完整藏文原文 · 德格版页 当前仅加载第 38 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་སྟོབས་ལ་དམིགས་པའི་སེམས་རྒྱ་ཆེན་པོའི་དཀྱིལ་འཁོར་དང་ལྡན་པར་དགེ་བའི་བཤེས་གཉེན་ལ་རྟེན་ཅིང་རྣམ་པར་སྤྱོད་དེ། ཁོ་མོ་ནི་ཉོན་མོངས་པ་དང་ལས་ཀྱི་སྒྲིབ་པ་ཐམས་ཅད་ཀྱི་རི་རྣམ་པར་གཏོར་བའི་སེམས་དང་ལྡན་པའོ། །ཐམས་ཅད་མཁྱེན་པ་
D44.038.0149b01.01ཉིད་ཀྱི་ཚོགས་ཡང་དག་པར་རྩོམ་པའོ། །དཀར་པོའི་ཆོས་ཐམས་ཅད་ཡང་དག་པར་བསྒྲུབ་པའི་སྦྱོར་བ་དང་ལྡན་པའོ། །ཐམས་ཅད་མཁྱེན་པ་ཉིད་མཐའ་དང་དབུས་མེད་པ་ལ་མངོན་པར་འདུན་ཅིང་དམིགས་པའི་སེམས་ཀྱི་སྦྱོར་བ་ལ་བརྩོན་པའོ། །རིགས་ཀྱི་
D44.038.0149b02.01བུ་དེ་ལྟར་ཁོ་མོ་ཆོས་སྣང་བའི་སྒོ་སེམས་ཅན་ཐམས་ཅད་ཡོངས་སུ་སྟོན་པ་རྣམ་པ་དེ་ལ་བུ་ཡོངས་སུ་སྦྱོང་ཞིང་དགེ་བའི་རྩ་བ་བསྩགས་པའི་ཚོགས་ལ་སྟ་གོན་ཏུ་གནས་པས་རྣམ་པ་བཅུས་ཆོས་ཀྱི་དབྱིངས་ལ་རྣམ་པར་བལྟ་ཞིང་ཁོང་དུ་ཆུད་པ་དང་། རྗེས་སུ་གཞོལ་
D44.038.0149b03.01བར་བྱེད་དོ། །བཅུ་གང་ཞེ་ན་འདི་ལྟ་སྟེ། ཡེ་ཤེས་སྣང་བ་ཤིན་ཏུ་ཡངས་པ་ཐོབ་པས་ཆོས་ཀྱི་དབྱིངས་ནི་ཚད་མེད་པར་ཁོང་དུ་ཆུད་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་རྣམ་པར་དམིགས་པར་བྱ་བའི་ཕྱིར་ཆོས་ཀྱི་དབྱིངས་ནི་
D44.038.0149b04.01མཐའ་དང་དབུས་མེད་པར་ཁོང་དུ་ཆུད་པར་བྱེད་དོ། །སངས་རྒྱས་ཀྱི་ཞིང་ཐམས་ཅད་ཡོངས་སུ་གནན་པ་དང་། དེ་བཞིན་གཤེགས་པ་མཆོད་ཅིང་རིམ་གྲོར་བྱ་བའི་ཕྱིར་ཆོས་ཀྱི་དབྱིངས་ནི་མུ་མེད་པར་ཁོང་དུ་ཆུད་པར་བྱེད་དོ། །འཇིག་རྟེན་གྱི་ཁམས་
D44.038.0149b05.01རྒྱ་མཚོ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ཡོངས་སུ་བསྟན་པའི་ཕྱིར་ཆོས་ཀྱི་དབྱིངས་ནི་ས་མཚམས་མེད་པ་ཁོང་དུ་ཆུད་པར་བྱེད་དོ། །དེ་བཞིན་གཤེགས་པའི་ཡེ་ཤེས་ཀྱི་དཀྱིལ་འཁོར་ཐ་མི་དད་པ་ལ་འཇུག་པར་བྱ་བའི་ཕྱིར། ཆོས་
D44.038.0149b06.01ཀྱི་དབྱིངས་ནི་རིས་ཚད་མེད་པར་ཁོང་དུ་ཆུད་པར་བྱེད་དོ། །བསམ་པ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱིས་རྣམ་པར་དམིགས་པའི་དེ་བཞིན་གཤེགས་པའི་གསུང་གི་དཀྱིལ་འཁོར་ལ་འཇུག་པར་བྱ་བའི་ཕྱིར་ཆོས་ཀྱི་དབྱིངས་ནི་རྒྱུད་ཀྱི་ཚུལ་
D44.038.0149b07.01