'dul ba phran tshegs kyi gzhi/
当前为德格木刻版 278b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 278b
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 11 函 · 德格 278b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རབ་དགའ་དྲེགས་པར་གྱུར་ཏེ། དེས་པི་བང་སྙན་པ་སྙན་པ་བླངས་ནས་ཡིད་རབ་ཏུ་དགའ་བར་གྱུར་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་སྒོ་སྲུང་གི་སྐྱེས་བུ་ལ་འདི་སྐད་ཅེས་བཀའ་སྩལ་ཏོ། །ཀྭའི་སྐྱེས་བུ་སོང་ལ་དྲི་ཟའི་རྒྱལ་པོ་རབ་དགའ་ལ་སྒོ་གར་དྲི་ཟ་ཞིག་ཤེས་ལྡན་བལྟ་བའི་ཕྱིར་འོངས་སོ་ཞེས་བྱོས་ཤིག །དེ་སོང་ནས་སྨྲས་པ་དང་། དེ་དྲེགས་པས་མྱོས་ནས་སྨྲས་པ། ཀྭའི་ཅི་ཟེར་ཅིང་ལས་གཞན་པའི་དྲི་ཟ་ཡང་ཡོད་དམ། དེས་སྨྲས་པ། གཞན་དག་ལྟ་རེ་ཞིག་སྨོས་ཀྱང་མི་འཚལ་གྱི་སྒོ་དྲུང་འདི་ཁོ་ན་ན་མཆིས་ལགས་སོ། །དྲི་ཟ་དེ་དྲེགས་པས་མྱོས་པའི་ཤུགས་ཀྱིས་མོད་ལ་སྒོར་བྱུང་སྟེ། དེས་སྨྲས་
པ། ཀྭའི་སྐྱེས་བུ་ཁྱོད་དྲི་ཟ་ཡིན་ནམ། བཅོམ་ལྡན་འདས་ཀྱིས་བཀའ་སྩལ་པ། ཀྭའི་ང་དྲི་ཟ་ཏེ་པོར་ཡིན་ནོ། །དེས་སྨྲས་པ། གལ་ཏེ་དེ་ལྟ་ན་གླུ་དབྱངས་བླང་གིས་ཚུར་ཤོག །བཅོམ་ལྡན་འདས་ཀྱིས་བཀའ་སྩལ་པ། ཀྭའི་ལེགས་ཀྱིས་དེ་བཞིན་བྱའོ་ཞེས་ཇི་ཙམ་བཅོམ་ལྡན་འདས་དང་དེ་ལྷན་ཅིག་འགྲན་ཏོ། །བཅོམ་ལྡན་འདས་ཀྱིས་རྒྱུད་གཅིག་བཅད་པ་དང་། དེས་ཀྱང་རྒྱུད་གཅིག་བཅད་དེ་པི་བང་གཉིས་ཀའི་རྒྱུད་དང་སྒྲ་མཉམ་མོ། །བཅོམ་ལྡན་འདས་ཀྱིས་རྒྱུད་གཉིས་བཅད་པ་དང་། དེ་བཞིན་དུ་སྒྲ་དང་གདངས་ཁྱད་པར་མེད་དོ། །དེ་བཞིན་དུ་གསུམ་པ་དང་། བཞི་པ་ནས། རྒྱུད་གཅིག་པའི་བར་དུ་བཞག་པ་དང་། རབ་{དགའས་,དགས་}
ཀྱང་གཉིས་པ་དང་། གསུམ་པ་དང་། བཞི་པ་ནས། རྒྱུད་གཅིག་པའི་བར་དུ་བཞག་ན་དེ་བཞིན་དུ་པི་བང་གཉིས་ཀ་སྐད་དང་གདངས་ཁྱད་པར་མེད་དོ། །དེ་ནས་བཅོམ་ལྡན་འདས་ཀྱིས་རྒྱུད་གཅིག་པ་ཡང་བཅད་དེ། ནམ་མཁའ་ཁོ་ན་ལ་ཡང་སྒྲ་དང་གདངས་དེ་བཞིན་དུ་གྱུར་པ་དང་། དྲི་ཟའི་རྒྱལ་པོ་རབ་དགའ་ངོ་མཚར་སྐྱེས་ནས་ང་རྒྱལ་གྱིས་དྲེགས་པ་མེད་པར་གྱུར་ནས་དེས་བསམས་པ། བདག་པས་འཕགས་པའི་དྲི་ཟ་གཞན་ཡང་ཡོད་པ་ལྟ་སྙམ་མོ། །དེ་ནས་བཅོམ་ལྡན་འདས་ཀྱིས་དྲི་ཟའི་ཆ་བྱད་མི་སྣང་བར་མཛད་དེ། བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུ་
དང་ལྡན་ཞིང་། སྐུ་ཉི་མ་སྟོང་གི་འོད་བས་ལྷག་པ་འོད་འདོམ་གང་གིས་བརྒྱན་པ། རིན་པོ་ཆེའི་རི་ལྟར་ཀུན་ནས་བཟང་བ། རང་གི་སྐུ་ཉིད་དུ་བཞུགས་པ་དང་། དྲི་ཟའི་རྒྱལ་པོ་རབ་{དགའས་,དགས་}མཐོང་སྟེ། དེ་དད་པ་སྐྱེས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། ཆོས་མཉན་པའི་ཕྱིར་སྤྱན་སྔ་ན་འདུག་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 278b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。