完整藏文原文 · 德格版页 当前仅加载第 38 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
མཛའ་བ་ཀུན་དང་ཡང་། །འབྲལ་བར་མི་འགྱུར་སྡང་དང་འགྲོགས་པར་དེ་བཞིན་མིན། །ནོར་ཟད་མི་འགྱུར་ཕོངས་པའི་དངོས་སུ་མི་འགྱུར་རོ། །ང་ཡི་མིང་གི་རྗེས་སུ་ལ་ལ་དྲན་བྱེད་ན། །འདི་ནས་ཤི་འཕོས་མནར་མེད་སེམས་དམྱལ་མི་འགྲོ་སྟེ། །བྱོལ་སོང་སྐྱེ་
D44.038.0073a01.01གནས་{ཡི་དགས་,ཡི་དྭགས་}མི་ཁོམ་གནས་སུ་མིན། །སེམས་ཅན་དག་ལ་ལྷ་དང་མི་ཡི་གནས་སུ་སྐྱེ། །ང་ཡི་མིང་ནི་ལ་ལ་གང་གིས་དྲན་བྱས་ན། །དམུས་ལོང་ཞར་བ་འོན་པ་ཞ་བོར་མི་འགྱུར་ཏེ། །འཐེང་པོ་ལོང་བར་མི་འགྱུར་གསལ་སྨྲ་བལྟ་སྡུག་འགྱུར། །བསྐལ་པ་བྱེ་བ་མང་པོར་དབང་པོར་
D44.038.0073a02.01ཀུན་ལྡན་འགྱུར། །ལ་ལ་གང་གིས་ང་ཡི་{མྱིང་,མིང་}ནི་རྗེས་དྲན་ན། །སེམས་ཅན་དག་པ་འདི་ནས་ཤི་འཕོས་ཕྱོགས་བཅུ་ཡི། །འཇིག་རྟེན་ཁམས་སུ་སངས་རྒྱས་མངོན་སུམ་སྐྱེ་བར་འགྱུར། །སངས་རྒྱས་མཐོང་འགྱུར་དེ་དག་ཆོས་ཀྱང་ཐོས་པར་འགྱུར། །འདི་དང་དེ་བཞིན་
D44.038.0073a03.01གཞན་དག་ཐབས་མང་ཇི་སྙེད་ཀྱིས། །འགྲོ་བར་སེམས་ཅན་ང་འདུལ་གཞལ་དང་ཟད་མི་ནུས། །སངས་རྒྱས་སྲས་པོ་ངས་ནི་རྣམ་ཐར་གཅིག་བསྒོམས་ཏེ། །ཡོན་ཏན་ཅན་གྱི་ཡོན་ཏན་ཐམས་ཅད་ངས་མི་ཤེས། །དེའི་ཚེ་བྱང་ཆུབ་སེམས་དཔའ་གཞན་དུ་མི་འགྲོ་བ་
D44.038.0073a04.01ཞེས་བྱ་བ་ཤར་ཕྱོགས་ནས་ནམ་མཁའི་དབྱིངས་ལས་འོངས་ཏེ། མི་མཇེད་ཀྱི་འཇིག་རྟེན་གྱི་ཁམས་ཀྱི་འཁོར་ཡུག་གི་རྩེ་མོར་འདུག་གོ །བྱང་ཆུབ་སེམས་དཔའ་གཞན་དུ་མི་འགྲོ་བས། མི་མཇེད་ཀྱི་འཇིག་རྟེན་གྱི་ཁམས་ཀྱི་འཁོར་ཡུག་གི་རྩེ་མོ་ལ་རྐང་པ་གཉིས་
D44.038.0073a05.01བོར་མ་ཐག་དུ། མི་མཇེད་ཀྱི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ཏེ། རིན་པོ་ཆེ་དུ་མའི་རང་བཞིན་དུ་ཀུན་ནས་གནས་པར་གྱུར་ཏོ། །བྱང་ཆུབ་སེམས་དཔའ་གཞན་དུ་{མྱི་,མི་}འགྲོ་བ་དེས། ཉི་མ་དང་ཟླ་བའི་འོད་ཐམས་ཅད་ཟིལ་གྱིས་ནོན་པ་དང་། ལྷ་དང་
D44.038.0073a06.01ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་། བརྒྱ་བྱིན་དང་ཚངས་པ་དང་། འཇིག་རྟེན་གྱི་མགོན་པོ་དང་། མེ་དང་རིན་པོ་ཆེ་དང་། གློག་དང་། སྐར་མའི་འོད་ཀྱང་ཟིལ་གྱིས་ནོན་པ་དེ་ལྟ་བུའི་འོད་ལུས་ལས་
D44.038.0073a07.01