完整藏文原文 · 德格版页 当前仅加载第 11 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
གཞིར་གྱུར་གྱིས། དེ་བས་ན་དགེ་སློང་མ་རྣམས་ཀྱིས་བུད་མེད་ཁྲུས་བྱས་ཟིན་པ་ལ་ཡང་ཁྲུས་ཀྱི་ཕྱེ་མ་མགོ་ལ་གཏོར་བར་མི་བྱའོ། །དགེ་སློང་མས་བུད་མེད་ཁྲུས་བྱས་པ་ལ་ཡང་ཁྲུས་ཀྱི་ཕྱེ་མ་མགོ་ལ་གཏོར་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །
D6.011.0186b01.01སྦོམ་དགའ་མོ་ཁྲུས་བྱ་བར་འདོད་དེ་དགེ་སློང་མ་དག་དང་ལྷན་ཅིག་ཨ་ཛི་ར་བ་ཏིར་སོང་ནས་དེ་དག་དེར་ཆུའི་བཟློག་ཕྱོགས་སུ་འདུག་སྟེ། རེག་པས་དགའ་བར་བྱེད་དོ། །དེ་དག་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་དག་ཅི་བྱེད། དེ་དག་གིས་སྨྲས་པ། ཆེ་ཞེ་རེག་
D6.011.0186b02.01པས་དགའ་བར་བྱེད་དོ། །དེ་དག་གིས་སྨྲས་པ། འཕགས་མ་དག་ཆུའི་བཟློག་ཕྱོགས་སུ་འདུག་སྟེ་རེག་པས་དགའ་བར་བྱར་རུང་ངམ། དེ་དག་གིས་སྨྲས་པ། ལེགས་པར་རུང་ངོ་། །ཤིན་ཏུ་རུང་ངོ་། །སུས་མ་གནང་གང་དུ་མ་གནང་ཞེས་པ་དེའི་སྐབས་དེ་དགེ་སློང་
D6.011.0186b03.01མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་རྣམས་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་མ་རྣམས་ཀྱིས་ཆུའི་བཟློག་ཕྱོགས་སུ་འདུག་
D6.011.0186b04.01སྟེ་རེག་པས་དགའ་བར་མི་བྱའོ། །དགེ་སློང་མས་ཆུའི་བཟློག་ཕྱོགས་སུ་འདུག་སྟེ་རེག་པས་དགའ་བར་བྱེད་ན་ལྟུང་བ་སྦོམ་པོར་འགྱུར་རོ། །གླེང་གཞི་ནི་མཉན་ཡོད་ནའོ། །དགེ་སློང་མ་རྣམས་ཀྱིས་ལྷུང་བཟེད་གར་བབ་བབ་ཏུ་བཞག་པ་དང་། དེ་སྲིལ་གྱིས་ཀྱང་ཟོས་བོང་
D6.011.0186b05.01བ་དང་། དབྱུག་པ་དག་ལྷུང་བས་ཀྱང་ཕོག་གོ་ཞེས་པ་དེའི་སྐབས་དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་རྣམས་འཕྱ་བའི་གཞིར་གྱུར་
D6.011.0186b06.01གྱིས། དེ་ལྟ་བས་ན་དགེ་སློང་མ་རྣམས་ཀྱིས་ལྷུང་བཟེད་གར་བབ་བབ་ཏུ་གཞག་པར་མི་བྱའོ། །འོན་ཀྱང་ལྷུང་བཟེད་ཞ་ཉེའི་དབྱར་འདབ་ཀྱིས་གླན་པར་བྱའོ། །བཅོམ་ལྡན་འདས་ཀྱིས་ལྷུང་བཟེད་ཞ་ཉེའི་དབྱར་འདབ་ཀྱིས་གླན་པར་བྱའོ་ཞེས་གསུངས་པ་དང་། དེ་དག་
D6.011.0186b07.01