完整藏文原文 · 德格版页 当前仅加载第 11 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་མཉམ་དགར་ལྷགས་ཏེ་དེ་དག་ལ་ཡང་གནོད་སྦྱིན་ས་ཏས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་རིགས་མཉམ་པ་ལས་ཆུང་མ་བླངས་ཏེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་
D6.011.0145b01.01དོ། །ཡུལ་གན་དྷ་ར་ན་ཡང་པཉྩ་ལ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཀྱང་ཡུལ་གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེའི་མཐུས་ཡུལ་
D6.011.0145b02.01གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང་། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་
D6.011.0145b03.01བསླང་བ་རྣམས་ནི་མོད་པས་ན་དེར་ཡང་གྲོང་དང་། གྲོང་ཁྱེར་དང་། ཡུལ་དང་། ཕོ་བྲང་འཁོར་དེ་དང་དེ་དག་གི་དང་། ཡུལ་སོ་སོ་ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་གན་དྷ་རར་ལྷགས་ཏེ། དེ་དག་ལ་ཡང་གནོད་
D6.011.0145b04.01སྦྱིན་པཉྩ་ལས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་ཀྱང་རིགས་མཉམ་པ་ལས་ཆུང་མ་ཞིག་བླངས་ཏེ། དེ་ཡང་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ནས་དུས་ཕྱི་ཞིག་ན་གནོད་སྦྱིན་ས་ཏ་དང་། གནོད་སྦྱིན་པཉྩ་ལ་གཉིས་གནོད་སྦྱིན་
D6.011.0145b05.01རྣམས་ཀྱི་གནོད་སྦྱིན་འདུས་པར་དོང་ནས། དེར་དེ་གཉིས་ཕན་ཚུན་མཛའ་བོར་གྱུར་ཏེ། གནོད་སྦྱིན་ས་ཏས་དེ་ལ་དུས་དུས་སུ་ཡུལ་མཉམ་དགའི་མེ་ཏོག་དང་འབྲས་བུ་ལ་སོགས་པ་སྐྱེས་སུ་བསྐུར་རོ། །གནོད་སྦྱིན་པཉྩ་ལས་ཀྱང་གནོད་སྦྱིན་ས་ཏ་ལ་ཡུལ་གན་དྷ་རའི་མེ་
D6.011.0145b06.01ཏོག་དང་འབྲས་བུ་སྐྱེས་སུ་བསྐུར་རོ། །དེ་གཉིས་འདི་བཞིན་ཕན་ཚུན་དུ་རབ་ཏུ་མཛའ་བར་གྱུར་ནས། དེ་གཉིས་ཕྱིར་གནོད་སྦྱིན་འདུས་པར་དོང་སྟེ། གནོད་སྦྱིན་ས་ཏས་གྲོགས་པོ་ཡུ་བུ་གཉིས་དུས་ལས་འདས་ཀྱང་བུ་དང་། ཚ་བོ་དང་། ཡང་ཚ་དང་། སུམ་ཚ་རྣམས་
D6.011.0145b07.01