完整藏文原文 · 德格版页 当前仅加载第 38 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བའི་ཤུགས་ཆེན་པོ་སྐྱེས་པར་གྱུར་བ་ལ། བཅོམ་ལྡན་འདས་ཡེ་ཤེས་རིན་པོ་ཆེའི་འོད་ཀུན་ཏུ་འཕྲོ་བའི་དཔལ་ཡོན་ཏན་དཔལ་གྱི་རྒྱལ་པོ་དེ་བཞིན་གཤེགས་པ་དེས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་རབ་ཏུ་བསྒྲགས་པ་ཞེས་བྱ་བའི་མདོ་
D44.038.0127a01.01སྡེ་འཁོར་གྱི་མདོ་སྡེ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་བཅས་པ་ཡང་དག་པར་བསྟན་ཏེ། དེས་མདོ་སྡེ་དེ་ཐོས་པར་གྱུར་ནས། ཏིང་ངེ་འཛིན་གྱི་སྒོ་སྟོང་ཕྲག་བཅུ་ཤིན་ཏུ་ཕྲ་ཞིང་རེག་ན་བདེ་བར་ཐོབ་པར་གྱུར་ཏེ། དེ་ནི་དཔེར་ན་མའི་མངལ་དུ་རྣམ་པར་ཤེས་པ་
D44.038.0127a02.01ཞུགས་པར་གྱུར་མ་ཐག་པ་ལྟ་བུ་དང་འདི་ལྟ་སྟེ་དཔེར་ན། སེམས་ཅན་རྣམས་ཀྱི་ལས་མངོན་པར་བསྒྲུབས་པ་ལྟ་བུ་དང་། འདི་ལྟ་སྟེ་དཔེར་ན། ཞིང་བཟང་པོ་དམ་པའི་ས་བོན་བཏབ་ནས་རིང་པོར་མ་ལོན་ཡང་མྱུ་གུ་སྐྱེ་བའི་རྒྱུར་གྱུར་པ་ལྟ་བུ་སྟེ། དེ་བཞིན་དུ་ཏིང་ངེ་འཛིན་དེ་
D44.038.0127a03.01དག་ཀྱང་འཇམ་ཞིང་ཡིད་དུ་འོང་བ་སྟེ། འདི་ལྟར་དེ་བཞིན་གཤེགས་པ་ཐམས་ཅད་མངོན་དུ་རྣམ་པར་དམིགས་པ་ཞེས་བྱ་བའི་ཏིང་ངེ་འཛིན་དང་། ཞིང་འབྱམ་ཀླས་པ་ཐམས་ཅད་དུ་སྣང་བ་རྗེས་སུ་སོང་བ་ཞེས་བྱ་བའི་ཏིང་ངེ་འཛིན་དང་། དུས་གསུམ་གྱི་ཚུལ་ཐམས་ཅད་ལ་
D44.038.0127a04.01འཇུག་པ་ཁོང་དུ་ཆུད་པ་ཞེས་བྱ་བའི་ཏིང་ངེ་འཛིན་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་སྒྲོག་པ་ཞེས་བྱ་བའི་ཏིང་ངེ་འཛིན་དང་། སངས་རྒྱས་ཐམས་ཅད་ཀྱི་སྨོན་ལམ་རྒྱུ་མཚོ་རྣམ་པར་དམིགས་པ་ཞེས་བྱ་བའི་ཏིང་ངེ་འཛིན་དང་། འཁོར་བ་ཐམས་
D44.038.0127a05.01ཅད་ཀྱི་སྡུག་བསྔལ་གྱིས་གཟིར་བའི་སེམས་ཅན་འབྱུང་བའི་ང་རོ་རབ་ཏུ་བསྒྲགས་པས་རྣམ་པར་{དམྱིགས་,དམིགས་}པར་བྱེད་པ་ཞེས་བྱ་བའི་ཏིང་ངེ་འཛིན་དང་། སེམས་ཅན་ཐམས་ཅད་ཀྱི་མུན་ནག་རྣམ་པར་སེལ་བའི་སྨོན་ལམ་གྱི་རྒྱན་ཅེས་བྱ་བའི་ཏིང་ངེ་འཛིན་དང་། སེམས་ཅན་ཐམས་
D44.038.0127a06.01ཅད་སྡུག་བསྔལ་དང་དབྲལ་བའི་སྨོན་ལམ་གྱིས་རྣམ་པར་དམིགས་པ་ཞེས་བྱ་བའི་ཏིང་ངེ་འཛིན་དང་། སེམས་ཅན་ཐམས་ཅད་ཀྱི་བདེ་བ་འགྲུབ་པ་ཡོངས་སུ་འབྱིན་པ་ཞེས་བྱ་བའི་ཏིང་ངེ་འཛིན་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། འདུལ་བས་མི་སྐྱོ་
D44.038.0127a07.01