完整藏文原文 · 德格版页 当前仅加载第 11 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་མ་ཡིན་ནམ། དེ་སྟེ་རབ་ཏུ་བྱུང་བའོ་ཞེས་སྨྲ་ན། འོ་ན་སླར་སོང་ཤིག་ཅེས་སྨྲོས་ཤིག །དེ་སྟེ་རབ་ཏུ་མ་བྱུང་ཞེས་སྨྲ་ན། ཅི་ཁྱོད་ཀྱིས་ད་ལྟར་རབ་ཏུ་བྱུང་ནས་ཁྱོད་ཀྱིས་ཚངས་པར་སྤྱོད་པ་ཡང་དག་པར་སྤྱད་དམ། ཁྱོད་ཀྱིས་དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང་རྗེས་སུ་
D6.011.0109b01.01འབྲང་བའི་ཆོས་དྲུག་བསླབ་པ་གསོལ་ཏམ། གསོལ་ཏོ། །ཁྱོད་ཀྱིས་ལོ་གཉིས་སུ་ཆོས་དྲུག་དང་རྗེས་སུ་འབྲང་བའི་ཆོས་དྲུག་གི་བསླབ་པ་བསླབས་སམ། བསླབས་སོ། །ཁྱོད་ལ་དགེ་སློང་མའི་དགེ་འདུན་གྱིས་ཚངས་པར་སྤྱད་པ་སྐྱེད་པའི་སྡོམ་པ་ཕོག་གམ། ཕོག་གོ། །ཁྱོད་ལ་དགེ་
D6.011.0109b02.01སློང་མའི་དགེ་འདུན་གྱིས་སྔར་བྱ་བའི་རྣམས་བྱས་སམ། བགྱིས་སོ། །ཁྱོད་ཀྱིས་དགེ་སློང་མའི་དགེ་འདུན་རྣམས་ཀྱི་སེམས་གུས་པར་བྱས་སམ། གུས་པར་བགྱིས་སོ། །བར་ཆད་ཀྱི་ཆོས་རྣམས་ལས་ཡོངས་སུ་དག་གམ། ཡོངས་སུ་དག་གོ། །ཁྱོད་ལ་གཞན་གྱི་བུ་ལོན་མང་ཡང་
D6.011.0109b03.01རུང་། །ཉུང་ཡང་རུང་ཆགས་པ་མེད་དམ། ཁྱོད་ཀྱི་མིང་ཅི། ཁྱོད་ཀྱི་མཁན་མོའི་མིང་ཅི། བདག་གི་མིང་ནི་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ་མཁན་མོའི་མིང་ནི་འདི་ཞེས་བགྱིའོ། །ཁྱོད་མིང་འདི་ཞེས་བྱ་བ་ཉོན་ཅིག །བུད་མེད་ཀྱི་ལུས་ལ་གནོད་པར་འགྱུར་བ་ལུས་ཀྱི་
D6.011.0109b04.01ནད་འདི་འདྲ་བ་ཡོད་དེ། དེ་འདི་ལྟ་སྟེ། མཛེ་དང་། འབྲས་དང་། ཤུ་བ་དང་། ཕོལ་མིག་དང་། ཚད་པ་དང་། ཤ་བཀྲ་ཅན་དང་། རྐོམ་པོ་དང་། ཀློག་པ་དང་། རབ་ཏུ་གཡན་པ་དང་། སྐྱིགས་བུ་དང་། སྐྱུགས་པ་དང་། གཞང་འབྲུམ་དང་། རིམས་དང་། ཟ་ངད་དང་། མྱོས་པ་
D6.011.0109b05.01དང་། །ཆུ་བགགས་པ་དང་། ངལ་བ་དང་། རྨོང་བུ་དང་། དབུགས་མི་བདེ་བ་དང་། ལུད་པ་དང་། སྐེམ་པ་དང་། བརྗེད་བྱེད་དང་། འཇས་པ་དང་། དཀར་པོའི་ནད་དང་། རྐང་འབམ་དང་། མཚན་པར་རྡོལ་བ་དང་། སྐྲན་དང་། ཁྲག་ནད་དང་། མཁྲིས་པ་དང་། རྐུབ་འབྲུམ་
D6.011.0109b06.01དང་། །ལྷོག་པ་དང་། ཡན་ལག་ཚ་བ་དང་། རྩིབ་ལོགས་ཚ་བ་དང་། རུས་པ་ཞིགས་པ་དང་། རིམས་དྲག་པོ་དང་། རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། རིམས་ཉིན་རེ་དང་། འདུས་པའི་རིམས་དང་། རྟག་
D6.011.0109b07.01