完整藏文原文 · 德格版页 当前仅加载第 11 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་ན་ད་ནི་གར་མཆིས་ཀྱང་མ་འཚལ་ཏེ། བར་མ་དོར་དུས་ལས་འདའ་བ་ཞིག་ཏུ་འགྱུར་ཡང་མ་འཚལ་ལོ་ཞེས་སྨྲས་པ་དང་། དེས་དེའི་ཉམས་དང་ཚིག་གི་རྒྱུད་ཐོས་ཏེ། ཁྱིམ་བདག་གཽ་ཏ་མས་དེ་ལ་ཡིད་ཀྱིས་སྡུག་པར་གྱུར་ཏེ། བུ་རྡོ་འཇོག་ན་གནས་པའི་སྐྱེ་བོ་མང་
D6.011.0126a01.01པོ་དག་ཁྱོད་ཀྱིས་ཤེས་སམ་ཞེས་དྲིས་སོ། །ཕ་འཚལ་ཏོ། །བུ་ཁྱིམ་བདག་འདི་ཞེས་བྱ་བ་ཁྱོད་ཀྱིས་ཤེས་སམ། ཕ་དེ་ནི་བདག་སྐལ་བ་ཉམས་པའི་ཕ་ལགས་ཏེ་འཚལ་ལོ། །ཁྱིམ་བདག་གཽ་ཏ་མ་ཡིད་ལ་ཡང་ཤིན་ཏུ་སྡུག་པར་གྱུར་ནས་བུ་མི་དགའ་བར་བྱ་མི་དགོས་ཀྱིས་མ་ངུ་ཤིག །
D6.011.0126a02.01ཁྱོད་ནི་ངའི་མག་པར་འགྱུར་ཏེ་ཁྱིམ་འདི་དག་ཁྱོད་ཉིད་ཀྱི་ཡིན་ནོ་ཞེས་སྨྲས་ཏེ། དེ་ཡང་སྤྲོ་བསྲིངས་ཏེ་དེ་ཡང་མི་དགའ་བ་དང་བྲལ་ལོ། །ཁྱིམ་བདག་གཽ་ཏ་མས་བྱུག་པ་དང་། བཟའ་བ་དང་། བཏུང་བ་དང་། གོས་དང་རྒྱན་དང་། ཁྱིམ་དང་། མལ་སྟན་དང་། གཡོག་དང་། དགའ་
D6.011.0126a03.01བའི་ཚིག་གིས་ངལ་བསོས་ཏེ་ཆུང་མ་ལ་སྨྲས་པ། བཟང་མོ་ཁྱོད་ཀྱི་མག་པ་འོངས་ཏེ། བུ་མོ་བག་མར་གཏང་གིས་སྟ་གོན་བྱོས་ཤིག །དེས་དེའི་ཉི་མ་དང་། ཚེས་གྲངས་དང་། སྐད་ཅིག་མ་དང་། སྐར་མ་དག་བརྟགས་ཏེ། རིམ་བཞིན་དུ་བཤམས་ནས་ཕུ་ནུ་དང་། མཛའ་བོ་
D6.011.0126a04.01དང་། །གཉེན་བཤེས་སུ་བཅས་པས་བུ་མོ་ལོང་ཤིག་ཅེས་སྨྲས་པ་དང་། དེས་ཕ་སྐད་ཅིག་མི་བླང་གི་ནོར་རྣམས་ཇེ་བཙལ་བར་བྱའོ་ཞེས་སྨྲས་པ་དང་། དེས་བུ་ཁྱིམ་ན་ནོར་ཡོད་པ་འདི་དག་ཐམས་ཅད་ཁྱོད་ཀྱི་ཡིན་ནོ། །ནོར་གྱིས་ཅི་ཞིག་བྱ་ཞེས་སྨྲས་པ་དང་། དེ་ཡང་སྨད་འཚོང་
D6.011.0126a05.01མ་དེ་ལ་འཁོན་ལན་གློན་པར་འདོད་ནས་སྨྲས་པ། ཕ་དེ་ནི་དེ་ལྟ་ལགས་མོད་ཀྱི་བདག་མི་མ་རབས་བཞིན་དུ་བག་མ་མི་ལེན་ཏོ་ཞེས་སྨྲས་པ་དང་། དེ་ཅང་མི་ཟེར་བར་འདུག་གོ། །དེ་འཁོར་མོ་འཇིག་ནས་བྱུང་སྟེ་ཡན་མན་དུ་འཁྱམ་ཞིང་འདུག་པ་ལས་ཆུ་འགྲམ་དུ་སོང་བ་དང་། ཆུ་དེའི་
D6.011.0126a06.01ནང་ནས་མི་རོ་ཞིག་ཁྱེར་འོངས་ཏེ། བྱ་རོག་ཞིག་ཆུའི་འགྲམ་དུ་འདུག་ནས་མི་རོ་དེ་ཟ་བར་འདོད་ན་མཆུས་མ་སླེབས་སོ། །དེ་ནས་མཆུ་དེ་ཤིང་བུ་ཞིག་ལ་བདར་བ་དང་། རིང་པོ་ཞིག་ཏུ་གྱུར་ཏེ་དེས་རོ་དེ་ཟོས་སོ། །དེ་ནས་ཡང་དེས་ཤིང་གཞན་ཞིག་ལ་མཆུ་བདར་བ་དང་། ཇི་ལྟར་སྔ་མ་བཞིན་
D6.011.0126a07.01