完整藏文原文 · 德格版页 当前仅加载第 11 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྐྱེས་པ་གཞན་ཞིག་ལ་ཆགས་པར་ངེས་པས་ན་འདི་ལྟར་མཚན་མོ་ཁ་ཟས་འདི་ལྟ་བུ་སྦྱར་རོ་སྙམ་དུ་བསམས་སོ། །དེ་ཡང་དྲང་བའི་རང་བཞིན་ཅན་ཞིག་སྟེ། དེ་ལ་ཀྱེ་བཟང་མོ་ཚེས་གྲངས་ཅན་ནི་མ་ཡིན་དུས་ཀྱི་སྟོན་མོའམ། གྲོང་ཁྱེར་གྱི་དུས་ཀྱི་སྟོན་མོ་ལ་ནི་མ་
D6.011.0066a01.01བབ་ན་བཟའ་འདི་ལྟ་བུ་ག་ལས་འོངས་ཞེས་དྲིས་པ་དང་། བདག་ལ་ལྷས་ཁྱོད་ཀྱི་ཁྱོ་དེང་འོང་ངོ་ཞེས་བསྟན་པས་ན། ཁྱོད་ཀྱི་ཕྱིར་འདི་ལྟར་སྟ་གོན་བགྱིས་སོ་ཞེས་སྨྲས་སོ། །བྲམ་ཟེས་ཨེ་མ་ཧོ་ང་ནི་བསོད་ནམས་ཅན་དུ་བས་ཏེ། བདག་གི་ཆུང་མའི་རྨི་ལམ་དུ་ཡང་ལྷས་བསྟན་པ་ལྟ་ཞེས་
D6.011.0066a02.01སྨྲས་ཏེ། དེས་ཟན་ཟོས་ནས་ཁྲུས་བྱས་ཏེ་མལ་དུ་ཉལ་ནས་གཅིག་ལ་གཅིག་མཛའ་བས་དགེའམ། ཉོན་མ་མོངས་སམ་ཞེས་གཏམ་འདྲིའོ། །དེ་ནས་ཆུང་མས་ཇོ་བོས་ཅུང་ཟད་མཆིས་སམ་ཞེས་དྲིས་པ་དང་། དེས་སྨྲས་པ། ཅུང་ཟད་ཅིག་འོངས་སོ། །དེ་ནས་ཆུང་མས་བརྡ་ཚིག་
D6.011.0066a03.01ཏུ་སྨྲས་པ། འདི་ནི་ཅི་ཟེར་བ་རྣས་ཉོན། རྣ་བོ་ཆེ་དེས་སྨྲས་པ། གསེར་གྱི་དོང་ཙེ་ལྔ་བརྒྱ་པོ་བདག་ལ་མ་བསྟན་ན་གར་བཞག །དེས་སྨྲས་པ། ནོགས་ཐུབ་པར་གྱིས་དང་ཡོད་དོ། །དེ་གང་དུ་བཞག །དེས་སྨྲས་པ། སང་བསྟན་ཏོ། །དེ་ནས་བུད་མེད་དེས་སྨྲས་པ། བདག་ཁྱོད་
D6.011.0066a04.01ཀྱི་ལུས་ཕྱེད་ན་ཅིའི་ཕྱིར་གསང་། བྲམ་ཟེ་རང་བཞིན་གྱིས་དྲང་བས་ན་གྲོང་ཁྱེར་གྱི་ཕྱི་རོལ་དུ་བཞག་གོ་ཞེས་སྨྲས་པ་དང་། བུད་མེད་དེས་སྨྲས་པ། ཉོན་ཅིག་རྣ་བོ་ཆེ་ས་ཕྱོགས་གང་དུ་བཞག་ཅེས་སྨྲས་པ་དང་། བྲམ་ཟེ་དེས་དུར་ཁྲོད་ཀྱི་ཤིང་ནྱ་གྲོ་དྷཱའི་དྲུང་དུ་ས་བརྐོས་ཏེ་བཞག་གོ་ཞེས་སྨྲས་
D6.011.0066a05.01པ་དང་། དེ་ནས་བྲམ་ཟེ་མོ་དེས་ཇོ་བོ་ལམ་ནས་བརྡབ་བརྡབ་སྟེ་མཉེལ་བ་བདག་གིས་ཀྱང་གཙེས་ཏེ། ད་ཁྱོད་མནོལ་ཅིག་ཅེས་སྨྲས་སོ། །དེ་ནས་དེ་གཉིད་ཀྱིས་ལོག་པར་རིག་ནས་རྣ་བོ་ཆེ་ལ་གང་ཁྱོད་ཀྱིས་ཐོས་པ་དེ་མྱུར་དུ་སྒྲུབས་ཞེས་བྱས་པ་དང་། དེ་ནས་རྣ་བོ་ཆེ་དལ་བུས་འཇབ་
D6.011.0066a06.01ཅིང་ཁྱིམ་དེ་ནས་བྱུང་སྟེ་དུར་ཁྲོད་དུ་སོང་ངོ་། །དེས་ཇི་ལྟར་བསྟན་པ་བཞིན་དུ་དུར་ཁྲོད་ཀྱི་ཤིང་ནྱ་གྲོ་དྷཱའི་དྲུང་ནས་དེ་བླངས་ཏེ་རྣ་བོ་ཆེ་བདག་གི་ཁྱིམ་དུ་སོང་ངོ་། །བྲམ་ཟེ་དེ་དེའི་ཕྱི་དེ་ཉིན་བལྟས་ཏེ་དུར་ཁྲོད་དུ་སོང་ནས་བལྟས་ན་དེའི་ཕྱོགས་ནས་མ་རྙེད་དོ། །དེ་ནས་མགོ་དང་བྲང་རྡུང་ཞིང་ཁྱིམ་དུ་འོངས་
D6.011.0066a07.01