完整藏文原文 · 德格版页 当前仅加载第 11 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་དེའི་དུས་ལ་བབ་པར་དགོངས་སུ་གསོལ་ཞེས་གདུགས་ཚོད་གདས་པར་གསོལ་ཏོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་མནབས་ལྷུང་བཟེད་བསྣམས་ཏེ། ཁྱིམ་བདག་དྲག་ཤུལ་ཅན་གྱི་བཀད་ས་གང་ན་བ་དེར་གཤེགས་
D6.011.0028a01.01ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་དྲག་ཤུལ་ཅན་ཡུལ་ཡངས་པ་ཅན་གྱི་བྲམ་ཟེ་དང་ཁྱིམ་བདག་རྣམས་དང་ལྷན་ཅིག་ཏུ་གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་སྣོད་རྣམས་སངས་རྒྱས་
D6.011.0028a02.01ལ་སོགས་པ་དགེ་སློང་གི་དགེ་འདུན་རྣམས་ལ་འབྲིམ་པར་ཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་ཁྱིམ་བདག་དྲག་ཤུལ་ཅན་ནི་བརྟག་པའི་བསམ་པས་གསེར་དང་། དངུལ་དང་།
D6.011.0028a03.01བཻ་ཌཱུརྱ་དང་། ཤེལ་གྱི་སྣོད་རྣམས་འབྲིམ་གྱིས་དགེ་སློང་ཁྱེད་ཅག་སུ་ཡང་མ་ལེན་ཅིག་བར་སྒོ་ཤིག་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོས་བཙུན་པ་དེ་ལྟར་འཚལ་ལོ་ཞེས་བཅོམ་ལྡན་འདས་ཀྱི་ལྟར་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་
D6.011.0028a04.01བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་བགམ་པའི་བསམ་པས། གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་སྣོད་རྣམས་འབྲིམ་གྱིས་དགེ་སློང་ཁྱེད་ཅག་སུ་ཡང་མ་ལེན་ཅིག་ཅེས་བཀའ་སྩལ་ཏོ། །ཞེས་བསྒོ་བ་དང་། བཙུན་པ་ཀུན་དགའ་བོ་བཅོམ་
D6.011.0028a05.01ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་མི་བླང་བར་བགྱིའོ་ཞེས་སྨྲས་ནས་དེ་དག་གིས་མ་བླངས་སོ། །དེ་ནས་ཁྱིམ་བདག་དྲག་ཤུལ་ཅན་གྱིས་ཟངས་ལས་བྱས་པ་དང་། ཁར་བ་ལས་བྱས་པའི་སྣོད་རྣམས་བྲིམས་ཏེ། སངས་རྒྱས་ལ་སོགས་པ་དགེ་སློང་གི་དགེ་འདུན་
D6.011.0028a06.01རྣམས་བདེ་བར་བཞུགས་པར་རིག་ནས་རང་གིས་ལག་དར་ཏེ་བཟའ་བ་དང་བཅའ་བ་གཙང་ཞིང་བསོད་པས་ཡང་དག་པར་ཚིམ་པར་བྱེད། ཡང་དག་པར་སྟོབས་པར་བྱེད་དོ། །རྣམ་གྲངས་དུ་མར་རང་གིས་ལག་དར་ཏེ་བཟའ་བ་དང་བཅའ་བ་གཙང་ཞིང་བསོད་པས་ཡང་དག་པར་
D6.011.0028a07.01