完整藏文原文 · 德格版页 当前仅加载第 38 函德格 350b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་མངོན་པར་འཐོན་ཏེ། སེམས་ཅན་གྱི་ཁམས་ནམ་མཁའི་དབྱིངས་ཀྱིས་ཀླས་པ་ཐམས་ཅད་རྒྱས་པར་བཀང་ནས་སེམས་ཅན་ཐམས་ཅད་ཀྱི་སྤྱོད་པའི་རྗེས་སུ་འབྲང་བར་བྱེད་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་ཅན་ཐམས་
D44.038.0350b01.01ཅད་ཡོངས་སུ་སྨིན་པར་བྱེད་པ་མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་སེམས་ཀྱི་སྐད་ཅིག་རེ་རེ་ལ་བྱང་ཆུབ་སེམས་དཔའི་ལུས་ཀྱི་སྤྲིན་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ནས།
D44.038.0350b02.01ཆོས་ཀྱི་དབྱིངས་ནམ་མཁའི་དབྱིངས་ཀྱིས་ཀླས་པ། ཐམས་ཅད་རྒྱས་པར་བཀང་སྟེ། སེམས་ཅན་ཐམས་ཅད་ཀྱི་དགེ་བའི་རྩ་བ་རྣམ་པར་འཕེལ་བར་བྱ་བའི་ཕྱིར་སངས་རྒྱས་ཐམས་ཅད་ཀྱི་མཚན་མང་པོ་བརྗོད་པར་བྱེད་པ་མཐོང་ངོ་། །བ་སྤུའི་བུ་ག་
D44.038.0350b03.01ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་བྱང་ཆུབ་སེམས་དཔའི་ལུས་ཀྱི་སྤྲིན་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ཏེ། ཆོས་ཀྱི་དབྱིངས་ནམ་མཁའི་དབྱིངས་ཀྱིས་ཀླས་པ་ཐམས་ཅད་རྒྱས་པར་བཀང་ནས་སངས་
D44.038.0350b04.01རྒྱས་ཀྱི་ཞིང་འབྱམ་ཀླས་པ་ཐམས་ཅད་དུ་བྱང་ཆུབ་སེམས་དཔའ་ཐམས་ཅད་ཀྱི་སེམས་དང་པོ་བསྐྱེད་པ་ནས་ཉེ་བར་བཟུང་བའི་དགེ་བའི་རྩ་བ་ཐམས་ཅད་མངོན་པར་བསྒྲུབ་པ་ཉེ་བར་བསྒྲུབ་པ་མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་
D44.038.0350b05.01ནས་ཀྱང་བྱང་ཆུབ་སེམས་དཔའི་སྤྲིན་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ཏེ། སངས་རྒྱས་ཀྱི་ཞིང་ཐམས་ཅད་དུ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་རྣམ་པར་དག་པར་བྱ་བའི་ཕྱིར་བྱང་ཆུབ་
D44.038.0350b06.01སེམས་དཔའི་སྨོན་ལམ་རྒྱ་མཚོ་ཐམས་ཅད་མངོན་པར་བརྗོད་པ་མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱ་བའི་དོན་དུ་བྱང་ཆུབ་སེམས་དཔའ་ཀུན་ཏུ་བཟང་པོའི་
D44.038.0350b07.01