sangs rgyas phal po che zhes bya ba shin tu rgyas pa chen po'i mdo/
当前为德格木刻版 109b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 109b
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 38 函 · 德格 109b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྟེན་ཁམས་བཟང་བྱུང་བར་གྱུར་པ་ནི། །པད་མའི་སྒྲོན་མ་སྤྲིན་གྱི་དཔལ། །དེ་ཚེ་བསྐལ་པ་ཚངས་པའི་འོད་ཅེས་བྱ། །དེ་ལ་རྒྱལ་བ་ཚད་མེད་དེ། །དེ་དག་འཁོར་དང་བཅས་པ་ཁོ་མོས་མཆོད། །རྒྱལ་བ་དེ་དག་ཐམས་ཅད་ལས། །རིམ་གྲོ་ཆེན་པོས་ཁོ་མོས་ཆོས་ཀྱང་ཐོས། །རྒྱལ་བའི་དང་པོ་རིན་ཆེན་རི། །དེ་ཡི་འོག་མ་ཡོན་ཏན་རྒྱ་མཚོ་སྟེ། །རྒྱལ་བ་ཆོས་དབྱིངས་དབྱངས་ཀྱི་དཔལ། །ཆོས་རབ་རྒྱ་མཚོ་སྒྲོག་པ་བཞི་པའོ། །ཆོས་ཀྱི་རྒྱལ་མཚན་གཟུངས་ཀྱི་འོད། །ཆོས་སྟོབས་འོད་དང་ནམ་
མཁའི་བློ་གྲོས་ཏེ། །ཆོས་འོད་རི་བོས་སྤོ་མཐོན་དང་། །དེ་དག་ཐ་མའི་མཚན་ནི་སྤྲིན་དཔལ་ལོ། །བཅུ་པོ་དེ་ལ་སོགས་པ་དག །མི་ཡི་དམ་པ་དེ་དག་ཀུན་མཆོད་དེ། །རྒྱལ་བའི་རྒྱ་མཚོ་འདིར་ཞུགས་པའི། །ཆོས་ཉིད་དེ་ནི་དག་མ་གྱུར། །དེ་ཡི་འོག་ཏུ་དེ་བཞིན་གཤེགས། །ཉི་མའི་སྒྲོན་མ་དཔལ་གྱི་དཔལ་ཞེས་བྱ། །ཞིང་ནི་སངས་རྒྱས་ཡོད་པ་སྟེ། །དེ་ལ་བསྐལ་པ་ཟླ་བའི་དཔལ་བྱུང་ངོ་། །དེ་ལ་སྟོབས་བཅུ་བྱུང་བ་ནི། །བྱེ་བ་བརྒྱད་ཅུ་ཡོངས་སུ་ཚང་བ་སྟེ། །དེ་དག་ཀུན་ལའང་མཆོད་
པའི་སྒོ། །རྒྱ་ཆེ་མཐའ་ཡས་ཡིད་འོང་དུ་མ་བྱས། །ཐོག་མར་བྱུང་བ་དྲི་ཟའི་རྒྱལ། །དེ་ཡི་འོག་ཏུ་སངས་རྒྱས་ཤིང་རྒྱལ་ཏེ། །རྒྱལ་བ་གསུམ་པ་ཡོན་ཏན་རི། །དེ་ཡི་འོག་ཏུ་རིན་ཆེན་སྤྱན་གཤེགས་སོ། །རྣམ་པར་སྣང་མཛད་འོད་ཀྱི་རྒྱན། །ཆོས་ཀྱི་རྒྱ་མཚོ་སངས་རྒྱས་གཟི་བརྗིད་དཔལ། །འཇིག་རྟེན་དབང་པོ་འོད་བཟང་དཔལ། །ཀུན་གྱི་ཐ་མ་ཆོས་འོད་རྒྱལ་པོའོ། །བཅུ་པོ་དེ་ལ་{སྩོགས་,སོགས་}པ་དག །བདེ་གཤེགས་དེ་དག་ཐམས་ཅད་མཆོད་བྱས་ཀྱང་། །ཆོས་ཀྱི་རྒྱ་མཚོར་འཇུག་པ་ཡི། །
ཡེ་ཤེས་ཁོ་མོས་ཐོབ་པར་མ་གྱུར་ཏོ། །དེ་ཡི་འོག་ཏུ་ཞིང་དག་པ། །རྡོ་རྗེའི་རང་བཞིན་མི་ཕྱེད་གཟི་བརྗིད་བརྟན། །ཀུན་ཏུ་འོད་སྤྲིན་མིང་ལྡན་བྱུང་། །རྒྱན་གཅིག་ཀུན་ནས་མཛེས་པར་གནས་པའོ། །དེ་ལ་སེམས་ཅན་དག་པ་མང་། །ཉོན་མོངས་དྲི་མས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 109b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。