完整藏文原文 · 德格版页 当前仅加载第 38 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་དབྱིངས་སྒྲིབ་པ་མེད་པ་དང་མཉམ་པ་ཉིད་དང་། ཡང་དག་པའི་མཐའ་ཐམས་ཅད་ཀྱི་རྗེས་སུ་སོང་བ་དང་། མཉམ་པ་ཉིད་དང་། དེ་བཞིན་ཉིད་རྣམ་པར་མི་རྟོག་པ་དང་མཉམ་པ་ཉིད་དང་། གྲིབ་མ་ལྟ་བུའི་ཡེ་ཤེས་དང་། འདུ་ཤེས་ཀྱིས་
D44.038.0291a01.01རྒྱས་པར་དགང་བ་མཉམ་པ་ཉིད་དང་། རྨི་ལམ་ལྟ་བུའི་རྣམ་པར་དཔྱོད་པ་དང་མཉམ་པ་ཉིད་དང་། གཟུགས་བརྙན་ལྟ་བུའི་འཇིག་རྟེན་དང་། འགྲོ་བ་ཐམས་ཅད་རྣམ་པར་དམིགས་པའི་མཉམ་པ་ཉིད་དང་། རྒྱུ་དང་རྐྱེན་ལས་བྱུང་བས་སྒྲ་བརྙན་ལྟ་བུའི་མཉམ་པ་ཉིད་དང་། འབྱུང་
D44.038.0291a02.01བ་དང་འཇིག་པ་མི་སྐྱེ་བ་དང་། མཉམ་པའི་མཉམ་པ་ཉིད་དང་། རྐྱེན་དང་རྟེན་པའི་རྒྱུད་དངོས་པོ་མེད་པའི་རང་བཞིན་དང་མཉམ་པའི་མཉམ་པ་ཉིད་ཀྱིས་ལས་ཇི་ལྟ་བ་བཞིན་དུ་ཡོངས་སུ་བྱུང་བའི་རྣམ་པར་སྨིན་པ་ལ་ནི་མོས་པར་བྱེད། རྒྱུ་ཇི་ལྟ་བ་བཞིན་དུ་ཡོངས་སུ་བྱུང་བའི་
D44.038.0291a03.01འབྲས་བུ་ལ་ནི་མོས་པར་བྱེད། བསྩགས་པ་ཇི་ལྟ་བ་བཞིན་དུ་ཡོངས་སུ་བྱུང་བའི་བྱ་བ་ཐམས་ཅད་ལ་ནི་མོས་པར་བྱེད། དང་བ་ལས་ཡོངས་སུ་བྱུང་བའི་དེ་བཞིན་གཤེགས་པ་བྱུང་བ་ཐམས་ཅད་ལ་ནི་མོས་པར་བྱེད། མོས་པ་ཇི་ལྟ་བ་བཞིན་དུ་ཡོངས་སུ་བྱུང་བའི་སངས་རྒྱས་
D44.038.0291a04.01མཆོད་པའི་སྤྲུལ་པ་ཐམས་ཅད་ལ་ནི་མོས་པར་བྱེད། རིམ་གྲོ་ལས་བྱུང་བའི་དེ་བཞིན་གཤེགས་པའི་སྤྲུལ་པ་ཐམས་ཅད་ལ་ནི་མོས་པར་བྱེད། དགེ་བའི་རྩ་བའི་ཚོགས་ལས་ཡོངས་སུ་བྱུང་བའི་སངས་རྒྱས་ཐམས་ཅད་ཀྱི་ཆོས་ཉིད་ལ་ནི་མོས་པར་བྱེད། ཤེས་རབ་དང་
D44.038.0291a05.01ཐབས་ལས་ཡོངས་སུ་བྱུང་བའི་རྒྱན་ཡིད་ཀྱི་རང་བཞིན་ཏུ་བསྒྲུབས་པ་ཐམས་ཅད་ལ་ནི་མོས་པར་བྱེད། སྨོན་ལམ་ལས་ཡོངས་སུ་བྱུང་བའི་སངས་རྒྱས་ཀྱི་ཆོས་ཐམས་ཅད་ལ་ནི་མོས་པར་བྱེད། བསྔོ་བ་ལས་ཡོངས་སུ་བྱུང་བའི་བྱང་ཆུབ་སེམས་དཔའི་སྤྱོད་པ་ཐམས་ཅད་དང་།
D44.038.0291a06.01ཆོས་ཀྱི་དབྱིངས་ཐམས་ཅད་མཁྱེན་པའི་ཡུལ་དུ་གྱུར་པ་རྣམ་པར་བསྒྲུབ་པས་རྒྱས་པར་དགང་བའི་རྒྱན་ལ་ནི་མོས་པར་བྱེད་ཅིང་ཡོངས་སུ་བསྔོ་བའི་ཡེ་ཤེས་ཆད་པའི་འདུ་ཤེས་དང་བྲལ་བ་དང་། སྐྱེ་བ་མེད་པའི་ཡེ་ཤེས་རྟོག་པའི་འདུ་ཤེས་མེད་པ་དང་། ཡང་དག་
D44.038.0291a07.01