完整藏文原文 · 德格版页 当前仅加载第 11 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་མ་སྦོམ་དགའ་མོ་སྔ་དྲོའི་དུས་ན་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ལ་ཞུགས་སོ། །དེ་བསོད་སྙོམས་ལ་འཇུག་པའི་ཚེ་སྨད་འཚོང་མ་གཅིག་གོས་དང་ཤམ་ཐབས་རབ་ཏུ་བཟང་བ་ཞིག་གྱོན། རྒྱན་
D6.011.0157a01.01རབ་ཏུ་བཟང་བས་བརྒྱན་པ་ཞིག་མཐོང་ནས་དེས་མཐོང་བ་དང་། ཕུ་ནུ་མོ་འདི་ལྟ་བུ་གོས་དང་རྒྱན་དག་ག་ལས་འབྱོར་ཅེས་དྲིས་པ་དང་། དེས་འཕགས་མ་བདག་གིས་སྨད་འཚོང་བྱས་པས་ན་དེ་ལ་འདི་ལྟ་བུ་དག་རྙེད་དོ་ཞེས་སྨྲས་པ་དང་། སྦོམ་དགའ་མོས་ཐབས་དེ་ནི་ལེགས་
D6.011.0157a02.01པ་ཞིག་ན་འགྲུབ་བམ་མི་འགྲུབ་པ་བལྟའོ་སྙམ་བསམས་ནས། དེ་ལ་དམིགས་ཤིང་དྲན་བཞིན་དུ་སོང་ངོ་། །ཇི་ཙམ་ན་གནས་གཞན་ཞིག་ན་བུ་མོ་ཞིག་གོས་དྲི་མ་ཅན་ཟས་ཀྱིས་ཀྱང་མི་འབྱོར་བར་གྱུར། འགྲོས་ཀྱང་དལ་བུས་འགྲོ་བ་ཞིག་ལ་བཞིན་བྱད་བཟང་མོ་
D6.011.0157a03.01ཞིག་མཐོང་ནས་བུ་མོ་ཁྱོད་སུའི་ཞེས་དྲིས་པ་དང་། དེས་འཕགས་མ་གང་སུས་བདག་ལ་ཟས་དང་གོས་བྱིན་པ་དེའི་ལས་ཀྱང་བདག་གིས་བགྱིའོ་ཞེས་སྨྲས་སོ། །དེས་བུ་མོ་དེ་ལྟར་ན་སྨད་འཚོང་མ་ཅིའི་ཕྱིར་མི་བྱེད་ཅེས་བྱས་པ་དང་། དེ་རྣ་བ་བཀག་ནས་འཕགས་མ་
D6.011.0157a04.01དེ་སྐད་མ་གསུང་ཤིག །མི་མཛེས་པ་དེ་ལྟ་བུ་དག་ནི་བདག་གི་རིགས་ལ་སྔོན་ཆད་སུས་ཀྱང་མ་བགྱིས་སོ་ཞེས་སྨྲས་པ་དང་། སྦོམ་དགའ་མོས་བུ་མོ་བུད་མེད་ཀྱི་སྤྱོད་པ་ནི་དེ་ལྟ་བུ་ཡིན་ན་རྒྱལ་པོ་འདི་ཞེས་བྱ་བའི་བུ་མོ་ཡང་དེ་བཞིན་དུ་སྨད་འཚོང་བས་ན་དེ་ལྟ་བུར་གྱུར།
D6.011.0157a05.01བྲམ་ཟེ་འདི་ཞེས་བྱ་བའི་བུ་མོ་ཡང་དེ་བཞིན་དུའོ། །རིགས་མཆོག་ལས་ཀྱང་དེ་ལྟ་བུ་མང་དུ་བྱུང་ན་བུད་མེད་ནི་སྐྱེས་པ་ལ་སེམས་པ་ཡིན་མོད་ཀྱི། བདག་རབ་ཏུ་མ་བྱུང་ན་དེ་ལྟ་བུ་བྱ་བ་ཞིག་ན་རབ་ཏུ་བྱུང་བས་མི་བདེའོ་ཞེས་སྨྲས་ཏེ། དེས་དེ་བསླུས་ནས་སྨྲས་པ། འཕགས་
D6.011.0157a06.01མ་སྨད་འཚོང་མ་འདི་འདྲ་བ་སྤྱོད་དམ། འཕགས་མ་སྨད་འཚོང་མ་འདི་ལྟ་བུ་སྤྱད་ན་དེ་ལ་ཡང་ཡོ་བྱད་མང་པོར་དགོས་ཏེ། སྐྱེས་པ་མང་པོ་འདུ་བའི་ཁང་པ་རྒྱ་ཆེན་པོ་དང་། གོས་དང་། རྒྱན་དང་། བྱུག་པ་དང་། བཟའ་བ་དང་། བཏུང་བ་དག་ཀྱང་མང་དུ་དགོས་སོ། །སྦོམ་
D6.011.0157a07.01