完整藏文原文 · 德格版页 当前仅加载第 38 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྒོ་ཀུན་ནས་རྣམ་པར་གནོན་པས་བྱུང་བར་བྱིན་གྱིས་བརླབས་སོ། །དགེ་བའི་བཤེས་གཉེན་གྱི་དྲུང་དུ་འགྲོ་བ་གཡོ་བ་མེད་པར་འོང་བས་རྣམ་པར་གནོན་པར་བྱིན་གྱིས་བརླབས་སོ། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}ཐམས་ཅད་མཁྱེན་པའི་ཚོགས་
D44.038.0096b01.01ཀྱི་བརྩོན་འགྲུས་ལ་རབ་ཏུ་བརྩོན་པས། དགེ་བའི་བཤེས་གཉེན་གྱི་དྲུང་དུ་འགྲོ་བ་དང་སྨོན་ལམ་ཆེན་པོ་རྒྱ་མཚོ་མངོན་པར་བསྒྲུབ་པའི་རྣམ་པར་གནོན་པས་དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། སེམས་ཅན་གཅིག་གི་དོན་དུ་ཕྱི་མའི་མཐའི་
D44.038.0096b02.01བསྐལ་པའི་མུར་ཐུག་པར་སྡུག་བསྔལ་ཉམས་སུ་བླང་བའི་ཞེ་ནོན་པས། དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། རྡུལ་ཤིན་ཏུ་ཕྲ་བ་གཅིག་ལ་ཆོས་ཀྱི་དབྱིངས་ཐམས་ཅད་དུ་སྒྲ་སྒྲོག་ཅིང་ཡུན་རིང་པོར་གནས་པའི་རྣམ་པར་གནོན་པ་དང་། བརྩོན་འགྲུས་
D44.038.0096b03.01ཆེན་པོའི་གོ་བགོས་པས་དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། ཕྱོགས་རྒྱ་མཚོ་འབྱམ་ཀླས་པ་ཐམས་ཅད་དུ་ཤུགས་ཀྱིས་འགྲོ་བས་དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། བ་སྤུའི་སྦུབས་གཅིག་ཏུ་ཕྱི་མའི་མཐའི་བསྐལ་པར་བྱང་ཆུབ་སེམས་
D44.038.0096b04.01དཔའི་སྤྱོད་པ་ལ་གནས་པས། དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། བྱང་ཆུབ་སེམས་དཔའི་སྤྱོད་པ་ལ་གནས་ནས་ཀྱང་སེམས་ཀྱི་སྐད་ཅིག་རེ་རེ་ལ་ཐམས་ཅད་མཁྱེན་པའི་ཡེ་ཤེས་འགེངས་པ་ལ་གནས་པར་བྱ་བས། དགེ་བའི་བཤེས་གཉེན་གྱི་དྲུང་
D44.038.0096b05.01དུ་འགྲོ་བ་དང་། དུས་གསུམ་དུ་གཤེགས་པའི་དེ་བཞིན་གཤེགས་པའི་རྣམ་པར་འཕྲུལ་པའི་རྒྱན་དང་། ལམ་ཡོངས་སུ་གནོན་པར་ཞེ་ནོན་པས། དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། ཆོས་ཀྱི་དབྱིངས་ཀྱི་ཚུལ་གྱིས་རྒྱུན་ཏུ་ཞུགས་པའི་ལམ་ཡོངས་
D44.038.0096b06.01སུ་གནས་པས། དགེ་བའི་བཤེས་གཉེན་གྱི་དྲུང་དུ་འགྲོ་བ་དང་། ཆོས་ཀྱི་དབྱིངས་ཀྱི་ཚུལ་ཐམས་ཅད་ལ་དམིགས་པ་ལས་མ་གཡོས་པར། ཆོས་ཀྱི་དབྱིངས་ཀུན་ཏུ་རྒྱས་པར་འགེངས་པས་དགེ་བའི་བཤེས་གཉེན་གྱི་དྲུང་དུ་འགྲོ་བས་མཚན་མོའི་ལྷ་མོ་
D44.038.0096b07.01