完整藏文原文 · 德格版页 当前仅加载第 11 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་བྱེད་པའི་གནས་སུ་འགྱུར་བར་རིག་ཅིང་ཇི་ཙམ་ན་ཚེའི་འདུ་བྱེད་ཀྱང་སྤངས། ཚེའི་འདུ་བྱེད་སྤངས་མ་ཐག་ཏུ་ས་ཡང་རྣམ་པ་དྲུག་ཏུ་གཡོས། སྐར་མདའ་ཡང་ལྷུང་། ཕྱོགས་ཀྱང་འཚིག །བར་སྣང་ལ་ལྷ་དག་རྔ་ཡང་རྡུང་བར་འགྱུར་རོ་སྙམ་མོ། །དེ་ནས་ཚེ་དང་ལྡན་པ་
D6.011.0318a01.01འོད་སྲུང་ཆེན་པོས་སྦྱར་བ་དང་། བསྲེག་པ་དང་། གློག་དབྱུང་བ་དང་། ཆོ་འཕྲུལ་ཆེན་པོ་རྣམ་པ་སྣ་ཚོགས་བྱས་ནས་རང་གི་ལུས་བྱིན་གྱིས་བརླབས་ནས་གློ་གཡས་པས་ཕབ་སྟེ། རྐང་པའི་སྟེང་དུ་རྐང་པ་བཞག་ནས་ཉལ་ཏེ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་
D6.011.0318a02.01ཡོངས་སུ་མྱ་ངན་ལས་འདས་སོ། །དེ་ནས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་འདི་སྙམ་དུ་ཅིའི་ཕྱིར་བདག་ཅག་གིས་འདི་གཡོས་པར་གྱུར་ཅེས་བསམས་པ་དང་། ཇི་ཙམ་ན་ཚེ་དང་ལྡན་པ་འོད་སྲུང་ཆེན་པོ་ཡོངས་སུ་མྱ་ངན་ལས་འདས་པར་ཤེས་ནས། ཡང་བརྒྱ་བྱིན་དང་།
D6.011.0318a03.01ཚངས་པ་ལ་སོགས་པ་ལྷ་རྣམས་དང་། ལྷ་བརྒྱ་སྟོང་དུ་མས་མེ་ཏོག་ཨུཏྤ་ལ་དང་། པད་མ་དང་། པུན་ད་རི་ཀ་ལ་སོགས་པ་དང་། ཙན་དན་ས་མཆོག་དང་། ཨ་ག་རུའི་ཕྱེ་མ་ཐོགས་ཏེ། ཚེ་དང་ལྡན་པ་འོད་སྲུང་ཆེན་པོའི་སྐུ་གདུང་ག་ལ་བ་དེར་སོང་སྟེ་ཕྱིན་ནས། གནས་
D6.011.0318a04.01བརྟན་གྱི་སྐུ་ལ་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་བཟང་པོ་དག་དང་། ཙན་དན་ས་མཆོག་དང་། ཨ་ག་རུའི་ཕྱེ་མ་དག་གིས་མཆོད་ཅིང་གཏོར་ནས་རི་གསུམ་སྦྱར་ནས་བཀབ་བོ། །དེ་ནས་ལྷ་རྣམས་གནས་བརྟན་དང་བྲལ་བས་མྱ་ངན་སྐྱེས་
D6.011.0318a05.01ཏེ། དེ་ལྟར་བདག་ཅག་བཅོམ་ལྡན་འདས་དང་བྲལ་བའི་མྱ་ངན་སྐྱེས་པ་ཡང་མ་བྱང་བར་འདིར་ཤིང་ནྱ་གྲོ་དྷའི་ཕུག་འདི་ན་གནས་པའི་ལྷ་རྣམས་དགེ་བའི་ཆོས་ཀྱི་བར་ཆད་ཀྱང་བྱུང་བར་གྱུར། ཡུལ་མ་ག་དྷཱའི་རྒྱལ་པོའི་ཡུལ་ཡང་སྟོངས་ནས་སྣང་བ་མེད་པར་གྱུར། ད་ནི་བཀྲེན་
D6.011.0318a06.01པ་དང་། དབུལ་པོ་དང་། མགོན་མེད་པའི་སྲང་དུ་བྱམས་པས་ཕན་འདོགས་པའི་མགོན་ཡང་མེད། སྐྱེ་བོ་རྣམས་དགེ་བས་དབུལ་བར་གྱུར་ཏེ། ད་ནི་བཅོམ་ལྡན་འདས་གཉིས་ཁོ་ན་ཡོངས་སུ་མྱ་ངན་ལས་འདས་སོ་སྙམ་སེམས་ཏེ། ད་ནི་དམ་པའི་ཆོས་ཀྱི་རིའི་རྩེ་མོ་ཡང་
D6.011.0318a07.01