完整藏文原文 · 德格版页 当前仅加载第 38 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་མངོན་པར་བསྒྲུབ་པ་ལ་མཁས་པ་ཡིན། རྣམ་པར་སྣང་མཛད་ཀྱི་ཡེ་ཤེས་དབྱིག་ཏུ་བྱ་བའི་མཛོད་དང་ལྡན་པས་སེམས་ཅན་གདུལ་བའི་དུས་ལ་བབ་ན་རྟག་ཏུ་སྟ་གོན་དུ་གནས་པ་ཡིན་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་
D44.038.0206b01.01དཔའི་སྐྱེ་བ་དགུ་པ་ཆོས་ཀྱི་དབྱིངས་སྤྲུལ་པས་བརྒྱན་པ་བྱེད་པའི་སྙིང་པོ་ཞེས་བྱའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་སྐྱེ་བ་བཅུ་པ་དེ་བཞིན་གཤེགས་པའི་ས་ཡོངས་སུ་གནོན་པའི་ཤུགས་དྲག་པོའི་སྙིང་པོ་ཞེས་བྱ་བ་གང་ཞེ་ན། འདི་
D44.038.0206b02.01ལ་བྱང་ཆུབ་སེམས་དཔའ་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་། རང་བཞིན་གཅིག་པའི་ཡུལ་ལ་དབང་བསྐུར་བ་ཡིན་ཏེ། འཇིག་རྟེན་གྱི་ཁམས་ཐམས་ཅད་འདབ་ཆགས་པའི་ཡུལ་ལ་རབ་ཏུ་འཇུག་པ་ཡིན། སེམས་ཅན་ཐམས་ཅད་ཀྱི་སྔོན་གྱི་
D44.038.0206b03.01མཐའ་དང་ཕྱི་མའི་མཐའི་ཤི་འཕོ་དང་། སྐྱེ་བའི་སེམས་རྒྱུད་ཆགས་པར་འབྱུང་བ་ཡང་རབ་ཏུ་ཤེས་སོ། །བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་འདབ་ཆགས་པའི་ཡུལ་ཡང་རབ་ཏུ་ཤེས་སོ། །འདས་པ་དང་མ་བྱོན་པ་དང་དེ་ལྟར་བྱུང་བའི་སངས་རྒྱས་
D44.038.0206b04.01ཐམས་ཅད་ཀྱི་མངོན་པར་རྫོགས་པར་འཚང་རྒྱ་བ་འདབ་ཆགས་པ་ཡང་རབ་ཏུ་ཤེས་སོ། །ཆོས་ཐམས་ཅད་ཀྱི་རྒྱུད་འདབ་ཆགས་པ་ལ་མཁས་པར་བྱ་བ་ཡང་རབ་ཏུ་ཤེས་སོ། །བསྐལ་པ་འཇིག་པ་དང་འདུ་བ་ཐམས་ཅད་ཀྱི་སྔོན་གྱི་མཐའ་དང་ཕྱི་མའི་
D44.038.0206b05.01མཐའ་དང་ད་ལྟར་བྱུང་བ་རྣམས་ཀྱང་{མྱིང་,མིང་}དང་བཅས། ས་ཚིགས་དང་བཅས་པར་འདབ་ཆགས་པར་རབ་ཏུ་ཤེས་སོ། །སེམས་ཅན་ཚུལ་ཇི་ལྟ་བུར་ཡོངས་སུ་སྨྱིན་པར་བྱས་པ་དང་། དུས་ལ་གང་དུ་བབ་པ་རྣམས་ལ་མངོན་པར་རྫོགས་པར་འཚང་རྒྱ་བའི་
D44.038.0206b06.01རྒྱན་དང་། རྣམ་པར་འཚང་རྒྱ་བས་གདུལ་བར་བྱ་བ་ཡོངས་སུ་བསྟན་པའི་བྱིན་གྱི་རླབས་ཀྱི་ཡེ་ཤེས་ཀྱང་མངོན་པར་སྒྲུབ་བོ། །སངས་རྒྱས་བྱུང་བ་ཐམས་ཅད་མངོན་པར་འཚང་རྒྱ་བའི་དྲུང་དུ་ཉེ་བར་འགྲོ་ཞིང་ཆོས་ཀྱི་འཁོར་ལོ་བསྐོར་བ་ལ་མཁས་
D44.038.0206b07.01