完整藏文原文 · 德格版页 当前仅加载第 11 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་མོས་སྨྲས་པ། མཚན་{བཟངས་,བཟང་}མ་དེ་ཤེས་ཏེ། དེའི་དུས་ལས་འདས་པས་བཟོའི་གནས་དང་། ལས་ཀྱི་གནས་ངེས་པར་ངས་མི་ཤེས་པ་མེད་དོ། །དེ་དག་གིས་འཕགས་མ་དེ་བཞིན་དུ་བརྒྱུས་ཏེ་སྩལ་བར་ཅི་གནང་དེས་སྨྲས་པ། མཚན་{བཟངས་,བཟང་}མ་
D6.011.0181a01.01གལ་ཏེ་བཟའ་བའི་རིན་སྦྱིན་ནམ། དེས་སྨྲས་པ། འཕགས་མ་ལེགས་པར་འབུལ་ལོ། །ཤིན་ཏུ་དབུལ་གྱིས་རྒྱུས་ཤིག་དེས་ལྷུང་བཟེད་བཞག་སྟེ། རྐང་པ་བརྐྱང་ནས་འདུག་སྟེ་མྱུར་བར་དེ་བཞིན་དུ་བརྒྱུས་པ་ཁྱིམ་བདག་གི་ཆུང་མ་དེ་དག་གིས་དེ་མཐོང་སྟེ། ངོ་མཚར་སྐྱེས་ནས་
D6.011.0181a02.01དེ་དག་ཡོངས་སུ་མགུ་སྟེ་སྦོམ་དགའ་མོ་ལ་བཟའ་བའི་རིན་མང་དུ་བྱིན་ནོ་སྦོམ་དགའ་མོ་དེས་འགྲན་པས་ཁྱིམ་གཞན་དུ་ཡང་ཕྲེང་བ་བརྒྱུས་ཏེ། དེར་ཡང་བཟའ་བའི་རིན་བྱིན་པ་དང་། སྦོམ་དགའ་མོ་རྙེད་པ་མང་དུ་རྙེད་དེ་ཐོབ་ནས་བྱུང་སྟེ་དབྱར་ཁང་དུ་སོང་ངོ་། །ཇི་ཙམ་ན་ཕྲེང་རྒྱུད་མ་
D6.011.0181a03.01འོངས་ཏེ། སྨྲས་པ། མེ་ཏོག་དེ་དག་འོན་ཅིག་བརྒྱུའོ། །དེས་སྨྲས་པ། ཁྱེད་ཅག་ད་གཟོད་ག་ཤེད་ནས་འོངས་ཀྱི་ཕྲེང་བ་དེ་དག་བརྒྱུས་ཏེ་སྐྱེད་མོས་ཚལ་དུ་བསྐུར་ཟིན་ནོ། །དེ་དག་གིས་སྨྲས་པ། སུས་བརྒྱུས་དེ་དག་གིས་སྨྲས་པ། འཕགས་མ་སྦོམ་དགའ་མོས་སོ། །དེ་དག་
D6.011.0181a04.01དགེ་སྦྱོང་ཤཱཀྱའི་སྲས་ཀྱི་དགེ་སྦྱོང་རྣམས་ནི་ཚིག་པ། ཚངས་པར་སྤྱོད་པ་ནི་ཚིག་པ་ཡིན་ཏེ། གང་གི་ཕྱིར་ད་ལྟར་གཞན་དག་གི་འཚོ་བ་འཕྲོག་གོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ་ཞེས་དགེ་སློང་རྣམས་ཀྱིས་ཐོས་ནས། སྐབས་དེ་བཅོམ་ལྡན་འདས་ལ་
D6.011.0181a05.01གསོལ་པ་དང་། བཅོམ་ལྡན་འདས་ཀྱིས་དགོངས་པ་ཕྲེང་རྒྱུད་མ་རྣམས་ཁ་ཟེར་བའི་ཉེས་དམིགས་གང་ཅི་བྱུང་བ་ནི་དགེ་སློང་མས་ཕྲེང་བ་བརྒྱུས་པའི་གཞི་ལས་གྱུར་པ་ཡིན་གྱིས། དེ་ལྟ་བས་ན་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་མི་བྱའོ་སྙམ་དུ་དགོངས་ནས་བཀའ་སྩལ་པ།
D6.011.0181a06.01དགེ་སློང་དག་ཕྲེང་རྒྱུད་མ་རྣམས་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་མི་བྱའོ། །དགེ་སློང་མ་དག་ཕྲེང་བ་རྒྱུ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་རྣམས་ཕྲེང་བ་བརྒྱུ་བར་མི་བྱའོ་ཞེས་གསུངས་
D6.011.0181a07.01