完整藏文原文 · 德格版页 当前仅加载第 11 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་གཟའ་མ་ཡིན་པ་དང་། ཟླ་བའི་ལམ་གཟའ་མ་ཡིན་པ་དང་། སྐར་མདའ་ལྟུང་བ་དང་། ཕྱོགས་སུ་ཤར་བ་དང་། ཕྱོགས་སུ་ཚིག་པ་དང་། བར་སྣང་ལ་ལྷ་རྣམས་རྔ་རྡུང་བ་དང་། ཉི་མ་དང་ཟླ་བ་གཉིས་དེ་ལྟ་བུར་འཕྲུལ་ཆེ་བ་མཐུ་ཆེ་བ་དེ་ལྟར་ལམ་དུ་ཤར། ལམ་མ་ཡིན་པར་
D6.011.0210a01.01ཤར། འདི་ལྟར་ལམ་དུ་ནུབ། འདི་ལྟར་ལམ་མ་ཡིན་པར་ནུབ། ལམ་འདི་ལྟ་བུར་གྱུར་ན་ཉོན་མོངས་པ་དང་། རྣམ་པར་བྱང་བར་སྦྱོར་རོ། །དགེ་སྦྱོང་ནི་ཡོན་པོའི་རིག་པས་ལོག་པར་འཚོ་བས་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །འདི་ལྟར་ཡང་མ་སྡུག་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་
D6.011.0210a02.01པ་ཡོངས་སུ་སྤྱད་དེ། ཡོན་པོའི་རིག་པས་ལོག་པར་འཚོ་བས་འཚོ་བར་བྱེད་པ་འདི་ལྟ་སྟེ། ཉི་མ་དང་ཟླ་བ་གཉིས་ལམ་གོལ་བ་འདི་ལྟ་བུར་སོང་ན་རྣམ་པར་སྨིན་པ་འདི་ལྟ་བུར་འགྱུར་རོ། །རྣམ་པ་འདི་ལྟ་བུའི་རྣམ་པར་སྨིན་པ་ནི་ཉི་མའི་གཟའ་དང་། ཟླ་བའི་གཟའ་ལས་འདི་ལྟ་བུར་ཞུགས་ཤིང་སྐར་
D6.011.0210a03.01མདའ་ལྟུང་བ་དང་། ཕྱོགས་སུ་ཤར་བ་དང་། ཕྱོགས་སུ་ཚིག་པ་དང་། བར་སྣང་ལ་ལྷ་རྣམས་རྔ་རྡུང་བ་ན་རྣམ་པ་འདི་ལྟ་བུར་སྨིན། ཉི་མ་དང་ཟླ་བ་འདི་ལྟ་བུར་འཕྲུལ་ཆེ་བ་མཐུ་ཆེ་བ། ལམ་འདི་ལྟ་བུར་ནི་ཤར། ལམ་འདི་ལྟ་བུར་ནི་ནུབ། ལམ་འདི་ལྟ་བུར་གྱུར་ན་ཉོན་མོངས་པ་དང་། རྣམ་པར་བྱང་བ་བདེ་
D6.011.0210a04.01བ་རྣམ་པར་སྨིན་པ་འདི་ལྟ་བུར་འགྱུར་རོ་ཞེས་སྟོན་གྱི། དགེ་སྦྱོང་ནི་ཡོན་པོའི་རིག་པས་ལོག་པར་འཚོ་བ་དེ་ལྟ་བུ་ལས་སླར་ལོག་པ་ཡིན་ཏེ། དེ་ནི་འཕགས་པའི་ཚུལ་ཁྲིམས་ཀྱི་ཕུང་པོ་དེ་ལྟ་བུ་དང་ལྡན་པས་ན་ནང་གི་ཁ་ན་མ་ཐོ་བ་མེད་པས་བདེ་བ་སོ་སོར་མྱོང་ངོ་། །དེས་དབང་པོ་ཡུལ་ལས་བཟློག་སྟེ།
D6.011.0210a05.01གནས་པས་ན་དྲན་པ་ཀུན་བསྲུངས་པའོ། །དྲན་པ་གསལ་བ། དྲན་པ་བསྲུངས་པའི་ཡིད་ཀྱིས་སྙོམས་པའི་གནས་སུ་སྤྱོད་དོ། །དེ་མིག་གིས་གཟུགས་མཐོང་ཡང་མཚན་མར་མི་འཛིན་པ་དང་། འབྲུར་མི་འཛིན་པར་འགྱུར་བ་ནི་གང་གི་ཕྱིར་མིག་གི་དབང་པོའི་སྡོམ་པས་མ་བསྡམས་པས་གནས་
D6.011.0210a06.01པ་ན་ཆགས་པ་དང་། ཡིད་བློང་བ་དང་། འཇིག་རྟེན་གྱི་སྡིག་པ་མི་དགེ་བའི་ཆོས་ཀྱི་སེམས་རྗེས་སུ་འཇུག་པ་དེ་དག་ལ་སྡོམ་པའི་ཕྱིར་ནན་ཏན་བྱེད་དེ། མིག་གི་དབང་པོ་བསྲུངས་པས་མིག་གི་དབང་པོ་སྡོམ་པར་བྱེད་དོ། །དེ་བཞིན་དུ་རྣ་བས་ནི་སྒྲ་ལ། སྣས་ནི་དྲི་ལ། ལྕེས་ནི་རོ་ལ། ལུས་ཀྱིས་
D6.011.0210a07.01