་དང་། བསྟན་པར་མི་ནུས་ཏེ། དེ་ལྟར་རིགས་ཀྱི་བུ་ང་ནི་སེམས་ཅན་འདི་དག་གདུལ་བ་དང་། ཡོངས་སུ་སྨིན་པར་བྱ་བ་དང་། ཤིན་ཏུ་དུལ་བར་བྱ་བ་དང་། ཕན་པ་ལ་དགོད་པར་བྱ་བའི་ཕྱིར། སྙིང་རྗེ་ཆེན་པོ་མདུན་དུ་བྱས་ཏེ། གསོད་པའི་གཤེད་མ་སྤྲུལ་པ་རྣམས་
D44.038.0026a07.01