完整藏文原文 · 德格版页 当前仅加载第 38 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །ཆོས་ཀྱི་འཁོར་ལོ་བསྐོར་བའི་ཁྱུ་མཆོག་གི་མཐུ་དང་རྣམ་པར་རོལ་བའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །འཁོར་གྱི་དཀྱིལ་འཁོར་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་
D44.038.0230a01.01དོ། །འཁོར་གྱི་དཀྱིལ་འཁོར་དེ་དག་གི་བྱང་ཆུབ་སེམས་དཔའ་ཐམས་ཅད་ཀྱི་སྔོན་གྱི་དགེ་བའི་རྩ་བ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །ཐོག་མའི་སྨོན་ལམ་གྱི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །སེམས་ཅན་ཡོངས་སུ་སྨྱིན་པར་བྱེད་པ་
D44.038.0230a02.01དང་། གདུལ་བའི་ཐབས་ཀྱི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །བཅོམ་ལྡན་འདས་ཀྱིས་སྔོན་བྱང་ཆུབ་སེམས་དཔའི་སྤྱོད་པ་མཛད་པའི་ཚེ། སེམས་ཅན་རྒྱ་མཚོ་ཡོངས་སུ་སྨྱིན་པར་མཛད་པ་དེ་དག་ཀྱང་ཤེས་ཤིང་ཁོང་དུ་ཆུད་དོ། །སེམས་
D44.038.0230a03.01ཅན་དེ་དག་གི་སེམས་ཀྱི་སྐད་ཅིག་རེ་རེའི་དགེ་བའི་རྩ་བ་རྣམ་པར་འཕེལ་བའི་ཐབས་ཀྱི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །ཏིང་ངེ་འཛིན་རབ་ཏུ་ཐོབ་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །གཟུངས་ཀྱི་སྒོ་རབ་ཏུ་ཐོབ་པའི་
D44.038.0230a04.01ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །སྤོབས་པའི་ཡེ་ཤེས་ཀྱི་དཀྱིལ་འཁོར་རྣམ་པར་དག་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །བྱང་ཆུབ་སེམས་དཔའི་ས་ཐམས་ཅད་ཡོངས་སུ་གནོན་པའི་རྣམ་པར་འཕྲུལ་
D44.038.0230a05.01བའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །སྤྱོད་པའི་དྲ་བ་མངོན་པར་བསྒྲུབ་པའི་ཚུལ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །མཐར་གྱིས་ཡོངས་སུ་བསྒྲུབ་པའི་ཕྱོགས་པ་ལ་འཇུག་པའི་ཡེ་ཤེས་ཀྱི་ཚུལ་རྒྱ་མཚོ་དག་ཀྱང་ཤེས་
D44.038.0230a06.01ཤིང་ཁོང་དུ་ཆུད་དོ། །དེ་དག་གི་དབང་པོ་དང་སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་རྣམ་པར་འཕྲུལ་པ་རྒྱ་མཚོ་དག་ཀྱང་ཤེས་ཤིང་ཁོང་དུ་ཆུད་དོ། །
D44.038.0230a07.01