完整藏文原文 · 德格版页 当前仅加载第 11 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ཁྱོད་ཤེས་རབ་མཆོག་གི་བསྟན་པ་ལ་བསྙེན་པར་རྫོགས་ནས་ཇི་ལྟར་ཁོམ་པ་ཕུན་སུམ་ཚོགས་པ་རྙེད་པར་དཀའ་བ་འདི་ལ་སྐྱོ་བར་མ་བྱེད་ཅིག་ཅེས་བསྒོ་བ་དེའི་བར་དུ་དེར་ཁྲག་ཟགས་ནས། དེ་ལ་ཚེ་དང་ལྡན་པ་ཤཱ་རིའི་བུས་སྲིང་མོ་ལོངས་ཏེ་སོང་ཤིག་ཅེས་
D6.011.0140a01.01སྨྲས་པ་དང་། དེ་ཁྲག་ཟགས་ཏེ་ངོ་ཚ་ནས་ཡིད་ལ་གནོད་བསམ་ལངས་པ་དང་ཚེ་དང་ལྡན་པ་ཤཱ་རིའི་བུས་དེ་ཤེས་ནས་སོང་ངོ་། །དེ་ལ་དགེ་སློང་མ་དག་གིས་ནུ་མོ་དཀྱིལ་འཁོར་ཉིད་དུ་ཁྱོད་ཀྱིས་སློབ་དཔོན་ལ་མ་དད་པར་བྱའམ་ལོངས་ཞེས་བསྒོ་ན་ཁྱོད་ཅི་ཕྱིར་མི་ལྡང་ཞེས་སྨྲས་པ་དང་།
D6.011.0140a02.01དེས་ཕུ་ནུ་མོ་དག་འདི་ནི་ཡོན་ཏན་ཆེན་པོ་དག་འདི་ལྟ་བུའི་ལས་མེད་ན་ཁྱོད་ཀྱང་འདི་སྐད་སྨྲའམ། བདག་ཙོག་པུར་འདུག་པས་ཁྲག་ཟགས་ན་ཇི་ལྟར་ལྡང་ཞེས་སྨྲས་པ་དང་། དེ་དག་ཅང་མི་ཟེར་བར་འདུག་གོ། །དེ་ལྟར་གྱུར་པ་དེ་དག་གིས་དགེ་སློང་དག་ལ་བྱས་ནས་དགེ་སློང་དག་
D6.011.0140a03.01གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མ་བསྙེན་པར་རྫོགས་པར་བྱེད་པ་ཙོག་པུར་མ་འདུག་པར་ཕ་གུའམ། རྩྭའམ། སྟན་ནང་ཚངས་ཅན་གྱི་སྟེང་དུ་བཞག་པར་བྱ་སྟེ་བུད་མེད་ལྟོ་སྙི་བའི་ཕྱིར་རོ། །མདོར་ན།
D6.011.0140a04.01དགེ་སློང་ལྷག་མ་མི་རུང་སྟེ། མི་གཙང་བ་ནི་རྐེད་ཆིངས་དང་། །ནུ་རྟེན་དང་ཡང་ནུ་མཆིངས་ཀྱི། །བར་ཆད་དེ་དག་བཅང་མི་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་གཽ་ཏ་མཱི་སྐྱེ་དགུའི་བདག་
D6.011.0140a05.01མོ་ཆེན་མོ་འཁོར་ལྔ་བརྒྱ་དང་ལྗོངས་རྒྱུ་ཞིང་དོང་བ་ལས་ཉི་མ་ནུབ་ཀར་ཛེ་ཏའི་ཚལ་དུ་ཕྱིན་ནས། དེས་མཉན་དུ་ཡོད་པར་འདོང་དུ་ནི་དུས་ལས་ཡོལ་ན་འདི་ཉིད་དུ་འདི་ཇི་ལྟ་བུ་པ་དེ་ལྟ་བུར་ནུབ་མོ་གནས་ཏེ་ནང་པར་ནམ་ནངས་ནས་འདོང་ངོ་སྙམ་བསམས་ཏེ། དེ་ས་ལ་ཉལ་བས་དེའི་ཆོས་གོས་
D6.011.0140a06.01རྣམས་རྡུལ་གྱིས་གོས་པར་གྱུར་ཏོ། །དེ་ནང་པར་ནམ་ནངས་ནས་ཕྱིར་ཡང་འོང་དགོས་ཀྱིས། ཅིག་ཆར་སྟོན་པ་ལ་ཕྱག་བྱས་ཏེ་འདོང་ངོ་སྙམ་བསམས་ནས། དེ་དག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་ཕྱག་བྱས་ཏེ་སྤྱན་སྔར་འཁོད་པ་
D6.011.0140a07.01