完整藏文原文 · 德格版页 当前仅加载第 11 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ལ་རྗེས་སུ་དྲན་ཏེ། འདི་ལྟ་སྟེ། གཅིག་ཅེས་བྱ་བ་ནས་སྔ་མ་བཞིན་ཏེ། དབྱིབས་དང་གནས་ཀྱི་གཏན་ཚིགས་སུ་བཅས་ཏེ་རྣམ་པ་དུ་མའི་སྔོན་གྱི་གནས་རྗེས་སུ་དྲན་པའི་བར་དུའོ། །དེས་དེ་བཞིན་དུ་མཉམ་པར་གཞག་པའི་སེམས་ཀུན་དུ་དག་པ། ཡོངས་སུ་བྱང་བ། ཉེས་པ་མེད་པ་
D6.011.0215b01.01ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཏེ། ལས་སུ་རུང་བར་གནས་པས་མི་གཡོ་བ་ཐོབ་སྟེ། འཆི་འཕོ་དང་སྐྱེ་བ་ཤེས་པ་མངོན་པར་བྱ་བའི་ཕྱིར་མངོན་པར་ཤེས་པ་དག་ལ་སེམས་མངོན་པར་འཇུག་གོ། །དེས་འཕྲུལ་གྱི་མིག་རྣམ་པར་དག་པ་མི་ལས་འདས་པས་སེམས་ཅན་རྣམས་འཆི་
D6.011.0215b02.01བ་དང་། སྐྱེ་བ་དང་། ཁ་དོག་སྡུག་པ་དང་། ཁ་དོག་མི་སྡུག་པ་དང་། ངན་པ་དང་། བཟང་པོ་དང་། བདེ་བར་འགྲོ་བར་སོང་བ་དང་། ངན་པར་འགྲོ་བ་རྣམས་མཐོང་ངོ་། །སེམས་ཅན་རྣམས་ཇི་ལྟར་ལས་ཀྱིས་ཉེ་བར་འགྲོ་བ་དེ་ལྟ་བུ་ཉིད་རབ་ཏུ་ཤེས་ཏེ། ཀྱེ་སེམས་ཅན་འདི་དག་གིས་ནི་ལུས་ཀྱིས་
D6.011.0215b03.01ཉེས་པར་སྤྱད་པ་དང་ལྡན་པ། ངག་དང་ཡིད་ཀྱིས་ཉེས་པར་སྤྱད་པ་དང་ལྡན་ཞིང་འཕགས་པ་དག་ལ་སྐུར་ཏེ་ངན་པར་ལྟ་ཞིང་ངན་པར་ལྟ་བའི་ལས་དང་། ཆོས་ལ་ཡིད་དམ་བཅས་པ་དེའི་རྒྱུ་དེའི་རྐྱེན་གྱིས་ན་ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོར་ལྟུང་སྟེ་སེམས་ཅན་དམྱལ་བར་སྐྱེའོ། །
D6.011.0215b04.01ཀྱེ་གཞན་ཡང་སེམས་ཅན་འདི་དག་གིས་ནི་ལུས་ཀྱིས་དགེ་བར་སྤྱད་པ་དང་ལྡན། ངག་དང་ཡིད་ཀྱིས་དགེ་བར་སྤྱད་པ་དང་ལྡན་པས་འཕགས་པ་དག་ལ་མ་སྐུར་ཏེ་ཡང་དག་པར་ལྟ་ཞིང་ཡང་དག་པར་ལྟ་བའི་ལས་དང་ཆོས་ལ་ཡིད་དམ་བཅས་པ་དེའི་རྒྱུ་དེའི་རྐྱེན་གྱིས་ནམ་ལུས་དང་བྲལ་བའི་
D6.011.0215b05.01འོག་ཏུ་བདེ་བར་འགྲོ་བ་མཐོ་རིས་ཀྱི་ལྷར་སྐྱེའོ། །དེ་འདི་ལྟ་སྟེ། མིག་དང་ལྡན་པའི་སྐྱེས་བུ་ཞིག་གིས་ལམ་གྱི་བཞི་མདོ་ཆེན་པོར་འདུག་སྟེ། སྐྱེ་བོ་མང་པོ་འོང་བ་དང་། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དག་རྣམ་པ་སྣ་ཚོགས་སུ་གནས་པ་དེ་དག་ཀྱང་མཐོང་ངོ་། །དེ་
D6.011.0215b06.01ལྟར་འདི་བཞིན་དུ་དེའི་འཕྲུལ་གྱི་མིག་རྣམ་པར་དག་པ་མི་ལས་འདས་ཞེས་བྱ་བ་ནས། སྔ་མ་བཞིན་ལྷར་སྐྱེའོ་ཞེས་བྱ་བའི་བར་དུ་སྟེ། དེས་འདི་བཞིན་མཉམ་པར་གཞག་པའི་སེམས་ཀུན་དུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ། དྲང་པོར་གྱུར་ཅིང་ལས་
D6.011.0215b07.01