完整藏文原文 · 德格版页 当前仅加载第 11 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པར་བྱའོ། །དགེ་སློང་དག་ངས་ཁྱེད་ཅག་ལ་ཀུན་དུ་དགའ་བར་འགྱུར་བའི་ཆོས་དྲུག་བསྟན་པར་བྱས། དེ་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །ཀུན་དུ་དགའ་བར་འགྱུར་བའི་ཆོས་དྲུག་གང་ཞེ་ན། རང་གི་བྱམས་པའི་ལུས་ཀྱི་ལས་ཉེ་བར་གནས་
D6.011.0233b01.01པར་གྱུར་ཅིང་སྒོམ་ལ། སྟོན་པ་དང་། ཚངས་པ་མཚུངས་པར་སྤྱོད་པ་མཁས་པ་རྣམས་ལ་དགའ་བར་བྱེད། བླ་མར་བྱེད། ཡིད་དགའ་བར་བྱེད་ཅིང་དགའ་བར་བྱས། བླ་མར་བྱས་ཞེ་ས་བྱས། བསྒོམས་ཏེ་ཀུན་དུ་བསྡུ་བ་དང་། ཡང་དག་པར་བསྡུས་ནས་འཐབ་རྩོད་
D6.011.0233b02.01མེད་ཅིང་གཅིག་ཏུ་བྱེད་ལ་ཀུན་དུ་སྤྱོད་པ་འདི་ནི་ཀུན་དུ་དགའ་བར་བྱེད་པའི་ཆོས་ཡིན་ནོ། །བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀྱང་ཡིན་ནོ། །གང་ཆོས་དང་ལྡན་པའི་ཆོས་ཀྱིས་ཐོབ་པ་ཆུང་ངུ་ན་ལྷུང་བཟེད་ཀྱི་ནང་དུ་འོངས་པ་དང་། ལྷུང་བཟེད་ཀྱི་ནང་དུ་
D6.011.0233b03.01ཐོབ་པ་དེ་ལྟ་བུའི་རྙེད་པ་དེ་རང་དབེན་པར་ཟ་བར་མི་བྱེད་ཅིང་ཚངས་པ་མཚུངས་པར་སྤྱོད་པ་རྣམས་དང་ལྷན་ཅིག་དགའ་བས་ཐུན་མོང་དུ་ཟ་བར་བྱེད་ལ། དགའ་བར་བྱེད། བླ་མར་བྱེད། ཡིད་དགའ་བར་བྱེད་དེ། དགའ་བར་བྱས། བླ་མར་བྱས། ཞེ་ས་བྱས། བསྒོམས་ཏེ་
D6.011.0233b04.01ཀུན་དུ་བསྡུ་བ་དང་། ཡང་དག་པར་བསྡུས་ནས་འཐབ་རྩོད་མེད་ཅིང་གཅིག་ཏུ་བྱེད་ལ་ཀུན་དུ་སྤྱོད་པ་འདི་ནི་ཀུན་དུ་དགའ་བར་བྱེད་པའི་ཆོས་ཡིན་ནོ། །གང་ཚུལ་ཁྲིམས་མ་ཉམས་པ་སྐྱོན་མེད་པ། འདྲེན་མར་མ་གྱུར་པ། ཐུན་ཚགས་མ་ཡིན་པ། རང་དབང་ཅན། ནག་
D6.011.0233b05.01ནོག་མ་ཡིན་པ། རབ་ཏུ་བརྩམས་པ། ཤིན་ཏུ་མཐར་ཕྱིན་པ། མཁས་པ་རྣམས་ཀྱིས་བསྟོད་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་མ་སྨད་པའི་ཚུལ་ཁྲིམས་དེ་ལྟ་བུ་ལ་ཚངས་པ་མཚུངས་པར་སྤྱོད་པ་མཁས་པ་རྣམས་དང་ལྷན་ཅིག་ཐུན་མོང་དུ་བྱས་
D6.011.0233b06.01ཏེ། ཚུལ་ཁྲིམས་སྤྱོད་པར་གྱུར་ཅིང་གཅིག་ཏུ་བྱེད་ལ་ཀུན་དུ་སྤྱོད་པ་ཞེས་བྱ་བའི་བར་སྔ་མ་བཞིན་ཏེ། འདི་ནི་ཀུན་དུ་དགའ་བར་བྱེད་པའི་ཆོས་ཡིན་ནོ། །གང་འཕགས་པའི་ལྟ་བ་འདི་ནི་ངེས་པར་འབྱིན་པ་དང་། ངེས་པར་འབྱེད་པ་དང་། ཡང་དག་པར་འབྱིན་པ་
D6.011.0233b07.01