完整藏文原文 · 德格版页 当前仅加载第 11 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདའ་བར་འགྱུར་ལ། བདག་ནི་ཆོས་རྣམས་ལ་ཐེ་ཚོམ་དུ་གྱུར་ཏེ། བདག་གི་ཐེ་ཚོམ་ཡོད་པ་དེ་འདི་ལྟར་བཅོམ་ལྡན་འདས་གཽ་ཏ་མས་བདག་གི་ཐེ་ཚོམ་སེལ་སྤྱོད་པར་འགྱུར་རོ་སྙམ་དུ་བདག་སེམས་ཤིང་མཆིས་ཏེ། གལ་ཏེ་
D6.011.0280b01.01ཚེ་དང་ལྡན་པ་ཀུན་དགའ་བོས་ནང་དུ་མཆི་བར་གནང་ན། གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན་ཕྱོགས་འགའ་ཞིག་ཞུ་བར་བགྱིའོ་ཞེས་ལན་གཉིས་ལན་གསུམ་གྱི་བར་དུ་ཀུན་དུ་རྒྱུ་རབ་བཟང་གིས་ཚེ་དང་ལྡན་པ་ཀུན་དགའ་བོ་ལ་སྨྲས་པ་དང་། རབ་བཟང་དེ་བཞིན་གཤེགས་པ་ལ་འཚེ་བར་མ་
D6.011.0280b02.01བྱེད་ཅིག་ཆོག་གོ། །བཅོམ་ལྡན་འདས་ཀྱི་སྐུ་ནི་དུབ་བོ། །བདེ་བར་གཤེགས་པའི་སྐུ་ནི་མཉེལ་ཏོ། །དེ་ལྟར་ཚེ་དང་ལྡན་པ་ཀུན་དགའ་བོ་དང་། ཀུན་དུ་རྒྱུ་རབ་བཟང་གཉིས་ལྷན་ཅིག་བར་སྐབས་ཀྱི་གཏམ་ཟེར་བ་བཅོམ་ལྡན་འདས་ཀྱི་ལྷའི་སྙན་རྣམ་པར་དག་ཅིང་མིའི་ལས་འདས་པས་
D6.011.0280b03.01གསན་ཏེ། གསན་ནས་ཀྱང་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཀུན་དུ་རྒྱུ་རབ་བཟང་འདི་མ་དགག་པར་ཅི་དང་ཅི་འདོད་པ་འདྲིར་ཐོང་ཤིག །དེ་ཅིའི་ཕྱིར་ཞེ་ན། ང་དང་མུ་སྟེགས་ཅན་ལྷན་ཅིག་བར་སྐབས་ཀྱི་གཏམ་གླེང་བའི་ཐ་མར་འགྱུར་བ་
D6.011.0280b04.01ནི་འདི་ཡིན་ནོ། །འདི་ལྟ་སྟེ་ཀུན་དུ་རྒྱུ་རབ་བཟང་འདི་ཉིད་ངས་མངོན་སུམ་དུ་ཚུར་ཞེས་བྱས་པས་ངའི་ཉན་ཐོས་དགེ་སློང་རབ་ཏུ་བྱུང་བ་རྣམས་ཀྱི་ཐ་མར་འགྱུར་བ་ཡིན་ནོ། །དེ་ནས་ཀུན་དུ་རྒྱུ་རབ་བཟང་བཅོམ་ལྡན་འདས་ཀྱིས་སྐབས་ཕྱེ་བ་དང་དགའ་མགུ་རབ་ཏུ་དགའ་སྟེ། དགའ་བ་དང་།
D6.011.0280b05.01ཡིད་བདེ་བ་སྐྱེས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དང་ལྷན་ཅིག་ཏུ་ཡང་དག་པར་མགུ་བར་འགྱུར་བ་དང་། ཡང་དག་པར་རབ་ཏུ་དགའ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས།
D6.011.0280b06.01ཀུན་དུ་རྒྱུ་རབ་བཟང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན་ཕྱོགས་འགའ་ཞིག་ཞུ་བར་བགྱིའོ། །རབ་བཟང་ཅི་དང་ཅི་འདོད་པ་དྲིས་ཤིག །ཀྱེ་གཽ་ཏ་མ་འཇིག་རྟེན་འདི་དག་ན་མུ་སྟེག་ཅན་ཐ་དད་དུ་གནས་པ་འདི་
D6.011.0280b07.01