完整藏文原文 · 德格版页 当前仅加载第 11 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟ་བ་བཞིན་སེམས་རྣམ་པར་གྲོལ་བར་འགྱུར་རོ། །དགེ་སློང་དག་འཕགས་པའི་ཉན་ཐོས་རྣམས་འདི་ལྟར་སེམས་ཡང་དག་པར་རྣམ་པར་གྲོལ་ཏེ། བདག་ནི་སྐྱེ་བ་ཟད་དོ། །ཚངས་པར་སྤྱོད་པ་ལ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་
D6.011.0239b01.01ཤེས་སོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་སྒྲ་ཅན་ག་ལ་བར་འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་
D6.011.0239b02.01བཅོམ་ལྡན་འདས་ཀྱི་ལྟར་མཉན་ཏེ། བཅོམ་ལྡན་འདས་དང་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་པ་ན་སྒྲ་ཅན་དུ་བྱོན་ཏེ། སྒྲ་ཅན་གྱི་ཀུན་ཛི་ཀའི་གནས་ན་བཞུགས་སོ། །དེ་ནས་དེའི་ཚེ་སྒྲ་ཅན་གྱི་སྐྱེ་བོ་ཕལ་པོ་ཆེ་ལ་མི་ངས་བྱུང་བར་གྱུར་ཏེ། འདི་ལྟར་དགེ་
D6.011.0239b03.01བསྙེན་ཨུད་ཀ་ཏ་ཡང་དུས་ལས་འདས་པར་གྱུར། དགེ་བསྙེན་ཉེ་བ་དང་། རབ་བརྩོན་དང་། ཀ་ཏྱའི་ཁྱུ་མཆོག་དང་། མཛེས་པ་དང་། ཉེ་མཛེས་དང་། འཆི་ལྟས་དང་། ཉེ་བའི་འཆི་ལྟས་དང་། བཟང་པོ་དང་། ཤིན་ཏུ་བཟང་པོ་དང་། གྲགས་པ་དང་།
D6.011.0239b04.01གྲགས་བྱིན་དང་། གྲགས་མཆོག་ཀྱང་དུས་ལས་འདས་པར་གྱུར་ཏོ། །དེ་ནས་དགེ་སློང་རབ་ཏུ་མང་པོ་དག་སྔ་དྲོའི་དུས་ཀྱི་ཚེ་ཤམ་ཐབས་བགོས་ཆོས་གོས་དང་ལྷུང་བཟེད་བླངས་ནས་སྒྲ་ཅན་དུ་བསོད་སྙོམས་ཀྱི་ཕྱིར་ཞུགས་སོ། །དགེ་སློང་རབ་ཏུ་མང་པོ་སྒྲ་ཅན་དུ་
D6.011.0239b05.01བསོད་སྙོམས་ལ་རྒྱུ་བ་དང་། སྒྲ་ཅན་འདིར་སྐྱེ་བོ་ཕལ་པོ་ཆེ་ཤི་བར་གྱུར་ཏེ། འདི་ལྟར་དགེ་བསྙེན་ཨུད་ཀ་ཏ་ཡང་དུས་ལས་འདས། དགེ་བསྙེན་ཉེ་བ་དང་། རབ་བརྩོན་དང་། ཀ་ཏྱའི་ཁྱུ་མཆོག་དང་། མཛེས་པ་དང་། ཉེ་མཛེས་དང་། འཆི་ལྟས་དང་། ཉེ་
D6.011.0239b06.01བའི་འཆི་ལྟས་དང་། བཟང་པོ་དང་། ཤིན་ཏུ་བཟང་པོ་དང་། གྲགས་པ་དང་། གྲགས་བྱིན་དང་། གྲགས་མཆོག་དག་ཀྱང་དུས་ལས་འདས་སོ་ཞེས་ཐོས་སོ། །ཐོས་ནས་ཀྱང་སྒྲ་ཅན་དུ་བསོད་སྙོམས་བརྒྱུས་ཏེ་ཟས་ཀྱི་བྱ་བ་བྱས་ནས་ཟས་ཕྱི་མའི་བསོད་
D6.011.0239b07.01