完整藏文原文 · 德格版页 当前仅加载第 38 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་རྣམ་པ་དྲུག་དུ་གཡོས་པ་དང་། བཻ་ཌཱུརྱ་ཡོངས་སུ་དག་པའི་རྒྱུ་ལས་གྱུར་པར་གནས་པར་མཐོང་ངོ་། །འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་བརྒྱན། དེ་བཞིན་གཤེགས་པ་བྱེ་བ་ཕྲག་བརྒྱ་བརྒྱ་བཞུགས་པར་མཐོང་སྟེ། ལ་ལ་ནི་དགའ་ལྡན་
D44.038.0042a01.01གྱི་གནས་ན་བཞུགས་པ་ནས། ལ་ལ་ནི་ཡོངས་སུ་མྱ་ངན་ལས་འདའ་བ་མཛད་པའི་བར་དུ་འང་མཐོང་ངོ་། །དེ་ཡང་འཇིག་རྟེན་གྱི་ཁམས་བཻ་ཌཱུརྱའི་རང་བཞིན་དེ་དག་ཡོངས་སུ་དག་ཅིང་སྒྲིབ་པ་མེད་པའི་ཕྱིར་ཏེ། དེ་བཞིན་གཤེགས་པ་དེ་དག་སོ་སོ་ནས་འོད་ཟེར་དང་། འོད་ཀྱི་དཀྱིལ་
D44.038.0042a02.01འཁོར་ཆོས་ཀྱི་དབྱིངས་ཐམས་ཅད་དུ་རྒྱས་པར་ཁྱབ་པ་མངའ་བ་དང་། དེ་བཞིན་གཤེགས་པ་དེ་དག་སོ་སོའི་འཁོར་གྱི་དཀྱིལ་འཁོར་ཤིན་ཏུ་རྣམ་པར་ཕྱེ་བ་རྒྱ་མཚོ་ཡང་མཐོང་བར་གྱུར་ཏོ། །དེ་བཞིན་གཤེགས་པ་དེ་དག་རེ་རེའི་གསུང་གི་དཀྱིལ་འཁོར་ཆོས་ཀྱི་འཁོར་ལོ་ཐམས་
D44.038.0042a03.01ཅད་བརྗོད་པ་སེམས་ཅན་ཐམས་ཅད་ཀྱི་རྣ་ལམ་དུ་རྣམ་པར་གྲགས་པའང་ཐོས་པར་གྱུར་ཏོ། །དེ་ནས་དགེ་བསྙེན་མ་མི་གཡོ་བ་ཏིང་ངེ་འཛིན་དེ་ལས་ལངས་ནས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་མཐོང་ངམ། ཐོས་སམ་ཤེས་སམ།
D44.038.0042a04.01སྨྲས་པ་འཕགས་མ་མཐོང་ངོ་། །ཐོས་སོ་རིག་གོ །རིགས་ཀྱི་བུ་ཁོ་མོ་ནི་དེ་ལྟར་བྱང་ཆུབ་སེམས་དཔའི་སྤྱོད་པ་ཡི་དམ་བརྟན་པ་ལ་སློབ་ཅིང་། ཆོས་ཐམས་ཅད་ཡོངས་སུ་བཙལ་བས་མི་སྐྱོ་བའི་རྒྱན་གྱི་ཏིང་ངེ་འཛིན་ལ་མཉམ་པར་བཞག་སྟེ། བྱང་ཆུབ་སེམས་དཔའི་རྣམ་
D44.038.0042a05.01པར་ཐར་པའི་སྒོ་ཐུབ་པར་དཀའ་བའི་ཡེ་ཤེས་ཀྱི་སྙིང་པ་ལ་གནས་ནས། ཆོས་ཐམས་ཅད་མཉམ་པ་ཉིད་ཀྱི་སའི་གཟུངས་ཁོང་དུ་ཆུད་པ་དང་། སྤོབས་པའི་ཡེ་ཤེས་སྣང་བ་ཆོས་ཀྱི་གཞི་ཐམས་ཅད་སྣང་བ་བརྗོད་པ་ལ་མཁས་པའི་ལེགས་པར་བཤད་པས་སེམས་ཅན་ཐམས་
D44.038.0042a06.01ཅད་ཡོངས་སུ་ཚིམ་པར་བྱེད་པར་ཟད་ན་ཁོ་མོས་བྱང་ཆུབ་སེམས་དཔའ་ཡོན་ཏན་ཚད་མེད་བསམ་གྱིས་{མྱི་,མི་}ཁྱབ་པ་དང་ལྡན་པ་ནམ་མཁའི་དབྱིངས་ལ་འདབ་ཆགས་ཁྱུ་མཆོག་འཁོད་པ་ལྟར་གནས་མེད་པར་སྤྱོད་པ། ནམ་མཁའ་ལྡིང་གི་དབང་པོ་ཆེན་པོ་ལྟར་ཡོངས་སུ་སྨིན་པའི་
D44.038.0042a07.01