完整藏文原文 · 德格版页 当前仅加载第 11 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །ཤེལ་ལས་བྱས་པའི་ཁྲི་ལས་བབས་ཏེ་བཻ་ཌཱུརྱ་ལས་བྱས་པའི་ཁང་པ་རྩེག་མ་ནས་བྱུང་ནས་ཤེལ་ལས་བྱས་པའི་ཁང་པ་རྩེག་མར་ཞུགས་ཏེ་བཻ་ཌཱུརྱ་ལས་བྱས་པའི་
D6.011.0274a01.01ཁྲི་ལ་འདུག་གོ། །ཁྲི་ལ་འདུག་ནས་བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །
D6.011.0274a02.01དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་དང་། དེ་བཞིན་དུ་བཞི་པ་དང་། སྟེང་དང་། འོག་དང་། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་
D6.011.0274a03.01པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་ནས་རྒྱལ་པོ་ལེགས་མཐོང་ཆེན་པོ་ཚངས་པའི་གནས་བཞི་ལ་གནས་ཤིང་བསྒོམས་ཏེ། དེ་ལན་མང་དུ་བྱས་པས་འདོད་པ་རྣམས་དང་།
D6.011.0274a04.01འདོད་པ་ལ་འདུན་པ་སྤངས་ཏེ་ཚངས་པའི་འཇིག་རྟེན་དུ་སྐལ་བ་མཉམ་པར་སྐྱེས་པར་གྱུར་ཏོ། །ཀུན་དགའ་བོ་རྒྱལ་པོ་ལེགས་མཐོང་ཆེན་པོ་འཆི་བའི་ཚེ་འདི་འདྲ་བའི་ཚོར་བ་ཉམས་སུ་མྱོང་སྟེ། དཔེར་ན་སྐྱེས་བུ་སྟོབས་དང་ལྡན་པ་ཁ་ཟས་བཟང་པོ་ཟོས་ནས་དེའི་མོད་ལ་ཁ་ཟས་ཀྱིས་དུབ་པར་
D6.011.0274a05.01གྱུར་པ་བཞིན་ནོ། །ཀུན་དགའ་བོ་གྲོང་ཁྱེར་རྩྭ་ཅན་ནས་ཆུ་བོ་དབྱིག་ལྡན་གྱི་བར་དང་། ཤིང་སཱ་ལ་ཟུང་གི་ཚལ་གྱི་བར་དང་། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཁོ་ར་ཁོར་ཡུག་འདི་དག་ཏུ་དེ་བཞིན་གཤེགས་པའི་སྐུ་ལུས་འཁོར་ལོས་སྒྱུར་བའི་
D6.011.0274a06.01རྒྱལ་པོ་མཛད་པའི་ཚེ་ལན་དྲུག་བཏང་བར་གྱུར་ཅིང་། ཀུན་དགའ་བོ་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་བར་དང་ལན་བདུན་ཏེ། ཀུན་དགའ་བོས་ཕྱོགས་དེ་ལས་གང་ཤར་ཕྱོགས་སམ། གང་ལྷོ་ཕྱོགས་སམ། གང་ནུབ་ཕྱོགས་སམ།
D6.011.0274a07.01