完整藏文原文 · 德格版页 当前仅加载第 11 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དེའི་དྲུང་དུ་མ་སོང་བ་དང་། དགེ་སློང་དེས་བསམས་པ། དེ་ནི་གུད་ནས་ཟས་རྙེད་དུ་ངེས་ཏེ། དེའི་ཕྱིར་འདིར་མ་འོངས་ན་འདི་སུའི་ཕྱིར་གཞག་སྙམ་དུ་བསམས་ནས། དེས་དེ་མ་བཞག་པ་དང་། ཇི་ཙམ་ཞིག་ན་དགེ་སློང་མ་དེ་ཡང་འོངས་ཏེ་དེས་སྲིང་མོ་ཁྱོད་མི་འོང་སྙམ་ནས། བདག་གིས་
D6.011.0139b01.01བསོད་སྙོམས་མ་བཞག་སྟེ། ཟས་འདི་ནི་བཞག་པ་ཞིག་ན། དེ་སྟེ་བཅོམ་ལྡན་འདས་ཀྱིས་གནང་ན་ནི་འདི་བདག་གིས་སྦྱིན་ནོ་ཞེས་སྨྲས་པ་དང་། དེས་དེའི་རྐང་པ་ལ་ཕྱག་བྱས་ནས་དབྱར་མོ་ཁང་དུ་སོང་སྟེ། དེས་ཇི་ལྟ་བུར་གྱུར་པ་དགེ་སློང་མ་དག་ལ་སྨྲས་ནས་དེ་དག་གིས་དགེ་སློང་
D6.011.0139b02.01དག་ལ་སྨྲས་ཏེ། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གིས་བཞག་པ་དགེ་སློང་མས་བྱིན་ལེན་བྱོས་ལ་བཟའ་བར་གནང་ངོ་། །གང་ཡང་དགེ་སློང་མས་བཞག་པ་དེ་ནི་དགེ་སློང་
D6.011.0139b03.01གིས་བྱིན་ལེན་བྱོས་ཤིག །འདི་ལ་ཐེ་ཚོམ་མ་བྱེད་པར་དགེ་སློང་མས་ནི་དགེ་སློང་ལ་བྱིན་ལེན་བྱའོ། །དགེ་སློང་དག་གིས་ཀྱང་དགེ་སློང་མ་ལས་བྱིན་ལེན་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་གིས་དགེ་སློང་མའི་དགེ་འདུན་གྱི་དབུས་སུ་ཐུན་མོང་མ་
D6.011.0139b04.01ཡིན་པའི་བར་ཆད་ཀྱི་ཆོས་དྲིས་པ་དང་། དེ་ངོ་ཚ་ནས་གདོང་སྨད་དེ་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དགེ་སློང་མ་དང་ཐུན་མོང་མ་ཡིན་པའི་བར་ཆད་ཀྱི་ཆོས་དྲི་
D6.011.0139b05.01བ་མི་བྱའོ། །དགེ་སློང་མ་ཉིད་ཀྱིས་དྲིས་ཤིག །དགེ་སློང་གིས་དགེ་སློང་མ་ལ་དགེ་སློང་མ་དེ་ཐུན་མོང་མ་ཡིན་པའི་བར་ཆད་ཀྱི་ཆོས་འདྲི་ན་འདས་པ་དང་བཅས་པར་འགྱུར་རོ། །དགེ་སློང་ཕ་དག་གིས་ཐུན་མོང་གི་དྲི་བར་བརྩམས་ན་འོན་ཀྱང་ངོ་ཚ་ནས་མ་སྨྲས་པ་དང་། བཅོམ་
D6.011.0139b06.01ལྡན་འདས་ཀྱིས་བཀའ་སྩལ་པ། དགེ་སློང་མ་དྲུང་དུ་ཞོག་ལ་དྲིས་ཤིག །དེས་ནི་དགེ་སློང་མ་ལ་སྨྲོས་ཤིག །དགེ་སློང་མ་དེས་ཀྱང་དགེ་སློང་ལ་སྨྲོས་ཤིག །གླེང་གཞི་མཉན་དུ་ཡོད་པ་ན་སྟེ། ཚེ་དང་ལྡན་པ་ཤཱ་རིའི་བུ་ལ་དགེ་སློང་མ་གཞན་ཞིག་བསྙེན་པར་རྫོགས་ཏེ། འདི་
D6.011.0139b07.01