完整藏文原文 · 德格版页 当前仅加载第 38 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཀྱང་འཇིག་རྟེན་གྱི་ཁམས་དེ་དག་གི་སེམས་ཅན་ཚད་མེད་པ་རྣམས་ངན་སོང་དང་ལོག་པར་ལྟུང་བ་ཐམས་ཅད་ལས་རྣམ་པར་བཟློག་གོ །སེམས་ཅན་ཚད་མེད་པ་ནི་མཐོ་རིས་སུ་སྐྱེ་བ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་ཉན་ཐོས་ཀྱི་ས་ལ་
D44.038.0123a01.01རབ་ཏུ་བཀོད་དོ། །སེམས་ཅན་ཚད་མེད་པ་ནི་རང་སངས་རྒྱས་ཀྱི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་ཚད་མེད་པ་ནི་ཤུགས་དྲག་པོའི་འོད་ཀྱིས་འབྱུང་བའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་ཚད་མེད་པ་ནི་བརྩོན་འགྲུས་དྲི་མ་
D44.038.0123a02.01མེད་པའི་རྒྱལ་མཚན་གྱི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་ཚད་མེད་པ་ནི་ཆོས་རབ་ཏུ་བསྒོམ་པའི་གནས་སུ་བྱུང་བའི་བྱང་ཆུབ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་དབང་པོ་ཡོངས་སུ་དག་པ་རབ་ཏུ་བསྒོམས་པས་འབྱུང་བའི་བྱང་
D44.038.0123a03.01ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་ཚད་མེད་པ་ནི་སྟོབས་མཉམ་པ་ཉིད་ལ་ཡང་དག་པར་སྤྱོད་པ་ཁོང་དུ་ཆུད་པས་འབྱུང་བའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་ཚད་མེད་པ་ནི་ཆོས་ཀྱི་གྲོང་ཁྱེར་མངོན་དུ་འགྱུར་བའི་ཡུལ་གྱི་ཐེག་བ་སྐྱེ་
D44.038.0123a04.01པས་འབྱུང་བའི་བྱང་ཆུབ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་ཐམས་ཅད་དུ་རྗེས་སུ་སོང་བའི་རྫུ་འཕྲུལ་ཐ་མི་དད་པའི་ཚུལ་གྱི་ཐེག་པས་འབྱུང་བའི་བྱང་ཆུབ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་སྤྱོད་པའི་སྦྱོར་བ་ལ་ཡང་དག་པར་གཞོལ་བའི་ཚུལ་གྱིས་
D44.038.0123a05.01འབྱུང་བའི་བྱང་ཆུབ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་ཏིང་ངེ་འཛིན་གྱིས་འཇུག་པའི་ཚུལ་གྱིས་འབྱུང་བའི་བྱང་ཆུབ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་དམིགས་པའི་ཡུལ་ཐམས་ཅད་ཡོངས་སུ་དག་པའི་དཀྱིལ་འཁོར་གྱི་ཚུལ་གྱིས་འབྱུང་བའི་བྱང་ཆུབ་
D44.038.0123a06.01ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་བྱང་ཆུབ་སེམས་དཔའི་བྱང་ཆུབ་ཏུ་སེམས་བསྐྱེད་དོ། །སེམས་ཅན་ཚད་མེད་པ་ནི་བྱང་ཆུབ་སེམས་དཔའི་ལམ་ལ་རབ་ཏུ་བཀོད་དོ། །སེམས་ཅན་ཚད་མེད་པ་ནི་ཕ་རོལ་ཏུ་ཕྱིན་པའི་ལམ་རྣམ་པར་དག་པ་ལ་རབ་ཏུ་བཀོད་དོ། །སེམས་
D44.038.0123a07.01