完整藏文原文 · 德格版页 当前仅加载第 11 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་བཱ་རཱ་ཎ་སཱིར་དྲང་སྲོང་སྨྲ་བ་{རི་དགས་,རི་དྭགས་}ཀྱི་ཚལ་ན་བཞུགས་སོ་ཞེས་ཚིག་གིས་རབ་ཏུ་བརྗོད་པ་དེའི་ཚེ་དེ་མ་ཐག་ཁོ་ནར་ནམ་མཁའི་དཀྱིལ་དང་། གཞལ་མེད་ཁང་ན་གནས་པའི་ལྷ་དག་དང་། འདོད་ཆགས་དང་མ་
D6.011.0311b01.01བྲལ་བའི་དགེ་སློང་ལ་སོགས་པ་རྣམ་པ་མང་པོ་སྟོང་དག་གིས་གནོད་པས་བཙིར་ཅིང་གནད་དུ་ཕབ་སྟེ་སྡུག་བསྔལ་ཚོར་བཞིན་དུ་ཨ་ལ་ལ་ཞེས་ཚིག་ཏུ་བརྗོད་ཅིང་སྨྲ་བ་ནི། ཀྱེ་མ་འཇིག་རྟེན་འདི་དག་ཏུ། །མི་རྟག་པར་ནི་ཁྱད་པར་མེད། །གང་གིས་རིན་ཆེན་གཏེར་དེ་ཡི། །ཡོན་ཏན་
D6.011.0311b02.01རྒྱ་མཚོ་དག་ཀྱང་བསྐམས། །གང་ལས་བདག་གིས་མངོན་ཐོས་པ། །ཆོས་ནི་ཐར་པའི་བདེ་བ་བྱེད། །འདི་སྐད་ཐོས་ཤེས་རབ་སྦྱར་ཏེ། །དེ་ཡང་དེ་རིང་བསྒྲགས་པ་ཡིན། །དེ་ནས་བཅོམ་ལྡན་འདས་ཀྱིས་དགེ་སློང་ལྔ་པོ་ལ་འདི་སྐད་ཅེས་བཀའ་སྩལ་ཏེ། དགེ་སློང་དག་
D6.011.0311b03.01སྔོན་མ་ཐོས་པའི་ཆོས་འདི་ནི་འཕགས་པའི་སྡུག་བསྔལ་བདེན་པའོ་ཞེས་ཆོས་ཀྱི་འཁོར་ལོ་རྒྱ་ཆེར་བསྐོར་ནས་མདོ་སྡེ་བཤད་དོ། །དེ་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་བདག་གིས་ཆོས་ཀྱི་
D6.011.0311b04.01རྣམ་གྲངས་འདི་མངོན་སུམ་དུ་ཐོས་ཏེ། བདག་གི་དོན་དུ་མདོ་སྡེ་འདི་བཤད་ཅིང་རྗེས་སུ་བསྟན་པས་བདག་གི་ཁྲག་དང་མཆི་མའི་རྒྱ་མཚོ་ནི་སྐམས། རུས་པའི་རི་ལས་ནི་རྒལ། ངན་སོང་གི་སྒོ་ནི་བཅད། མཐོ་རིས་དང་ཐར་པའི་སྒོ་ནི་ཕྱེ་སྟེ། མདོ་སྡེ་རིན་པོ་ཆེ་འདི་བཤད་པས་
D6.011.0311b05.01བདག་དང་ལྷ་སྟོང་ཕྲག་བརྒྱད་བཅུས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་རིང་འདིར་འདི་སྐད་ཐོས་ནས་བཤད་དེ། ཀྱེ་མ་ཐམས་ཅད་མི་རྟག་པས་ཁྱད་པར་མེད་དོ་ཞེས་སྨྲས་ནས་སྟན་ལས་བབས་ཏེ་ས་ལ་འདུག་ནས་ཚེ་དང་ལྡན་པ་ཀུན་དགའ་བོ་དེ་
D6.011.0311b06.01བལྟ་བའི་ཕྱིར་དགྲ་བཅོམ་པ་དེ་དག་ཐམས་ཅད་སྡུག་པའི་བག་ཆགས་ཀྱིས་བསྒོས་པའི་ཡིད་ཀྱིས་རང་རང་གི་སྟན་ལས་བབས་ནས་ས་ལ་འདུག་སྟེ་འདི་སྐད་ཅེས་སྨྲས་སོ། །ཀྱེ་མ་ཇི་ལྟར་བདག་ཅག་གིས་ཆོས་འཆད་པ་མངོན་སུམ་དུ་མཐོང་བ་ལས། མི་རྟག་པའི་སྟོབས་ཀྱིས་
D6.011.0311b07.01