完整藏文原文 · 德格版页 当前仅加载第 11 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་གཉི་གའི་ནང་དུ་བར་ཆད་ཀྱི་ཆོས་རྣམས་འདྲི་སྟེ། འདི་ནི་གསོལ་བའོ། །མིང་འདི་ཞེས་བྱ་བ་ཁྱོད་ཉོན་ཅིག །འདི་ནི་ཁྱོད་ཀྱི་བདེན་པའི་དུས། འདི་ནི་ཡང་དག་པའི་དུས་ཏེ། ངས་ཁྱོད་ལ་ཅུང་ཟད་ཅིག་དྲིས་པ་དེ་ཐམས་ཅད་ཁྱོད་ཀྱིས་མ་འཛེམ་པར་བྱུང་བ་ལ་ནི་བྱུང་ཞེས་བྱ། མ་
D6.011.0111b01.01བྱུང་བ་ལ་ནི་མ་བྱུང་ཞེས་མ་ནོར་བར་སྨྲོས་ཤིག །ཁྱོད་བུད་མེད་དམ། བུད་མེད་དོ། །ཁྱིམ་ན་གནས་པ་ལོ་བཅུ་གཉིས་དང་། གཞོན་ནུ་མ་ལོ་ཉི་ཤུ་ཚང་ངམ། ཚང་ངོ་། །ཁྱོད་ཀྱི་ཆོས་གོས་ལྔ་དང་། ལྷུང་བཟེད་དུ་ལྡན་ནམ། ལྡན་ནོ། །ཁྱོད་ཀྱི་ཕ་དང་། མ་དང་། ཁྱིམ་ཐབ་གསོན་
D6.011.0111b02.01ནམ། །གསོན་ནོ། །ཕ་དང་མ་དང་ཁྱིམ་ཐབ་ཀྱིས་གནང་ངམ། གནང་ངོ་། །བྲན་མོ་མ་ཡིན་ནམ། ཕྲོགས་པ་མ་ཡིན་ནམ། རྙེད་པ་མ་ཡིན་ནམ། བཙོངས་པ་མ་ཡིན་ནམ། ཆགས་པ་མེད་དམ། སྤྲུལ་པ་མ་ཡིན་ནམ། རྒྱལ་པོའི་གཙེས་པ་མ་ཡིན་ནམ། རྒྱལ་པོ་དང་འཁོན་པ་མ་ཡིན་
D6.011.0111b03.01ནམ། །རྒྱལ་པོ་ལ་གནོད་པའི་ལས་བྱེད་པ་མ་ཡིན་ནམ། ཁྱོད་ཀྱིས་རྒྱལ་པོ་ལ་གནོད་པ་བྱས་པའམ། གནོད་པ་བྱེད་དུ་བཅུག་པ་མ་ཡིན་ནམ། མི་སྲུན་པ་མ་ཡིན་ནམ། མྱ་ངན་གྱིས་གདུངས་པ་མ་ཡིན་ནམ། སྦྲུམ་མ་མ་ཡིན་ནམ། མཚན་མེད་པ་མ་ཡིན་ནམ། མཚན་གཉིས་པ་མ་
D6.011.0111b04.01ཡིན་ནམ། གླེ་འདམས་པ་མ་ཡིན་ནམ། རྟག་ཏུ་ཁྲག་འཛག་པ་མ་ཡིན་ནམ། ཁྲག་མེད་པ་མ་ཡིན་ནམ། མཚན་མ་ཙམ་ཡོད་པ་མ་ཡིན་ནམ། དགེ་སློང་བསླུས་པ་མ་ཡིན་ནམ། ཕ་བསད་པ་མ་ཡིན་ནམ། མ་བསད་པ་མ་ཡིན་ནམ། དགྲ་བཅོམ་པ་བསད་པ་མ་ཡིན་ནམ། དེ་
D6.011.0111b05.01བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ། མུ་སྟེགས་ཅན་མ་ཡིན་ནམ། མུ་སྟེགས་ཅན་དུ་འགྲོ་བ་མ་ཡིན་ནམ། རྐུན་པོའི་རྒྱལ་མཚན་ཅན་མ་ཡིན་ནམ། རྐུན་གནས་པ་མ་ཡིན་ནམ། སོ་སོར་གནས་པ་མ་ཡིན་ནམ། མི་གནས་པ་མ་ཡིན་ནམ།
D6.011.0111b06.01ཅི་ཁྱོད་སྔོན་རབ་ཏུ་བྱུང་ངམ། དེ་སྟེ་རབ་ཏུ་བྱུང་ངོ་ཞེས་སྨྲ་ན། འོ་ན་སོང་ཤིག་ཅེས་སྨྲོས་ཤིག །དེ་སྟེ་རབ་ཏུ་མ་བྱུང་ངོ་ཞེས་ཟེར་ན། ཅི་ཁྱོད་ད་ལྟར་རབ་ཏུ་བྱུང་ངམ། བྱུང་ངོ་། །ཅི་ཁྱོད་ཀྱིས་ཚངས་པར་སྤྱད་པ་ཡང་དག་པར་སྤྱད་དམ། ཅི་ཁྱོད་ཀྱིས་དགེ་སློང་མའི་དགེ་འདུན་
D6.011.0111b07.01