完整藏文原文 · 德格版页 当前仅加载第 11 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་གདན་ལ་བཞུགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །འདི་ནི་ཡུལ་བཱ་རཱ་ཎ་སཱིའི་གྲོང་ཁྱེར་ལགས་ཏེ། ཕྱོགས་འདིར་ནི་བཅོམ་ལྡན་འདས་ཀྱིས་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །
D6.011.0291a01.01འདི་ནི་མཉན་ཡོད་ཀྱི་གྲོང་ཁྱེར་ལགས་ཏེ། ཕྱོགས་འདིར་ནི་བཅོམ་ལྡན་འདས་ཀྱིས་ཆོ་འཕྲུལ་ཆེན་པོ་བསྟན་ཏོ། །འདི་ནི་གྲོང་ཁྱེར་སྒྲ་ཅན་ལགས་ཏེ། འདིར་ནི་བཅོམ་ལྡན་འདས་སུམ་བཅུ་རྩ་གསུམ་ལྷ་རྣམས་ཀྱི་གནས་ནས་བབས་སོ། །འདི་ནི་གྲོང་ཁྱེར་རྩྭ་ཅན་ལགས་ཏེ། ཕྱོགས་འདིར་ནི་ཕྱོགས་
D6.011.0291a02.01གང་དང་གང་ན་འདུལ་བ་དེ་དང་དེ་དག་བཏུལ་ནས་སངས་རྒྱས་ཀྱི་མཛད་པ་མཐར་ཕྱིན་ཏེ། ཐ་མའི་གཟིམས་མལ་དུ་གཤེགས་སོ་ཞེས་གྱིས་དང་། ཐོས་ནས་ཐོས་མ་ཐག་ཏུ་ལྷ་བརྒྱལ་ཏེ་ས་ལ་ལྷུང་བར་འགྱུར་གྱིས། དེ་ལ་ཁྱོད་ཀྱིས་གཞོང་{རིངས་,རིང་}མར་སར་གྱིས་བཀང་བའི་ནང་དུ་གཞུག་པར་བྱའོ། །གང་
D6.011.0291a03.01གི་ཚེ་མར་སར་དེ་ཞུ་བར་གྱུར་པ་དང་། དེ་གཉིས་པ་ནས། བདུན་པའི་བར་དུ་གཞུག་པར་བྱའོ། །དེ་ནས་ཕྱུང་ནས་ཙན་དན་གོ་ཤིར་ཥས་བཀང་བའི་གཞོང་{རིངས་སུ་,རིང་དུ་}ཆུག་ཤིག་དང་། དེ་སོས་པར་འགྱུར་རོ་ཞེས་སྨྲས་ནས། ཚེ་དང་ལྡན་པ་འོད་སྲུང་ཆེན་པོ་གྲོང་ཁྱེར་རྩྭ་ཅན་དུ་སོང་ངོ་། །དབྱར་བྱེད་ཀྱང་མྱུར་བ་མྱུར་བར་
D6.011.0291a04.01རི་མོའི་ལས་ཐམས་ཅད་རྒྱ་ཆེར་བྲིས་ཏེ། བྲིས་ནས་རྒྱལ་པོ་ཕྱི་རོལ་དུ་བྱུང་བ་དང་། ལྷ་སྐྱེད་མོས་ཚལ་དུ་གཤེགས་ཞེས་སྨྲས་ཏེ། དེ་སྐྱེད་མོས་ཚལ་དུ་ཞུགས་པ་དང་། རི་མོ་དག་མཐོང་ནས་དབྱར་བྱེད་འདི་ཅི་ཡིན་ཞེས་དྲིས་ཏེ། དེས་འདི་ནི་གྲོང་ཁྱེར་རྩྭ་ཅན་ལགས་ཏེ། ཕྱོགས་འདིར་ནི་བཅོམ་ལྡན་འདས་ཀྱིས་ཐ་
D6.011.0291a05.01མའི་གཟིམས་མལ་དུ་གཤེགས་སོ་ཞེས་བྱ་བའི་བར་སྔ་མ་བཞིན་དུ་རྒྱས་པར་བཤད་དོ། །དེས་སྨྲས་པ། དབྱར་བྱེད་ཅི་ཟེར་ཅི་བཅོམ་ལྡན་འདས་ཡོངས་སུ་མྱ་ངན་ལས་འདས་སམ་ཞེས་སྨྲས་པ་དང་། དེ་ཅང་མི་སྨྲ་བར་འདུག་གོ། །དེ་ནས་རྒྱལ་པོ་མ་སྐྱེས་དགྲ་བརྒྱལ་ཏེ་ས་ལ་ལྷུང་བ་དང་། དབྱར་བྱེད་ཀྱིས་
D6.011.0291a06.01གཞོང་{རིངས་,རིང་}མར་སར་གྱིས་བཀང་བའི་ནང་དུ་ལན་བདུན་གྱི་བར་དུ་བཅུག་ནས། དེ་ནས་ཕྱུང་སྟེ། ཙན་དན་གོ་ཤིར་ཥས་བཀང་བའི་གཞོང་{རིངས་ཀྱི་,རིང་གི་}ནང་དུ་བཅུག་པ་དང་དེ་སོས་པར་གྱུར་ཏོ། །སངས་རྒྱས་བཅོམ་ལྡན་འདས་མྱ་ངན་ལས་འདས་མ་ཐག་ཏུ་ཤིང་སཱ་ལ་ཟུང་གཉིས་ཀྱི་ཚལ་སཱ་ལའི་ལྗོན་ཤིང་མཆོག་
D6.011.0291a07.01