完整藏文原文 · 德格版页 当前仅加载第 11 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མོད་ཀྱི་ཐེ་ཚོམ་དགྲོལ་བའི་ཕྱིར་དྲིས་པ་སྨྲོས་ཤིག་ཅེས་སྨྲས་པ་དང་། དེས་འཕགས་མ་བདག་ནི་ནུ་མའི་བར་ཆད་འཆང་ངོ་ཞེས་སྨྲས་པ་དང་། དེས་ལེགས་སོ་ཞེས་བྱས་ན། ཁྱོད་ལ་ནང་གི་བཙུན་མོ་དགའ་ཞིང་ཡིད་མགུའོ་ཞེས་སྨྲས་པ་དང་། དེ་ཅང་མི་ཟེར་
D6.011.0142a01.01བར་འདུག་གོ། །སྦོམ་དགའ་མོ་ཡང་དབྱར་མོ་ཁང་དུ་སོང་ངོ་། །དེས་དབྱར་མོ་ཁང་དུ་སོང་ནས་ནུ་མའི་བར་ཆད་བཅངས་པ་ནས་སྔ་མ་དང་འདྲ་བའི་བར་དུ་སྟེ། དེ་ལྟ་བས་ན་དགེ་སློང་མས་ནུ་མའི་བར་ཆད་མ་འཆང་ཤིག །དགེ་སློང་མ་ནུ་མའི་བར་ཆད་འཆང་ན་འདས་པ་དང་བཅས་
D6.011.0142a02.01པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་རྐེད་ཆིངས་མ་འཆང་ཤིག་ཅེས་གསུངས་པ་དང་། སྦོམ་དགའ་མོས་རས་ཅི་དང་ཅི་ཡང་རུང་དེས་རྐེད་པ་བཅིངས་པ་དང་། དེ་ནས་དུས་ཕྱི་ཞིག་ན་སྦོམ་དགའ་མོ་ཆུ་བོ་ཨ་ཛིར་བ་ཏིར་དགེ་སློང་
D6.011.0142a03.01མ་དང་ལྷན་ཅིག་ཏུ་ཁྲུས་བྱེད་པ་དེ་དག་གིས་དེ་མཐོང་ནས། འཕགས་མ་དགེ་སློང་མའི་རྐེད་པ་རྐེད་ཆིངས་ཀྱིས་བཅིང་དུ་བཅོམ་ལྡན་འདས་ཀྱིས་མ་གནང་ན། ཁྱོད་ཀྱི་རྐེད་པ་ཕྲ་བ་ཕྲ་བ་ཞེས་དྲིས་པ་དང་། དེས་ནུ་མོ་བདག་ནི་རས་ཅི་དང་ཅི་ཡང་རུང་བས་དཀྲིས་སོ་ཞེས་སྨྲས་པ་དང་།
D6.011.0142a04.01དེ་དག་གིས་ཁྱོད་རས་ཅི་དང་ཅིས་ཀྱང་དཀྲིས་རུང་ངམ་ཞེས་དྲིས་པ་དང་། དེས་ནུ་མོ་དག་རུང་ཡང་བླ་མི་རུང་ཡང་བླ་སྟེ། བདག་གིས་ནི་བཅིངས་སོ་ཞེས་ཟེར་བ་དང་། དགེ་སློང་མ་དག་འཕྱ་སྨོད་ངན་དུ་འཛེར་བ་ནི་དགེ་སློང་མས་རས་ཅི་དང་ཅིས་ཀྱང་རྐེད་པ་དཀྲི་བ་ག་ལ་རིགས། དེ་ལྟར་
D6.011.0142a05.01གྱུར་པ་དེ་དག་གིས་སྔ་མ་དང་འདྲ་བའི་བར་དུ་སྟེ། དགེ་སློང་མས་རས་ཅི་དང་ཅིས་ཀྱང་རུང་རྐེད་པ་མ་དཀྲི་ཤིག །དགེ་སློང་མས་རས་ཅི་དང་ཅིས་ཀྱང་རུང་། རྐེད་པ་དཀྲིས་ན་འདས་པ་དང་བཅས་པར་འགྱུར་རོ།། །།མདོར་ན། བཙོག་པའི་གནས་སུ་མི་དོར་ཏེ། མངལ་དང་
D6.011.0142a06.01མི་གཙང་མི་བཏུང་ངོ་། །བདག་གི་བུ་ལ་རེག་པར་བྱ། །གཞན་གྱི་བུ་ལ་རེག་མི་བྱའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་
D6.011.0142a07.01