完整藏文原文 · 德格版页 当前仅加载第 11 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ལ་འཇུག་པར་འགྱུར་རོ་ཞེས་ལུང་བསྟན་ཏོ། །དེ་བས་ན་བུ་ཁྱོད་ཀྱིས་བསྟན་པ་ལ་འཇུག་པར་བྱོས་ཤིག །དེས་དེ་བཞིན་དུ་བགྱིའོ་ཞེས་སྨྲས་སོ། །དེ་ནས་ཚེ་དང་ལྡན་པ་ཀུན་དགའ་བོས་ཆོ་འཕྲུལ་རྣམ་པ་སྣ་ཚོགས་བསྟན་པར་བརྩམས་པ། མ་ག་དྷཱ་པ་སྙིང་
D6.011.0322a01.01རྗེས་ངུ་ཞིང་མགོན་པོ་ཚུར་གཤེགས་ཞེས། །སྤོང་བྱེད་པ་ཡང་སྙིང་རྗེས་ངུ་ཞིང་མགོན་པོ་ཚུར་གཤེགས་འབོད། །ཆུ་འགྲམ་དག་ན་སྐྱེ་བོ་གཉིས་ཀྱིས་ཚིག་བརྗོད་པ། །གསན་ནས་བློ་གྲོས་ཅན་གྱི་སྔོན་གྱི་སྐུ་ནི་སོ་སོར་བྱས། །དེ་ནས་ཚེ་དང་ལྡན་པ་ཀུན་དགའ་བོས་ལུས་
D6.011.0322a02.01བྱིན་གྱིས་བརླབས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏེ་མེ་ལ་ཆུ་གཏོར་བ་བཞིན་དུ་ཡོངས་སུ་མྱ་ངན་ལས་འདས་ནས་ལུས་ཕྱེད་ནི་ཡངས་པ་ཅན་པས། ལུས་ཕྱེད་ནི་རྒྱལ་པོ་མ་སྐྱེས་དགྲས་ཐོབ་ནས་སྨྲས་པ། ཡེ་ཤེས་རྡོ་རྗེ་རྣོན་པོ་ཡིས། །རང་གི་ལུས་ཀྱི་རི་བཅོམ་སྟེ། །ཕྱེད་
D6.011.0322a03.01ནི་མི་ཡི་དབང་པོ་བྱིན། །ཕྱེད་ནི་ཐུབ་པས་ཚོགས་རྣམས་བྱིན། །དེ་ནས་ལིཙྪ་བཱི་རྣམས་ཀྱིས་ཡངས་པ་ཅན་དུ་མཆོད་རྟེན་བརྩིགས་ནས་བཞག་གོ། །རྒྱལ་པོ་མ་སྐྱེས་དགྲས་ཀྱང་གྲོང་ཁྱེར་སྐྱ་སྣར་ཅན་གྱི་བུར་མཆོད་རྟེན་བརྩིགས་ནས་བཞག་གོ། །དེ་ནས་ཉི་མའི་གུང་གི་བསམ་པ་སྐྱེས་
D6.011.0322a04.01པ། །བདག་གི་མཁན་པོས་ཀྱང་ཁ་ཆེ་ཡུལ་དུ་བསྟན་པ་ཞོག་ཤིག་ཅེས་བསྒོ། །བཅོམ་ལྡན་འདས་ཀྱིས་ཀྱང་དགེ་སློང་ཉི་མའི་གུང་ཞེས་བྱ་བ་ཞིག་འབྱུང་བར་འགྱུར་ཏེ། དེས་ཁ་ཆེའི་ཡུལ་དུ་ཀླུ་མི་སྲུན་པ་ཧུ་ལུན་ཏ་བཏུལ་ནས་བསྟན་པ་འཇོག་པར་འགྱུར་རོ་ཞེས་ལུང་བསྟན་
D6.011.0322a05.01པས་མ་ལ་བདག་གིས་སྟོན་པའི་དགོངས་པ་ཡོངས་སུ་བསྒྲུབ་པར་བྱའོ་སྙམ་ནས། ཚེ་དང་ལྡན་པ་ཉི་མའི་གུང་གིས་ཁ་ཆེའི་ཡུལ་དུ་སོང་སྟེ་སྐྱིལ་མོ་ཀྲུང་བཅས་ནས་འདུག་གོ། །དེ་ནས་ཉི་མའི་གུང་གིས་ཁ་ཆེ་ཡུལ་གྱི་ཀླུ་འདི་ཟིལ་གྱིས་མནན་ལ། ཀླུ་དེ་དག་འཁྲུགས་
D6.011.0322a06.01པར་བྱས་ན་འདུལ་བར་འགྱུར་རོ་སྙམ་དུ་བསམས་ན་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང་། འདི་ལྟར་ཁ་ཆེའི་ཡུལ་རྣམ་པ་དྲུག་ཏུ་གཡོས་ཏེ། ཀླུ་དེ་དག་ཀྱང་འཁྲུགས་ཤིང་རབ་ཏུ་རྔམ་ནས་རྫི་ཆར་དྲག་པོ་དག་ཕབ་སྟེ་གནས་བརྟན་ལ་གནོད་པ་བྱ་བར་ཆས་པ་དང་།
D6.011.0322a07.01